پاکستان سمیت دنیا بھر سے آج کی خبریں، مختصر مختصر

۔۔۔۔۔۔۔۔۔۔۔۔۔۔

پاکستان کی سالمیت کا ہر قیمت پر تحفظ کیا جائے گا، وزیراعظم عمران خان کی زیرصدارت قومی سلامتی سے متعلق اعلیٰ سطح کا اجلاس، چیئرمین جوائنٹ چیفس آف اسٹاف، مسلح افواج کے سربراہان کی شرکت، ملک کی داخلی سیکیورٹی اور سلامتی صورتحال کا جائزہ، شرکا نے کہا، پاکستان ہمسایوں کے ساتھ پرامن طریقے سے رہنا چاہتا ہے، ملک کا دفاع کرنے کا عزم اور صلاحیت رکھتے ہیں، مقبوضہ کشمیر میں انسانی حقوق کی خلاف ورزیوں پر سخت اظہار تشویش

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

شیخوپورہ میں ٹرین کی کوسٹر کو ٹکرسے بیس مسافر ہلاک ہو گئے، مرنے والوں میں سکھ یاتری بھی شامل، زخمی اسپتال منتقل، شاہ حسین ایکسپریس کراچی سے لاہور جا رہی تھی، صدر مملکت عارف علوی اور وزیر اعظم عمران خان کا ٹرین حادثے پر اظہار افسوس، زخمیوں کو بہترین طبی امداد کی فراہمی کی ہدایت

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیر ریلوے شیخ رشید کا ٹرین حادثہ کے ذمہ داران کیخلاف فوری کارروائی کا حکم، ترجمان ریلوے کے مطابق، ڈی ای این کو فوری طور پر معطل کر دیا گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سندھ حکومت کا بلدیہ ٹاؤن، عزیر بلوچ اور نثار مورائی کی جے آئی ٹیز رپورٹس پبلک کرنے کا اعلان، مرتضیٰ وہاب کہتے ہیں، رپورٹس میں کہیں بھی پیپلز پارٹی کی قیادت کا ذکر نہیں، علی زیدی کو چیلنج ہے رپورٹ میں آصف زرداری کا نام دکھا دیں، سہیل انور سیال نے کہا، علی زیدی نے قومی اسمبلی سے جھوٹ بولا، استعفیٰ دیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

احتساب عدالت کے جج ارشد ملک برطرف، ارشد ملک کو لاہور ہائی کورٹ کی انتظامی کمیٹی نے برطرف کیا، برطرفی کا فیصلہ ویڈیو اسکینڈل تحقیقات مکمل ہونے کے بعد کیا گیا، ارشد ملک نے نواز شریف کو نیب ریفرنس پر سزا سنائی تھی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لاہور ہائیکورٹ کی انتظامی کمیٹی کا فیصلہ نوازشریف کی بے گناہی کا ثبوت ہے، اپوزیشن لیڈر شہباز شریف کہتے ہیں، ثابت ہو گیا کہ جج نے انصاف پر مبنی فیصلہ نہیں دیا تھا، انصاف کا تقاضا ہے کہ نوازشریف کیخلاف سزا کو ختم کیا جائے، مریم نواز نے کہا، فیصلہ سچ کی فتح اور جھوٹ کی شکست ہے، جج کے فیصلوں کو بھی کالعدم قرار دیا جائے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جج بلیک میل کیس کے دو میں سے ایک کردار برطرف ہو گئے، کھیل کا دوسرا کردار مریم صفدر ہیں، معاون خصوصی شہزاد اکبر کہتے ہیں، مریم صفدر نے جج کی ویڈیو استعمال کر کے اپیل پر اثر انداز ہونے کی کوشش  کی، اپیل پر سزا ہونا باقی ہے، شہباز گل نے کہا، شہباز شریف کے اظہار تشکر کے اعلان پر ہنسی آ رہی ہے، اعلان ایسا ہی ہے جیسے پانامہ فیصلے پر مٹھائیاں بانٹی گئیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

