پاکستان سمیت دنیا بھر سے آج کی خبریں ، مختصر مختصر

۔۔۔۔۔۔۔۔۔۔

شیخ رشید بھی مائنس ون پر بول اٹھے، کہا، اگر مائنس ون کی بات آئی تو مائنس، مائنس، مائنس، تھری ہو گا، اور سسٹم لپٹا جائے گا، نہ ہم آخری چوائس ہیں نہ ہم مائنس ون ہیں، اپوزیشن منی لانڈر اور کرپٹ ہے حکومت کا کچھ نہیں بگاڑ سکتی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 پی ٹی آئی کے لوگ اپنے گندے کپڑے ٹی وی پر نہ دھوئیں، وزیر ریلوے کا ساتھی وزیروں کو پھر مفت مشورہ، کہا، وزرا ایک دوسرے کیخلاف وہ کر رہے ہیں جو اپوزیشن بھی نہیں کر سکتی، نالائق، کرپٹ اور فارغ اپوزیشن عمران خان کا کچھ نہیں بگاڑ سکتی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کالے بادل، ٹھنڈی ہوائیں اور تیز بارش، گرمی کی ہو گئی چھٹی، اسلام آباد میں وقفے وقفے سے بارش، پشاور میں بھی ہلکی بوندا باندی، محکمہ موسمیات کی آج خیبر پختون خوا، بالائی پنجاب، کشمیر اور گلگت بلتستان میں بادل برسنے کی پیش گوئی، بلوچستان میں بھی بارش کا امکان

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

خبردار، ہو شیار، کراچی والے ہو جائیں تیار، حیدر آباد، دادو سمیت سندھ کے مختلف شہروں میں دو روز بعد تیز بارش کا امکان، کراچی اور حیدر آباد میں اربن فلڈنگ کا بھی خدشہ، محکمہ موسمیات کے مطابق، تیز ہوائیں چلیں گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بارش کے دوران گھروں سے باہر کم نکلیں، بجلی کے کھمبوں سے دور رہیں، دیواروں کے سائے اور درختوں کے نیچے بیٹھنے سے گریز کریں، گاڑی احتیاط سے چلائیں، مون سون میں احتیاطی تدابیر اپنا کر حادثات سے  بچا جاسکتا ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

حالات بہتر ہوئے تو پندرہ اگست سے اسکول کھول دیں گے، وزیر تعلیم  پنجاب مراد راس کا اعلان، کہتے ہیں، ایک ہی ساتھ ساری کلاسز لگانے کی اجازت نہیں ہو گی، ایک کلاس میں بیس بچوں کو بیٹھنے کی اجازت ہو گی،  پندرہ جولائی سے اسکول کھولنے کی اجازت نہیں دے سکتے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ملک میں دو لاکھ پچیس ہزار سے زائد کورونا کیسز، چوبیس گھنٹوں میں مزید اڑسٹھ افراد زندگی کی بازی ہار گئے، اب تک مجموعی طور پر چار ہزار چھ سو اُنیس اموات رپورٹ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سندھ میں کورونا سے مجموعی طور پر ڈیڑھ ہزار سے زائد اموات، صوبے میں نوے ہزار سے زائد کیسز رپورٹ ہوئے، کراچی میں مریضوں کی تعداد اکہتر ہزار پانچ سو سے بڑھ گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

روشنیوں کے شہر کراچی میں لوڈ شیڈنگ سے اندھیرے، رات بھر شہر کے مختلف علاقے تاریکی میں ڈوبے رہے، شارع پاکستان کے اطراف فیڈرل بی ایریا کے مختلف بلاکس کی بجلی بند، گلشن اقبال، ناظم آباد، لیاقت آباد، گلبہار اور گرومندر کے اطراف بھی بجلی غائب، شہریوں کی دہائی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی میں بجلی کی قیمت میں اضافہ ظلم ہے، اپوزیشن لیڈر شہباز شریف کہتے ہیں، حکومت ہر روز عوام کے صبر کا کڑا امتحان لے رہی ہے، پیٹرول کی قیمتوں میں اضافہ ظلم در ظلم ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

