04جون 2020:پاکستان اور دنیا بھر سے مختصر خبریں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

احتیاطی تدابیر نہیں تو کاروبار بھی نہیں،،کورونا سے بچاؤ کے ایس او پیز کی خلاف ورزی پر انتظامیہ  کا ایکشن،،لاہور، ملتان اور گوجرانوالہ میں بڑی کارروائیاں، لاہور میں چوبیس دکانیں سیل،ملتان میں متعدد دکانوں کو بند کرادیا گیا، گوجرانوالہ کی سیٹلائٹ ٹاؤن مارکیٹ سمیت تمام چھوٹی بڑی مارکیٹیں بند کرادی گئیں،نوشہرہ میں بھی ایک سو پچیس دکاندار گرفتار، پینتیس دکانیں سیل

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پنجاب حکومت کا انسداد کورونا اقدامات کی خلاف ورزی پر زیرو ٹالرنس کا فیصلہ، صوبائی وزیر اسلم اقبال کہتے ہیں، مارکیٹوں میں سرپرائز چیکنگ ہوگی،کہیں بھی خلاف ورزی پرپوری مارکیٹ سیل کردی جائے گی، دکانداروں اور خریداروں کےلیےماسک پہننا لازمی قرار،بزرگوں اور بچوں کےمارکیٹوں میں داخلے پر پابندی ہوگی، مثبت رویہ نہ اپنایا گیا تو مکمل لاک ڈاؤن ہوسکتا ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

حکومت کا کراچی طیارہ حادثے کی ابتدائی انکوائری رپورٹ بائیس جون کو منظرعام پرلانے کا اعلان،وفاقی وزیر ہوا بازی غلام سرورخان کہتےہیں، ،ایک ہفتے میں ڈیٹا اور وائس باکس میں ابتدائی معلومات آجائیں گی، بائیس جون کو اسمبلی اجلاس میں طیارہ حادثے پر بات ہوگی ،حادثے کی مکمل رپورٹ میں چھ ماہ لگ سکتےہیں،کوشش ہوگی انکوائری شفاف اور غیرجانبد ارانہ ہو

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پاکستان میں کوروناکیسز چین سے بھی بڑھ گئے،، مریضوں کی تعداد پچاسی ہزارسے زیادہ ہوگئی،چوبیس گھنٹوں میں ریکارڈ چارہزارچھ سو سے زائد کورونا کیسز رپورٹ ،، ایک دن میں بیاسی اموات ،، مجموعی تعداد ایک ہزارسات سو ستر ہو گئی ،، تیس ہزار سے زائد مریض صحت یاب

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ایمریٹس ائیر لائن کا کراچی، لاہور اور اسلام آباد سے پروازیں شروع کرنے کا اعلان،،آٹھ جون سے دبئی کےلیے ہفتہ وار چودہ پروازیں چلائی جائیں گی، کراچی سے یومیہ ایک پرواز، اسلام آباد سے ہر جمعرات دو پروازیں اڑان بھریں گی،لاہور سے پیر، منگل، جمعرات،جمعہ اور اتوارکوپروازیں روانہ ہوں گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سعودی عرب سے کراچی پہنچے والی پرواز میں ایک سو تئیس مسافروں کی کورونا رپورٹ مثبت آ گئی،، ترجمان سندھ حکومت مرتضیٰ وہاب کہتے ہیں، سندھ حکومت ایئر پورٹس پر ٹیسٹنگ کی سہولیات فراہم کر رہی ہے، اب متاثرہ مسافروں کو تلاش کر کے انہیں آئیسولیٹ کرنا ہوگا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