حالات بہتر رہے تو جولائی کے آخر تک کورونا کیسز چار لاکھ سے کم ہوں گے، وفاقی وزیر اسد عمر کہتے ہیں، اسمارٹ لاک ڈاؤن سے کورونا کیسز میں کمی آئی، انتظامی کارروائی نہ کی تو جولائی تک بارہ لاکھ کورونا کیسز ہو سکتے ہیں، سندھ اور خصوصاً کراچی میں صورتحال بہتر نظر نہیں آرہی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پاکستان میں کورونا کے مزید چار ہزار ستاسی کیسز رپورٹ، تعداد دو لاکھ بائیس ہزار کے قریب پہنچ گئی، مزید اٹھہتر مریض دم توڑ گئے، اب تک مجموعی اموات ساڑھے چار ہزار سے بڑھ گئیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی میں اسمارٹ لاک ڈاؤن کا دوسرا مرحلہ، ضلع جنوبی کے پانچ ٹاؤنز میں پابندیاں نافذ، خیابان راحت کی تمام کمرشل مارکیٹیں بند، کلفٹن بلاک چار کے تمام علاقے اور تجارتی مراکز بھی بند، باتھ آئی لینڈ، کھارا در کی مارکیٹیں بھی بند کر دی گئیں، کورنگی، شرقی اور غربی کی اکتالیس یو سیز میں اسمارٹ لاک ڈاؤن ختم

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مائنس ون پارٹی کے اندر کیا جاتا ہے، عمران خان سے ملک نہیں چل رہا، حکومت ناکام ہو چکی، ان کا ہر لمحہ اب بھاری ہے، سابق وزیراعظم شاہد خاقان عباسی کہتے ہیں، عمران خان بتائیں کون انہیں مائنس کر کے اقتدار میں آنا چاہتا ہے؟ شاہد خاقان احتساب عدالت میں پیش، عدالت کا ایل این جی کیس میں نیب کو چھ اگست کو حتمی ریفرنس دائر کرنے کا حکم

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

عمران خان تحریک انصاف سے بڑے ہیں، مائنس ون نہیں ہو سکتا، وفاقی وزیر فواد چودھری کہتے ہیں اصل پاور لیڈر ہے، پارٹی اس کی پیداوار ہے، لیڈر مائنس ہو گیا تو پارٹی کیسے چلے گی؟ دو سال میں جیسے آگے بڑھنا چاہیے تھا ویسے نہیں بڑھ سکے، جو اصلاحات کرنی چاہیئے تھیں وہ بھی نہیں ہو سکیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

گرمی اور لوڈشیڈنگ کے ساتھ بجلی بھی مہنگی، کراچی والوں کیلئے بجلی کا جھٹکا، اقتصادی رابطہ کمیٹی کی کے الیکٹرک کیلئے بجلی مہنگی کرنے کی منظوری، بجلی کے نرخ دو روپے نواسی پیسے فی یونٹ بڑھا دئیے، کراچی کے کئی علاقوں میں بجلی گھنٹوں غائب رہنا معمول

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لاہور سمیت پنجاب میں تین سے چار گھنٹے کی لوڈ شیڈنگ، گڑھی شاہو، ہربنس پورہ، راج گڑھ، باغبانپورہ، دھرم پورہ میں بجلی کئی کئی گھنٹے غائب رہنے لگی، لیسکو حکام کا کہنا ہے، گرمی اور سسٹم پر دباؤ بڑھنے سے ٹرانسفارمر جل جاتے ہیں، ٹھیک کرنے میں وقت لگتا ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

رینٹل پاور ریفرنس میں سابق وزیراعظم راجہ پرویز اشرف کی بریت چیلنج، نیب نے احتساب عدالت میں سہووال ریفرنس کے فیصلے کیخلاف اپیل دائر کر دی، دیگر دس ملزمان کی بریت کا فیصلہ بھی معطل کرنے کی استدعا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