شیخ رشید نے پیٹرول کی قیمت اچانک بڑھانے کو عمران خان کیخلاف سازش قرار دے دیا، کہا، سازشی بجٹ منظوری والے دن مسائل پیدا کرنا چاہتے تھے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مائنس ون کسی کو منظور نہیں ہو گا، معاون خصوصی زلفی بخاری کہتے ہیں، اپوزیشن نے ہوا بنانے کی کوشش کی ہے، اگر مائنس ون کا سوچ بھی لیں تو یہ بھی دیکھ لیں کہ کون سا ایم این اے عمران خان کی وجہ سے جیتا اور کون عمران خان کے بغیر جیتا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ایف بی آر میں بڑی تبدیلی، چئیر پرسن ایف بی آر نوشین جاوید کو عہدے سے ہٹا دیا گیا، جاوید غنی ایف بی آر کے نئے چیئرمین ہوں گے، نوٹی فیکیشن جاری، وفاقی کابینہ نے سرکولیشن سمری کے ذریعے منظوری دی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پارک لین کیس میں سابق صدر آصف زرداری پر چھ جولائی کو فردِ جرم عائد ہو گی، احتساب عدالت کا  ملزمان کی ویڈیو لنک پر حاضری یقینی بنانے کا حکم، سابق صدر کے پیش نہ ہونے پر ان کے گھر یا اسپتال سے ویڈیو لنک پر فرد جرم عائد کی جائے گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اپوزیشن لیڈر شہباز شریف لاہور ہائیکورٹ پیش، آمدن سے زائد اثاثوں کے کیس میں ضمانتی مچلکوں پر دستخط کر دئیے، کورونا سے متاثر شہباز شریف گلوز اور ماسک پہن کر عدالت پہنچے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیراعظم عمران خان کی زیر صدارت این سی او سی کا اجلاس، وفاقی وزرا، معاونین اور عسکری حکام کی شرکت، کورونا وائرس اور اسمارٹ لاک ڈاؤن پر تبادلہ خیال

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا کے پھیلاؤ کا خدشہ تھما نہیں، احتیاط لازمی  ہے، وزیر اطلاعات شبلی فراز کہتے ہیں، عمران خان کی اسمارٹ لاک ڈاوَن کی حکمت عملی پوری دنیا اختیار کر رہی ہے، اسد عمر نے کہا، ایس او پیز پر عمل ہو گا تو کاروبار بھی چلے گا، احتیاط نہ کی گئی تو سزا بھی ملے گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

گوادر انٹرنیشنل ائیرپورٹ کی تعمیر جاری ہے، چیئرمین سی پیک اتھارٹی عاصم سلیم باجوہ کہتے ہیں، میگا ایئرپورٹ پر تین سو بیس ملین ڈالر لاگت آئے گی، وزیراعظم کی ہدایت پر گوادر کے منصوبے مکمل کرنے کیلئے پرعزم ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

روز ویلٹ ہوٹل کو نہیں بیچ رہے، میں یا میرا کوئی دوست یہ ہوٹل نہیں خرید رہا، معاون خصوصی زلفی بخاری کہتے ہیں، ہوٹل کو پی آئی اے کیلئے منافع بخش بنائیں گے، پی ٹی ڈی سی کو بند نہیں کیا، چار سو ملازمین کو فارغ کیا گیا، پی ٹی ڈی سی کے گیسٹ ہاؤس صوبوں کو دیں گے، پالیسی کے تحت دو سال میں چالیس ہوٹل بنیں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ایک روز میں کورونا سے زیادہ اموات کے لحاظ سے پاکستان سے پندرہ ملک آگے، نئے کیسز میں پاکستان کا گیارواں نمبر، ایکٹو کیسز میں امریکہ، برازیل، روس اور بھارت، پاکستان سے آگے، مجموعی کیسز کے لحاظ سے پاکستان کا بارہواں نمبر

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ملک میں ایک روز میں کورونا سے ریکارڈ گیارہ ہزار سے زائد مریض صحتیاب، کورونا کو شکست دینے والوں کی تعداد ایک لاکھ پچیس ہزار سے بڑھ گئی، وزیراعلیٰ مراد علی شاہ کہتے ہیں، سندھ میں پچاس ہزا سے زائد مریض صحتیاب ہوئے، سندھ میں صحت یابی کی شرح پنجاب سے زیادہ ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دنیا بھر میں کورونا کے ایک کروڑ گیارہ لاکھ سے زائد مریض، اموات کی تعداد پانچ لاکھ اُنتیس  ہزار سے بڑھ گئی، تریسٹھ لاکھ تیس ہزار سے زائد مریض صحت یاب