تمام متعلقہ ایسوسی ایشنز نے ایس او پیز پر عملدر آمد کا وعدہ پورا نہیں کیا ، وزیراعلیٰ پنجاب عثمان بزدار کہتے ہیں، حکومت نے ممکنہ بھوک اور افلاس کے پیشِ نظر لاک ڈاؤن میں نرمی کی ، ایس او پیز پر عملدرآمد نہ ہونے پر پنجاب بھر میں سخت کارروائیوں کی ہدایات دیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مشیر اطلاعات خیبرپختون خوا اجمل وزیر کہتے ہیں، کورونا سے بچاؤ کے ایس او پیز پر عملدآمد نہ کرنے والوں کے ساتھ سختی کریں گے، ذخیرہ اندوزوں کے خلاف   آرڈیننس پر مکمل عملدرآمد ہوگا، ذخیرہ اندوزوں کے بارے میں خبر دینے والے کودس فیصد حصہ دیا جائے گا،پنجاب سے گندم کا مسئلہ وزیراعظم اور وزیراعلیٰ پنجاب کے ساتھ اٹھایا جائے گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیراعلیٰ سندھ مرادعلی شاہ کہتے ہیں،کورونا سے متعلق مختلف پیغامات عوام تک گئے، ایک پیغام جانا چاہیے کہ کورونا سنجیدہ مسئلہ ہے، جہاں ایس او پیز پر عمل درآمد نہیں ہورہا ہے اس کا الزام لوگوں کو نہیں دوں گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی میں کوروناوائرس کے کیسز کی تعداد ساڑھے ستائیس ہزار سے تجاوز کرگئی،کراچی میں آج کورونا کے تیرہ سو گیارہ نئے کیسز رپورٹ ہوئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سندھ میں راشن تو نہیں ملا بھاشن ملا، عوام اور تاجروں کو پولیس کے رحم و کرم پر چھوڑ دیا گیا،سندھ سے تحریک انصاف کے رہنما حلیم عادل شیخ کا صوبائی اسمبلی میں اظہار خیال،کہتے ہیں، جنگ میں عوامی نمائندوں کو اگلے مورچوں پر لڑنا پڑتا ہے،یہاں تیسری منزل پر بیٹھ کر پریس کانفرنس کی جاتی رہی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیر صحت عذرا پیچوہو کا سندھ اسمبلی میں انگریزی میں پالیسی بیان ، جی ڈی اے کی رکن اسمبلی نصرت سحر عباسی کا احتجاج ، کہا، تقریر سندھی یا اردو میں کی جائے ،، عذرا پیچوہو اور نصرت سحر عباسی کے درمیان سخت جملوں کا تبادلہ، وزیر صحت نے کہا، انگریزی زبان بھی ہمارے پاس بولی اور سمجھی جاتی ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اسلام آباد میں کورونا سے زیادہ متاثرہ نو علاقے سیل ، چٹھہ بختاور اور چھ سیکٹرز کی گلیوں کو سیل کیا گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وفاقی وزیر صنعت حماد اظہر کہتے ہیں،اسٹیل ملز کو پرائیویٹ کر کے نجی شعبے کے تعاون سے چلائیں گے، پاکستان اسٹیل کے معاملے پر سیاست  نہ کی جائے، پانچ سال سے بند مل کے ملازمین  کی تنخواہوں پر پچپن ارب روپے خرچ ہو چکے، ملازمین کو اوسطاً تئیس لاکھ روپے دیے جائیں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جعلی اکاؤنٹس اور سولر لائٹس کے ٹھیکوں کے کیس،، وزیراعلیٰ سندھ مراد علی شاہ نے  نیب راولپنڈی میں بیان ریکارڈ کرادیا، نیب کا وزیراعلی ٰسندھ کو تحریری سوالنامہ دینے کا فیصلہ،مراد علی شاہ نے نیب الزامات سے لا تعلقی ظاہر کر دی،   میڈیا سے گفتگو میں کہا، بجٹ میں شامل نہ ہونے والی اسکیم کی آئین کے مطابق اجازت دی جاسکتی ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ترجمان مسلم لیگ ن مریم اورنگزیب کہتی ہیں،عمران خان نے شہباز شریف کےسوالنامے  کا جواب نہیں دیا، عمران خان نےالزام لگایا تھا کہ شہبازشریف نےدس ارب روپے کی پیشکش کی،شہباز شریف تو پیش ہوگئے مگر عادی جھوٹے ہمیشہ کی طرح پچھلے دروازے سے بھاگ گئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نوجوان رضا کار ٹڈی دل کا مقابلہ کریں گے،وزیراعظم کا ٹائیگر فورس سے مزید محاذوں پر قومی خدمات حاصل کرنے کا فیصلہ،وزیراعظم عمران خان سے معاون خصوصی عثمان ڈار کی ملاقات،، کامیاب جوان پروگرام اور ٹائیگر فورس سے متعلقہ معاملات پر بریفنگ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیراعلیٰ پنجاب عثمان بزدار کہتے ہیں، رحیم یار خان جا کر ٹڈی دل کے حملے کا معائنہ کریں گے،ٹڈیوں کےحملے سے پنجاب کے سترہ اضلاع متاثر ہوئے ،جن پر کام جاری ہے، پنجاب نے جتنا کام کیا اتنا کسی نے بھی نہیں کیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

