برصغیر میں تحریکِ آزادی کے اہم رہنما موہن داس گاندھی کے زیرِ استعمال رہنے والی ایک عینک برطانیہ میں 2,60,000 برطانوی پاؤنڈز میں نیلام ہوئی ہے، جو پاکستانی روپوں میں 5 کروڑ 73 لاکھ روپے سے زیادہ کی رقم بنتی ہے۔
ایسٹ برسٹل آکشنز نے انسٹاگرام پر اپنے ایک پیغام میں بتایا ہے کہ "یہ عینک انہیں چار ہفتے پہلے ہی موصول ہوئی تھی جو ایک ایسے شخص کی ملکیت تھی جس کے ایک قریبی عزیز کو گاندھی جی نے یہ عینک خود دی تھی۔”
گاندھی جی اپنے پرانے یا غیر ضروری چشمے ضرورت مندوں یا اپنی مدد کرنے والے لوگوں میں تقسیم کر دیا کرتے تھے۔
عدم تشدد کے قائل گاندھی نے اپنی یہ عینک مذکورہ شخص کو تب دی تھی جب وہ 1920ء اور 1930ء کی دہائی میں جنوبی افریقہ میں برٹش پٹرولیم کے لیے کام کرتا تھا۔ سنہرے رنگ کی اس عینک پر سونے کا پانی چڑھا ہوا ہے۔
اس عینک کی اصل قیمت کا اندازہ 15,000 پاؤنڈز لگایا گیا تھا یعنی قیمتِ فروخت اندازوں سے کہیں زیادہ ہے۔
نیلامی کرنے والے اینڈریو اسٹو نے بتایا کہ یہ چشمہ ہمارے حوالے کرتے ہوئے کیا گیا تھا کہ "اگر یہ عینک اچھی نہیں لگی تو اسے پھینک دیجیے گا۔” جب بتایا گیا کہ ہو سکتا ہے کہ اس کے 15,000 پاؤنڈز مل جائیں تو وہ شخص اپنی کرسی سے گرتے گرتے بچا تھا۔
یہ بھی پڑھیے
ٹائی ٹینک ایک سو گیارہ برس بعد مزید پانچ زندگیاں لے گیا
پاکستان سمیت دنیا بھر میں آج بچوں سے مشقت کیخلاف عالمی دن منایا جارہا ہے
سعودی عرب کی کل آبادی 3 کروڑ 21 لاکھ سے تجاوز کرگئی