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دنیا میں کورونا کے مزید دو لاکھ سے زائد نئے کیسز کا ریکارڈ، دو روز میں چار لاکھ، تین دن کا مجموعہ چھ لاکھ سے زائد رہا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی میں اسمارٹ لاک ڈاؤن کا دوسرا مرحلہ، ضلع جنوبی کے پانچ ٹاؤنز میں پابندیاں نافذ، خیابان راحت کی تمام کمرشل مارکیٹیں بند، کلفٹن بلاک چار کے تمام علاقے اور تجارتی مراکز بھی بند، باتھ آئی لینڈ، کھارا در کی مارکیٹیں بھی بند کر دی گئیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

شیخوپورہ ٹرین حادثہ کوچ ڈرائیور کی غفلت سے پیش آیا، وزیر ریلوے شیخ رشید کا اظہار افسوس، حادثے میں سکھ یاتریوں سمیت بائیس افراد ہلاک  ہوئے، انیس سکھ یاتریوں کی آخری رسومات ادا کر دی گئیں، تحقیقاتی ٹیم نے بھی حادثے کا ذمہ دار کوچ ڈرائیور کو قرار دیا تھا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ریلوے کے کرایوں میں اضافہ نہیں ہو رہا، تجویز آئی تھی مسترد کر دی  وزیر ریلوے شیخ رشید نے واضح کر دیا، کہا، ریلوے زندہ ہونے جا رہی ہے، دو ہزار بیس ریلوے کی ترقی اور انقلاب کا سال ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

چار خودکش حملے ہوئے اتنا نہیں گھبرایا جتنا کورونا سے گھبرایا، کورونا خوفناک ہے عوام احتیاط کریں، کورونا سے صحتیاب شیخ رشید کی وارننگ، کہا، انہیں ایک انجکشن پانچ لاکھ کا بھی نہیں مل رہا تھا، اللہ کسی دشمن کو بھی یہ بیماری نہ لگائے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی میں رینجرز کی کارروائی، پاک سر زمین پارٹی کے رکن عاصم محمد کے قتل میں ملوث دو مبینہ ملزمان گرفتار، ناظم آباد اور خواجہ اجمیر نگری میں اسپیشل انویسٹی گیشن یونٹ کی کارروائی، قتل، اقدام قتل اور پولیس پر حملوں سمیت متعدد ڈکیتیوں میں مطلوب تین مبینہ ملزم گرفتار

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پنجاب میں بچوں کے اغوا اور زیادتی کے جرائم میں خطرناک حد تک اضافہ، پولیس نے پنجاب حکومت کو رپورٹ بھجوا دی، رپورٹ کے مطابق، دس سال میں پنجاب میں اغوا کے دس ہزار اور زیادتی کے سات ہزار سے زائد کیسز رپورٹ ہوئے، ہم نیوز نے رپورٹ حاصل کر لی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

گجرات جیل میں ہنگامہ آرائی، سپرنٹنڈنٹ جیل سمیت گیارہ اہلکاروں کے خلاف مقدمہ درج،  چار قیدیوں کیخلاف بھی ایف آئی آر درج کی گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

یورپی یونین کی کورونا کے علاج کیلئے ریمڈیسیور کی منظوری، امریکہ سمیت کئی ممالک پہلے ہی اس دوا کی منظوری دے چکے ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ڈیمو کریٹ کے صدارتی امیدوار جوبائیڈن مسلسل دوسرے مہینے، ٹرمپ سے زیادہ فنڈز جمع کرنے میں کامیاب، ڈیموکریٹس نے مئی میں اکیاسی، ٹرمپ اور ریپبلکنز نے اکہتر ملین ڈالر جمع کیے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

برطانیہ میں بڑے کمرے کو ماسٹر بیڈ روم کہنے پر پابندی، غلامانہ اور حاکمیت کے پس منظر میں پابندی کچھ شہروں میں شروع، ماسٹر بیڈ روم کو اب پرائمری روم یا پرنسپل بیڈ روم کہا جائے گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سینیٹائزر کے کاروبار سے اربوں کا منافع، برطانوی جوڑے نے صرف بارہ ہفتوں میں کاروبار کو چھ ارب روپے تک بڑھا لیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