معاون خصوصی برائے صحت ڈاکٹر ظفر مرزا کہتے ہیں، حکومت کورونا سے متعلق شروع دن سے حکمت عملی کے مطابق کام کررہی ہے،، کورونا وائرس  کے پھیلاوَ میں اضافہ ہورہا ہے، ملک میں  لاک ڈاوَن کے ساتھ غریب کی زندگی نہیں چل سکتی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مردان سے مسلم لیگ ن کے ایم پی اے جمشید خان مہمند کا کورونا ٹیسٹ مثبت آگیا، رکن صوبائی اسمبلی نے خود کو گھر میں آئسولیٹ کرلیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پاکستان کورونا کے ایکٹیو کیسز کے لحاظ سے چھٹے نمبر پر آگیا،،، ملک میں  ترپن  ہزار سے زائد  افراد  بیماری میں  مبتلا، صرف امریکہ ، برازیل ، روس ،  ، بھارت ،  اور پیرو میں ،،  پاکستان سے زیادہ ، ایکٹیو کیسز ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا کے نئے کیسز میں بھی پاکستان کا چھٹا نمبر،، برازیل ، امریکہ ، بھارت ، روس اور چلی اس فہرست میں پاکستان سے اوپر

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا وباکے پیش نظر سندھ ہائیکورٹ کے جسٹس عمر سیال نے سول نوعیت کے تمام کیسز کی سماعت ملتوی کردی، کمرہ عدالت  میں  وکلا اور سائلین کا ہجوم دیکھ کر برہم، کہا، ہم سب قانون کے رکھوالے سمجھے جاتے ہیں، مگر ایس او پیز پر عملدرآمد نہیں کررہے،جان ہے تو جہان ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ملک بھر میں جون کے تین دنوں میں بارہ ہزار سے زائد کیسز رپورٹ  ہوئے ،، دو سو ستائیس افراد زندگی کی  بازی  ہار گئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ملک بھر میں روزانہ کی بنیاد پر کیسز کی شرح میں اضافہ،، ٹیسٹ کرانے والوں میں سےتئیس فیصد کارزلٹ مثبت آیا،گزشتہ  چوبیس گھنٹوں میں بیس ہزارکے قریب  ٹیسٹ ہوئے، چار ہزار چھ سو سے زائد افراد میں  وائرس کی تشخیص ہوئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پاکستان نے اقوام متحدہ کی رپورٹ سے متعلق بھارتی وزارت خارجہ کے بیان کو مسترد کر دیا،، ترجمان دفتر خارجہ کہتی ہیں، بھارت نے اقوام متحدہ کی رپورٹ کو توڑ مروڑ کر پاکستان پر الزامات لگائے، بھارتی وزارت خارجہ کا عمل افغان امن عمل کو متاثر کرنے کی کوشش ہے، پاکستان بھارتی حمایت یافتہ دہشت گرد تنظیموں کی افغانستان سے پاکستان مخالف سرگرمیوں کی نشاندہی کر چکا ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بھارتی فوج نےکوئی بھی ایڈونچر کیا تو اس کے نتائج ناقابل کنٹرول ہوں گے،،ترجمان پاک فوج نے خبردار کردیا،،، کہا ، وزیراعظم، آرمی چیف کئی بار کہہ چکے بھارت فالس فلیگ آپریشن تیار کر رہا ہے، خطے کے تمام مسائل کا تعلق بھارت کے ساتھ ہے، بھارت کو چین کے ساتھ لائن آف ایکچوئل کنٹرول پر سخت شرمندگی کا سامنا ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 امریکہ کے چالیس  شہروں میں کرفیو کے باوجوداحتجاج ،مظاہرین اورپولیس کےدرمیان تصادم ،،نیویارک سمیت کئی شہروں میں پولیس کا مرچوں کا اسپرے ، آنسو گیس اور ربڑ کی گولیوں کا استعمال، سیکڑوں افراد گرفتار ،نیویارک میں احتجاج کے دوران  دو پولیس اہل کار زخمی، جارج فلائیڈ کی ہلاکت میں ملوث پولیس اہلکاروں کیخلاف مقدمات درج

