تریخ اکثر متضاد المیئے پلیندی اے ۔ ایندے جزیات ملتان دی گجھڑی تریخ اچ وی ملدن جنہیں وچوں ھک چھوٹا جیہاں تضاد رنجیت سنگھ دی شاھی مسند وی ھے ۔
اے مسند ھک چھوٹی جہیں گول سنہری چوبی کرسی تے مشتمل ھئی – رنجیت سنگھ عربئیں دے بعد ملتان اچو سونا چاندی لٹݨ آلے وݙے غاصبیں وچو ھک ھئی –
سب کجھ سمیٹݨ دے بعد اوں ملتان دے چتر کاری اچ جڳ مشہور کاریگر ” حا فظ محمد ملتانی” کوں غالبا” 1820 دے وسط اچ آپݨی سونے منڈھی مسند بݨاوݨ دا آرڈر ݙتا –
اے کرسی اتنی عالیشان، پر شکوہ تے سوھݨی ھئی جو بعد اچ رنجیت ایکوں لہور چا ڳیا جئں تے ٻہہ او آپݨی موت تک 14, 15 سال حکم احکام چلیندا رو ڳیا ۔
1849 اچ ملتان ہتھڑیکے کرݨ دے بعد انگریزاں 1853 دے لڳ بھڳ ایکوں لندن بھڄووا ݙتا ـ اڄ وی اے کرسی "وکٹوریا اتیں البرٹ میوزیم” اچ موجود اے ۔
مہا وݙ تصور کرݨ آلئیں کوں حقیقتا” اے کرسی ݙیکھ کے حیرت تھیسی کیوں جو اے سائیز اچ کافی ننڈھی اے – سبب ، مہاراجہ رنجیت سنگھ قد کا ٹھ دا کافی چھوٹا آدمی ھئی – اوندے چہرے تے چیچک دے داغ ھن اتے بچپن اچ مورکے کارݨ اوندی ہک اکھ کم کرݨ چھوڑ گئ ھئی –
اکثر اجنبی ملاقاتی اوکوں "حافظ ملتانی” دی مسند تے جڑیا ݙیکھ یقین نہ کریندے ھن جو ایہو رنجیت سنگھ اے – پنجاب دا توسیع پسند جارح ۔
یہ بھی پڑھیے
”کوئی خواب میکوں اُدھارا نہ ݙیویں“ (وسیب یاترا :12)||سعید خاور
”بدن دی بھوئیں تے مُونجھ دا متام“ (وسیب یاترا :11)||سعید خاور
””سندھو سکرات وِچ اے“ (وسیب یاترا :10)||سعید خاور