برطانیہ میں تین مہینے لاک ڈاون میں نرمی، آج سے ریستوران، سینما گھر اور شاپنگ مالز کھولنے کی اجازت

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ایسی پرواز جو کبھی نہیں اُڑے گی، لاک ڈاؤن سے تنگ سفر کے خواہش مندوں کیلئے تائیوان میں فیک فلائٹس، پاسپورٹ دکھائیں، سامان چیک کرائیں، بورڈنگ پاس لیں، جہاز میں بیٹھیں، تصویریں لیں اور جہاز سے واپس اُتر جائیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

غلطی چھبیس کروڑ کی،،، جرمنی کا شہری کار خریدنے کیلئے ٹرانزیکشن کی، تصدیق نہ ہونے پر بار بار ٹرانزیکشن کرتا رہا، ٹیسلا کمپنی نے تکنیکی خرابی تسلیم کرتے ہوئے آرڈر منسوخ کر دیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

چین امریکہ تعلقات میں بال بھی آ گئے، نیویارک بندرگاہ پر تیرہ ہزار کلو سے زائد چینی بیوٹی پروڈکٹس روک لی گئیں، اشیا انسانی بالوں سے بنائی گئیں، امریکی حکام کو شبہ، کہا، سنکیانگ میں جبری مشقت اور قیدیوں سے غیرانسانی سلوک کی طرف اشارہ ملتا ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ماسک مہنگا نہیں بہت ہی مہنگا، بھارتی شہر پونے میں شہری نے کورونا سے بچاؤ کیلئے سونے کا ماسک پہن لیا، قیمت دو لاکھ نواسی ہزار روپے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ہیڈ کوچ مصباح الحق کرکٹ ٹیم کی فٹنس سے مطمئن، کہا، خدشہ تھا کھیل سے دوری کے باعث کرکٹرز کی فٹنس متاثر ہوئی ہو گی لیکن ایسا نہیں، تمام کھلاڑی فٹ ہیں، پریکٹس میچ میں ہر کھلاڑی کو کھیلنے کا موقع دیں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

چار جولائی وزیراعظم عمران خان کے کرکٹ ایئر کا اہم دن، عمران خان ٹیسٹ میں تین سو وکٹیں لینے والے پہلے پاکستانی بنے، انگلینڈ کیخلاف میچ میں دس وکٹیں حاصل کیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا کا فارمولا ون چیمپئن کو چار ارب روپے کا جھٹکا، مرسیڈیز نے لوئیس ہملٹن کی تنخواہ آٹھ ارب روپے سے آدھی کر کے چار ارب روپے کر دی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ایٹلیٹکو میڈرڈ نے حریف کلب کو تین صفر سے ہرا دیا، ایٹلیٹکو کا لالیگا میں تیسرا نمبر برقرار

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بچے کی باسکٹ بال میں کمال مہارت، ننھا چینی بچہ اسپورٹس اسٹار بننے کی تیاریاں کرنے لگا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کبوتروں کی آٹھ سو بارہ گھنٹے سے زائد اُڑان، کراچی میں کبوتر بازی  کے مقابلے میں شریک کبوتر باز کا دعویٰ، کہا، کبوتروں نے سات مرتبہ اڑان کے مقابلے میں آٹھ سو بارہ  گھنٹے پرواز کی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اداس نسلوں کے داستان گو عبداللہ حسین کی پانچویں برسی، عبداللہ حسین نے شہرہ آفاق ناول ’اداس نسلیں‘ تخلیق کیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لوک فنکار علن فقیر کو مداحوں سے جدا ہوئے بیس برس بیت گئے، فقیر کی آواز کا سحر آج بھی قائم، علن فقیر نے سندھی موسیقی کو نئی جہت عطا کی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سجل ساحل اور دیسی رنگ، سجل احد میر کی نئی تصاویر نے فینز کا دل جیت لیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

فواد خان کی دی لیجنڈ آف مولاجٹ کی عید ٹرین پھر چھوٹ گئی، فلم کو  پچھلے سال کی عید، پھر، اس سال میٹھی عید پر ریلیز ہونا تھا، اب فلم کا بڑی عید پر ریلیز کا بھی امکان نہیں

ویب ڈیسک

See author's posts