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکی وزیردفاع مارک ایسپرکاصدر ٹرمپ کے فیصلے پراختلاف، کہا مظاہرین کو منتشر کرنےکے لیےفوج بلانےکی ضرورت نہیں تھی، سابق امریکی صدر اوباما کا جارج فلائیڈ کے حق میں  ریلی سے خطاب،سیاسی ایکشن لینے اور تمام میئرز سے پولیس اصلاحات پر زور دینے کا مطالبہ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جارج فلائیڈ کے قتل کےخلاف دنیا بھر سے آوازیں اٹھنے لگیں، پیرس، لندن سمیت یورپ کے کئی شہروں میں احتجاج،  جرمن چانسلر انجیلا مرکل نے جارج فلائیڈ کی ہلاکت خوفناک قرار دے دی، چین کا امریکہ سے نسلی امتیاز کے خلاف اقدامات کا مطالبہ،امریکا میں سیاہ فام شہری کی ہلاکت پر آسٹریلیا میں شمعیں  روشن

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دنیا بھر میں کورونا کے مریضوں کی تعداد چھیاسٹھ لاکھ سے بڑھ گئی، ،، تین لاکھ اٹھاسی  ہزار سے زائد افراد جان سے گئے،امریکہ میں انیس لاکھ  سے زائد مریض، ایک لاکھ نو ہزار سے زائد اموات

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دنیا میں کورونا سے صحت یاب افراد کی تعداد ایکٹیو کیسز سے بڑھ گئی، اکتیس لاکھ سے زائد افراد مہلک وائرس سے صحت یاب ہوئے، دنیا میں ایکٹیو کیسز کی تعداد تیس لاکھ انیس ہزار سے زائد ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سعودی عرب میں کورونا کےباعث شرح اموات میں اضافہ ،،، گزشتہ چوبیس گھنٹوں میں ریکارڈ تیس اموات رپورٹ ہوئیں ،، سعودی عرب میں اموات کی تعداد پانچ سو اُناسی اور کیسز اکانوے ہزار سے زائد

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بھارت کا کورونا کیسز کے لحاظ سے دنیا میں ساتواں  نمبر،، متاثرہ مریضوں کی تعداد دو لاکھ  سترہ ہزار سے زائد،،اموات کی تعداد چھ ہزار سے بڑھ  گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

فصل دشمن ٹڈی  دل کے خاتمے کے لیے انتظامیہ کا ایکشن ،، ترپن اضلاع میں ایک ہزار ایک سو پینتیس جگہوں پر آپریشن، بارکھان  میں بارشوں کے بعد فصلوں میں پانی جمع، محکمہ زراعت کے لوگ کھڑے پانی  کے باوجود اسپرے  کرنے میں مصروف،ٹڈیوں نے فصلیں اور باغات اجاڑ دئیے، کسانوں کی حکومت سے امداد کی اپیل

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی سمیت ملک بھر میں پٹرول اور ڈیزل کا بحران، ملک کے مختلف شہروں میں شہری پٹرول کے حصول کےلیے مشکلات کا شکار ،،مال بردار گاڑیوں کو بھی ڈیزل کی قلت کا سامنا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اوگرا کے ترجمان عمران غزنوی کا کہنا ہے کہ ، ملک میں پٹرولیم مصنوعات کے خاطر خواہ ذخائر موجود ہیں ، وزارت توانائی اور اوگرا ریٹل آؤٹ لیٹس تک سپلائی یقینی بنارہے ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

انٹر بینک میں ڈالر چھیاسٹھ پیسے سستا ، قیمت ایک سو تریسٹھ روپے چھیاسٹھ پیسے ہوگئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکا اور چین   کے تعلقات بدستور کشیدہ ،، امریکہ  کا سولہ  جون سے چینی ایئر لائنز کا داخلہ معطل کرنے کا فیصلہ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بارکھان میں  شدید بارشوں سے   ندی نالوں میں  طغیانی ، ندی پر پل نہ ہو نے  کے باعث علاقہ مکین  خطرناک راستہ عبور  کرنے پر مجبور

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بھارت میں آپریشن بلو اسٹار  کو چھتیس سال  ہوگئے، بھارتی فوج نے  سکھوں کے مقدس مقام  گولڈن ٹیمپل کے احاطے میں قتل و غارت کی،میڈیا نے پانچ  ہزار سے زائد اموات کو رپورٹ کیا،  اس وقت کی وزیر اعظم اندرا گاندھی کو  انہیں کے سکھ محافظین نے قتل کر دیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