رہنما مسلم لیگ ن خواجہ آصف نیب لاہور میں پیش، ڈیڑھ گھنٹے تک پوچھ گچھ، خواجہ آصف پر سیالکوٹ میں سوسائٹی انتظامیہ کی ملی بھگت سے اراضی کی غیر قانونی فروخت کا الزام ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بانی ایم کیو ایم کی جائیدادیں ضبط کرنے کیلئے ایف آئی اے کی انسداد دہشت گردی کی عدالت میں درخواست دائر، ڈاکٹر عمران فاروق قتل کیس کے چاروں ملزموں کی جائیدادیں بحق سرکار ضبط کرنے کی استدعا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نئے کورونا کیسز میں پاکستان کا آٹھواں نمبر، مجموعی کیسز میں پاکستان سے گیارہ ملک آگے، ایک روز میں اموات کے لحاظ سے پاکستان چودہویں نمبر پر، مجموعی اموات میں بیس ملک پاکستان سے آگے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا کے خلاف جنگ میں عزم و ہمت کے سو روز مکمل، نیشنل کمانڈ اینڈ آپریشن سنٹر کے سو روز کی تکمیل پر کمانڈ سنٹر میں خصوصی یادگاری دیوار مختص، وفاقی وزیر منصوبہ بندی اسد عمر اور وفاقی وزیر فخر امام نے اپنے تاثرات درج کیے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

گجرات جیل میں ہنگامہ آرائی، 9جیل اہلکار معطل، وزیراعلیٰ پنجاب نے مقدمہ درج کرنے کا حکم بھی دے دیا، محکمہ جیل خانہ جات کے کرپٹ افسروں اور اہلکاروں کی فہرستیں بنانے کی بھی ہدایت، عثمان بزدار نے کہا، ظلم کرنے والے کو اسی جیل میں بند کر دیں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اٹک کے گاؤں ڈھوک ملیار میں کنویں کی صفائی کے دوران دم گھٹنے سے چھ افراد جاں بحق، مرنے والوں میں تین بھائی، دو کزن اور چچا شامل ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی کی بلوچ کالونی میں فائرنگ سے پولیس اہلکار جاں بحق، موٹر سائیکل سوار دو ملزمان نے پولیس اہلکار کو نشانہ بنایا، جائے وقوعہ سے پستول کی گولیوں کے تین خول ملے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دنیا بھر میں کورونا کے ایک کروڑ دس لاکھ سے زائد مریض، اموات کی تعداد پانچ لاکھ چوبیس ہزار سے بڑھ گئی، اکسٹھ لاکھ سے زائد مریض صحت یاب

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دنیا بھر میں پہلی بار ایک روز میں دو لاکھ سے زائد کورونا کیسز رپورٹ، دو جولائی کو دنیا بھر میں دو لاکھ آٹھ ہزار سے زائد کیسز ریکارڈ ہوئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکہ میں کورونا بے قابو، ایک روز میں کیسز کا ریکارڈ پھر ٹوٹ گیا، چوبیس گھنٹوں میں ستاون ہزار سے زائد کیسز، مجموعی کیسز اٹھائیس لاکھ سے زیادہ ہو گئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکہ نے پاکستان کو سو وینٹی لیٹرز فراہم کردیئے، امریکی سفارتخانے کے مطابق، وینٹی لیٹرز امریکا سے کراچی پہنچائے گئے، کورونا وائرس کے خلاف جنگ میں واشنگٹن اسلام آباد کے ساتھ ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وفاقی وزیر غذائی تحفظ سید فخر امام کہتے ہیں، ٹڈی دل کیخلاف آپریشن کیلئے چھبیس ارب روپے مختص کیے، دو سو زرعی سائنسدانوں کو تربیت دی جا رہی ہے، آپریشن میں ساڑھے چھ سو سپرے گاڑیاں اور پانچ ہزار افراد حصہ لے رہے ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اسلام آباد میں پاکستان کا پہلا اسپیس میوزیم قائم ہو گا، وفاقی وزیر فواد چودھری کی زیرصدارت اجلاس میں فیصلہ، پاکستان میں پانچ فلکیاتی آبزرویٹری بھی نصب کی جائیں گی، فواد چودھری نے کہا، میوزیم چھ سے آٹھ ماہ میں مکمل ہو گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

