استاد۔ ابراہیم
شاگرد ۔اسمعیل
اسمعیل۔ استاجی السلام علیکم
ابراہیم ۔ ( کانپتے ہاتھوں سے چارپائی پر عینک ٹٹولتے ہوئے) وعلیکم السلام ۔کون ہائیں ابا
اسمعیل ۔ میں اسمعیل ہاں استاجی۔
ابراہیم ۔ کیھڑا اسماعیل ہیئں ابا؟۔
اسمعیل۔ استاجی میں تہاڈے کولوں پہلی ڈوجی پڑھیا ہامیں 45 سال پہلے ۔
ابراہیم ۔ اچھا اچھا بچا ہنڑ سنجاتے می۔
ابراہیم ۔بچا کھڑا کیوں ہیں؟ کھٹڑے تیں بہہ اسمعیل ۔( استاد دے قدمیں اچ بہندے ہوئیں) جی استاجی۔
ابراہیم ۔ ابا تساں کیہڑے شعبہ زندگی نال منسلک او؟
اسمعیل ۔ استاجی میں تہاڈے دعائیں نال پی ٹی سی ٹیچر لگا ہامیں تے نال نال پڑھدا وی رئیاں، ہنڑ یونیورسٹی دا وی سی ہاں۔
ابراہیم ۔ ابا تساں تاں آہدے ہاوے جو میں CSS کریساں تے ول ٹیچر، اے کینویں؟
اسمعیل ۔ استاجی میں تہاڈی وجہ کنیں ٹیچر بنڑیاں۔
ابراہیم ۔( حیران تھیندے ہوئیں )میڈی وجہ کنیں؟
اسمعیل ۔ استاجی ہک دفعہ میں ہک بال دا پن چوری کیتا ہا، تساں ساریں کو کندھ دو منہ کروا کے تلاشی گدی ہائی۔ میڈی جیب دے وچوں پن نکلنڑ دے باوجود تساں میکوں ناں ت کلاس دے سامنڑیں شرمسار کیتے وے ت ناں بعد اچ کڈاہیں کوئی گالھ کیتی وے۔ تہاڈے ایں کردار دی عظمت کوں سلام پیش کرنڑ کیتے میں ٹیچر بنڑنڑ دا فیصلہ کیتا ہا۔
ابراہیم ۔جیندا راہویں پترا! جیہڑے ویلھے میں تلاشی شروع کیتی ہائی ، میں اکھیں موٹ گدیاں ہن۔
اسمعیل ۔ استاجی اجازت ڈیو تے دعا وی کرو۔
ابراہیم ۔ بچا! اللہ تبارک و تعالی تہاڈی عمر وچ برکت پاوے۔ آندے رہ ونجو۔
اسمعیل ۔ انشاءاللہ استاجی ۔ السلام علیکم
ابراہیم ۔وعلیکم السلام ۔
( کار اسٹارٹ تھیونڑ دی آواز آندی ہے)
ضروری وضاحت: قبل ازیں یہ تحریر سہوا قسور سعید کے نام سے شائع ہوگئی تھی۔اس کے لئے ادارہ معذرت خواہ ہے
یہ بھی پڑھیے
سُنجاݨ بنا کیڑھی سانجھ میاں مردانے آ؟۔۔۔||اسد جوتہ
پاکستان پیپلز پارٹی امید سحر۔۔۔|| بشیر نیچاری
بچوں کا عالمی دن اور فلسطینی بچے !||مظہراقبال کھوکھر