روس نے آرکٹک میں ایندھن کا  ٹرک پھٹنے کے بعد ہنگامی صورتحال کا اعلان کردیا،، بیس ہزار ٹن ڈیزل سے ندیاں سرخ ہوگئیں،، رپورٹ کے مطابق تھرمل پاور اسٹیشن کے بڑے ذخائر کا فیول ٹینک پھٹ گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سابق کرکٹر شعیب اختر کو ایف آئی اے کا نوٹس وصول، تفضل رضوی کی درخواست پر شعیب اختر کو پانچ  جون کو طلب کرلیاگیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ورلڈ کپ دو ہزار انیس کے ہیرو،، بین اسٹوکس،، کی انتیس ویں سالگرہ ،،، انگلش بلے باز نے شاندار بلے بازی کے باعث  انگلینڈ کو پہلی مرتبہ عالمی چیمپئن  بنایا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

شین وارن کی بال آف دی سینچری، بیٹس مین پریشان دنیا حیران ،،،،آسٹریلیوی لیگ اسپنر کی شاندار وکٹ ستائیس برس بعد بھی یاد گار

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا کا خوف،، ویسٹ انڈیز کے تین کھلاڑیوں کا دورہ انگلینڈ پرجانے سے انکار،،،ڈیرن  براوو،کیمو پال،،،شمرون ہیٹ مئیر کا ٹیم  کاحصہ نہ بننے کا فیصلہ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکہ میں کھیلوں کی سرگرمیاں بحال ہونے لگیں،، کورونا کے بعد نیو یارک میں پہلی گھڑدوڑ ،،، وائرس سے متاثرہ افراد اور جارج فلائیڈ کی موت پر ایک  منٹ کی خاموشی اختیار کی گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ریکٹس ڈاؤن ہینڈزاپ،،ٹینس پلیئرز نے جارج فلائیڈ کی موت اور نسل پرستی کے خلاف مہم کا آغاز کر دیا،، سرینا ولیمز، نوامی اوساکا، گیل مونفلز سمیت دیگر کھلاڑیوں کی ویڈیو سوشل میڈیا پر وائرل

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ٹینس اسٹارراجر فیڈررکا دبئی  میں لگژری گھر،، مالیت ڈھائی ارب سے زائد،، گھر سے سمندر کے شاندار نظارے کیے جا سکتے ہیں ،،،ہیلی کاپٹر اُتارنے کے لیے  ہیلی پیڈ  بھی موجود

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کوروناپر قابو پانےکے بعد سیروسیاحت کی سرگرمیاں جزوی بحال،،اٹلی میں تاریخی عمارت کو سیاحوں کے لیے کھول دیا گیا ، ماسک پہننا اور سماجی فاصلے  پر عمل درآمد لازمی قرار

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

میرے باغیچے سے  باہر نکلو،،،آسٹریلوی وزیراعظم کوکسی  کے گارڈن میں  میڈیا بریفنگ دینا مہنگا پڑ گیا، گھر کا مالک غصے سے لال  پیلا،،  وزیراعظم کو دوران  بریفنگ ٹوک دیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 کورونا میں گریجویشن ڈگری کی تقریب کا نیا انداز ،،،فلوریڈا میں ہائی اسکول ڈگری کے لئے طلبا جیٹ اسکائی پر سوار ہو گئے ،،لہروں سے لڑتے طلبامنہ پر ماسک پہنے منفرد انداز میں ڈگری لینے پہنچے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا نے سینما گھروں کے مستقبل پر بھی سوالیہ نشان اٹھا دئیے،، دنیا کی سب سے بڑی سینما کمپنی اے ایم سی نے تھیٹرز بند ہونے کے خطرے سے آگاہ کر دیا ،، چینی کمپنی اے ایم سی کے امریکا اور یورپ میں ایک ہزار تھیٹر ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جنگجو شہزادی کے ایکشن کا سب کو انتظار،، ہالی وڈ کی فلم مولان سترہ جولائی کو ریلیز کیلئے تیار ،، کورونا کی وجہ سے فلم کے آگے جانے کا بھی امکان

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ویب ڈیسک

See author's posts