انٹر بینک میں ڈالر سڑسٹھ پیسے سستا، قیمت ایک سو چھیاسٹھ روپے اکیس پیسے ہو گئی، اسٹاک مارکیٹ میں مثبت رجحان، ہنڈرڈ انڈیکس میں تہتر پوائنٹس کا اضافہ ریکارڈ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

فرانسیسی وزیراعظم نے استعفیٰ دے دیا، استعفے کی وجہ نہیں بتائی گئی، صدر ایمانوئل میکرون نے وزیراعظم کا استعفیٰ منظور کر لیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ماسک ہی نہیں فیس شیلڈ بھی لگانا ہو گی، قطر ایئرویز نے مسافروں کیلئے نیا ہدایت نامہ جاری کر دیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دنیا کی چار امیر ترین شخصیات پانچ سو بلین ڈالر کی مالک، جیف بیزوس، بل گیٹس، برناڈ آرنلٹ اور مارک زکر برگ کی مجموعی دولت آٹھ سو کھرب روپے کے قریب

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا بحران کی وجہ سے افریقی ممالک کو بانوے کھرب روپے کا نقصان، افریقی یونین کے مطابق، گزشتہ تین ماہ میں براعظم افریقہ کے ممالک کو سیر وسیاحت کی مد میں نقصان ہوا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

عقاب شارک دبوچ کر اڑ گیا، طاقتور عقاب کے شکار کی ویڈیو سوشل میڈیا پر مقبول

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ورلڈ کپ دو ہزار گیارہ کے فائنل میں ہارنے کی تحقیقات، تحقیقاتی ٹیم کی سابق سری لنکن کپتان کمار سنگاکارا سے آٹھ گھنٹے تک پوچھ گچھ، سری لنکن وزیر کھیل کے فائنل فکس ہونے کے دعوے کے بعد تحقیقات جاری ہیں، جے وردنے سے بھی پوچھ گچھ ہو گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ساری زندگی تھوک سے گیند چمکاتے رہے، اب خود کو تبدیل کرنا وقت کی ضرورت ہے، باؤلنگ کوچ وقار یونس کہتے ہیں، کھلاڑی اچھے دکھائی دے رہے ہیں، انگلینڈ کے خلاف سیریز میں اچھا کھیلیں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

گریزمین کی وجہ سے میسی نے بارسلونا کو چھوڑنے کا فیصلہ کر لیا، میڈیا میں رپورٹس لیک کرنے پر میسی کلب انتظامیہ سے خفا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ٹوٹنم کا چیمپئنز لیگ کھیلنے کا خواب بکھر گیا، میزبان شیفیلڈ یونائیٹڈ پریمئیر لیگ میں تین ایک سے کامیاب

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

رکشے فراری بن گئے، سری لنکا میں رکشوں کی ریس، تیزرفتار ٹک ٹک رکشوں نے پتھریلے اور صحرائی ٹریک پر ایک دوسرے سے آگے بڑھنے کیلئے خوب زور لگایا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

عوامی گلوکار عالم لوہار کو مداحوں سے بچھڑے اکتالیس برس بیت گئے، عالم لوہار نے جگنی کو دنیا سے روشناس کیا، ہیر وارث شاہ کو چھتیس مختلف انداز میں گایا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ہر مشن امپاسبل کو پورا کرنے والا ہیرو اٹھاون برس کا ہو گیا، ٹاپ گن سے کروڑوں دلوں کی دھڑکن بننے والے ٹام کروز کا آج ہیپی برتھ ڈے ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ایکشن اور باکس آفس کی ملکہ کون؟ ونڈر وومن اور بلیک وِڈو دونوں فلموں کی ریلیز کا سب کو انتظار، دونوں کی ریلیز کورونا کی وجہ سے آگے اور آگے

ویب ڈیسک

See author's posts