کراچی دا سرائیکی محلہ ۔۔۔ ارشد لاشاری

ایندے علاوہ ایں محلے دی باقی شھار تو نمایاں خوصیات اے ھن جو چار تو چھی فٹ دے بور تے پاݨی انتہائی مٹھا تے شفاف ملدے

ارشد لاشاری

۔۔۔۔۔۔۔۔۔۔۔۔۔۔۔۔۔۔۔۔

 

سرائیکی محلہ گڈاپ ٹاون کراچی،

مین سپرہائی وے تو نیو سبزی منڈی نادرن بائی پاس لنک روڈ تے موجود آبادیاں جنجار گوٹھ، تے انورمری گوٹھ دے وچال 2016 تو اینکو آباد کرݨ شروع کیتا ڳیا، 120کنال وچ تقریباً 300 تو ودھ گھراں اتے مشتمل ھے، ایندا محل وقوع ھک اچئ پہاڑی تے ھے جیندی وجہ تو اے باقی نیڑے دے علاقیاں تو انڄ تے نمایاں نظردے،

علاقے دے وچ80% فیصد اکثریت سرائیکی ٻولݨ آلے لاشاری قبیلے دی ھے تے کجھ گھر ݙوجھی سرائیکی برادریاں دے وی ھن،

علاقے دی لاشاری برادری دے تمام نوجوان بلال خان لاشاری ایڈوکیٹ دی سرپرستی وچ متحد ھن، تے جناب ھی ایں علاقے دی محلہ کمیٹی دے سرپرست اعلیٰ ھن،

جیویں ھی کوئی ٻاہر دا بندا علاقے وچ نواں آندے اونکو بلکل سرائیکی وسیب جیا ماحول ملدے، جیویں کئی وسیب دی وستی تھݙ تے کراچی وچ لا ݙتی گئی ھووے،علاقے وچ ھک سرائیکی چوک بݨایا ڳے ٻاہرو دی آوݨ آلی سنگت سانگے ھک وݙا دیرہ موجود ھے جتھ کمیونٹی تقریبات وی تھیندن تے ہر گھر نال وساخ وی موجود ھے،تے لوک ٻکریاں تے ککڑیاں وی شوق نال پالی پن

ایندے علاوہ ایں محلے دی باقی شھار تو نمایاں خوصیات اے ھن جو چار تو چھی فٹ دے بور تے پاݨی انتہائی مٹھا تے شفاف ملدے، جیندی وجہ تو علاقے دے لوک گھراں دے وچ اپݨی پسند دی سبزیاں راہیندن تے تازہ سبزیاں وچ تقریباً خود کفیل ھن،، گیس دی سہولت کینھی پر lpg دے سیلنڈر استمعال کیتے ویندن اور کئی وݙے گھریں وچ وسیبی کلچر مطابق تندور لاتے ڳن، ایندے علاوہ بجلی دا نظام باہمی تاون نال سولر سسٹم لاتے ہر گھر کو مفت بجلی ݙتی گئی ھے جیندا صرف سالانہ تھوڑا جیا مینٹنس چارج ھوندے،

مقامی سرائیکی محلہ کمیٹی دے تعاون نال ھک کنال زمین پہلے سرائیکی میڈیم اسکول تے ووکیشنل سینٹر کیتے مختص کیتی ڳئی ھے،اور اوندی چار دیواری تے کچھ کمرے بندا ناچیز نے زاتی خرچے نال تیار کر گھدن جتھاں کوشش ایہو ھے کہ مقامی سرائیکی ٻالیں کو مادری تے انگریزی زبانیں وچ مفت تعلیم ݙتی ونڄے اور خواتین تے نوجوانیں کو ٹیکنیکل ٹرینگ ݙے تے ہنر مند کیتا ونڄے،،

کراچی دا سرائیکی محلہ باہمی تاون تے اتفاق وچ بے مثال ھے،

وزٹ کرݨ والے دوست رابطہ کر سکدن انھیں کو ویلکم کیتا ویسی،،

جواب دیں

آپ کا ای میل ایڈریس شائع نہیں کیا جائے گا۔

This site uses Akismet to reduce spam. Learn how your comment data is processed.

%d bloggers like this: