01جون2020:پاکستان اور دنیا بھر سے مختصر خبریں

۔۔۔۔۔۔

لاک ڈاؤن میں اضافہ ہو گا یا نرمی؟ قومی رابطہ کمیٹی کی بیٹھک، وزیراعظم عمران خان قوم کو اعتماد میں لیں گے، سندھ اور بلوچستان حکومت کی اسمارٹ لاک ڈاؤن کی مخالفت

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پاکستان میں کورونا سے ہلاکتوں کی تعداد پندرہ سو سے بڑھ گئی، چوبیس گھنٹے میں مزید ساٹھ اموات کے بعد تعداد پندرہ سو تینتالیس ہو گئی، پہلی ایک ہزار ہلاکتیں تریسٹھ روز میں ہوئیں ، آخری پانچ سو اموات گیارہ روز میں ہوئیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ملک بھر میں کورونا کیسز کی تعداد ستر ہزار سے تجاوز کر گئی، ایک روز میں تین ہزار کے قریب نئے کیسز، تعداد بہتر ہزار چار سو ساٹھ ہو گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی میں کورونا کے تئیس ہزار سے زیادہ کیسز، چوبیس گھنٹے میں ایک ہزار سے زائد کیسز رپورٹ، سندھ میں مریضوں کی تعداد انتیس ہزار سے بڑھ گئی، پانچ سو تین افراد چل بسے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لاہور میں کورونا کے چھ لاکھ ستر ہزار سے زائد مریض ہو سکتے ہیں، شہر کا کوئی بھی ٹاؤن کورونا سے محفوظ نہیں، محکمہ صحت پنجاب کی رپورٹ میں انکشاف، ٹیکنیکل ورکنگ گروپ کا وزیراعلیٰ پنجاب کو سخت لاک ڈاؤن کا مشورہ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وفاقی وزیر قانون فروغ نسیم ایک بار پھر مستعفی، استعفیٰ وزیراعظم کو بھجوا دیا، فروغ نسیم جسٹس قاضی فائز عیسیٰ کیس میں وفاق کی نمائندگی کریں گے، فروغ نسیم کہتے ہیں وزیراعظم کی درخواست پر وفاق کی نمائندگی کا فیصلہ کیا، کسی بھی شخص سے ذاتی عناد نہیں، مقدمے میں صرف بطور عدالتی معاون پیش ہوں گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سندھ بلڈنگ کنٹرول اتھارٹی کی ٹیم کا کراچی میں طیارہ حادثے کے مقام کا دورہ، نقصان کا تخمینہ لگانے کیلئے متاثرہ عمارتوں کا معائنہ کیا، کراچی طیارہ حادثے کی تحیقات کے شواہد اکٹھے کرنے کے بعد فرانسیسی ماہرین کی ٹیم واپس چلی گئی، پاکستانی تحقیقاتی ٹیم کے دو اراکین بھی فرانس روانہ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی میں طیارہ گرنے سے ماڈل کالونی میں پہلی ہلاکت، حادثے میں زخمی ہونے والی بارہ سالہ لڑکی دم توڑ گئی، لڑکی ماڈل کالونی کے گھر میں ملازمہ تھی، طیارہ گرنے سے آگ لگنے پر جھلس گئی، حادثے میں جھلسنے والی دو خواتین زیر علاج

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پیپلز پارٹی کا کراچی طیارہ حادثے کا معاملہ پارلیمنٹ میں اٹھانے کا فیصلہ، قومی اسمبلی میں تحریک التوا جمع کرا دی، معمول کی کارروائی معطل کر کے طیارہ حادثے پر بحث کا مطالبہ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سندھ حکومت پبلک ٹرانسپورٹ سڑکوں پر لانے کیلئے تیار، سیکریٹری ٹرانسپورٹ نے سندھ ہائیکورٹ میں جمع کرائے گئے جواب میں کہا، پبلک ٹرانسپورٹ صرف مقررہ ٹرمینل سے چلے گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اسلام آباد جیسا ماڈل شہر کچی آبادی سے بھی بدتر ہو چکا ہے، کیا اسلام آباد کو پشاور اور لاہور سے ملوانا ہے؟ چیف جسٹس گلزار احمد مارگلہ ہلز میں کرشنگ سے متعلق کیس میں ریمارکس، کہا، موٹر وے پر کلر کہار میں پہاڑ ختم کر دیئے گئے، مری کا پہاڑ بھی غائب کر دیا گیا، جو رہ گئے وہ اس وجہ سے ہیں کہ ہم نے زور مارا ہوا ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکی صحافی ڈینیل پرل قتل کیس میں سندھ ہائیکورٹ کا فیصلہ معطل کرنے کی استدعا مسترد ، سپریم کورٹ نے سندھ حکومت کو ٹرائل کورٹ کا ریکارڈ جمع کرانے کیلئے مہلت دے دی، سماعت غیر معینہ مدت تک ملتوی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لاہور ہائیکورٹ میں قائد حزب اختلاف شہباز شریف کی عبوری ضمانت کی دائر درخواست سماعت کیلئے مقرر، جسٹس طارق عباسی کی سربراہی میں دو رکنی بینچ کل سماعت کرے گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نوازشریف کے پاکستان میں ہونے والے ٹیسٹس کی تحقیقات کرائی جائیں، وزیرسائنس و ٹیکنالوجی فواد چودھری کا مطالبہ، کہا، سازش کے تحت نواز شریف کو جیل سے فرار کرانے کیلئے جعلی رپورٹس بنائی گئیں، تعین ہونا چاہیے کہ ٹیسٹ رپورٹس میں حقائق کو کس نے مسخ کیا؟

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پی ٹی آئی سندھ کا وفاق سے سندھ کو ٹیک اوور کرنے کا مطالبہ، خرم شیر زمان نے کہا، سندھ میں حالات دن بدن خراب ہوتے جا رہے ہیں، لوگ ٹیسٹ کیلئے دھکے کھا رہے ہیں، بلاول زرداری لوگوں کے ساتھ ظلم کر رہے ہیں، عوام آپ کو سبق سکھائیں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ترجمان سندھ حکومت مرتضیٰ وہاب کہتے ہیں ، وزیراعظم چینی کے معاملے میں براہ راست ملوث ہیں، شوگر کمیشن رپورٹ کے مطابق چینی کی بحران کی بنیادی وجہ ایکسپورٹ ہے جس کی اجازت وزیراعظم کی سربراہی میں وفاقی کابینہ نے دی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکی ریاست منی سوٹا میں سفید فام پولیس اہلکار کے ہاتھوں سیاہ فام شخص کی ہلاکت کے بعد فسادات پچاس شہروں تک پھیل گئے، ریاست منی سوٹا میں ٹینکر ٹرک مظاہرین پر چڑھ دوڑا، شکاگو میں مظاہرین نے لوٹ مار شروع کر دی، گاڑیوں کے شو روم کو آگ بھی لگا دی، لاس اینجلس سمیت چالیس شہروں میں کرفیو نافذ، چودہ ریاستوں میں نیشنل گارڈز طلب

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سیاہ فام باشندے کے ہلاکت کے خلاف پولیس اہلکار بھی مظاہرین کی حمایت کرنے لگے، مشی گن میں پولیس اہلکار نے جارج فلائیڈ کیلئے انصاف کے نعرے لگائے، نیویارک میں پولیس اہلکار مظاہرین سے گلے ملتا رہا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مقبوضہ کشمیرمیں بھارتی ریاستی دہشت گردی جاری، بھارتی فورسز نے ضلع راجوری میں تین کشمیری نوجوانوں کو شہید کر دیا، مئی میں بھارتی فورسز نے دو بچوں سمیت اکیس کشمیریوں کو شہید کیا، دو سو افراد زخمی ہوئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

رواں مالی سال کے گیارہ ماہ میں مہنگائی میں گیارہ اعشاریہ تین دو فیصد اضافہ ہوا، وفاقی ادارہ شماریات کے مطابق، مئی میں مہنگائی کی شرح میں صفر اعشاریہ چار دو فیصد اضافہ ریکارڈ کیا گیامرغی، آلو، پھل، دودھ اور مصالحہ جات مہنگے، دالیں، انڈے اور سبزیاں سستی ہوئیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پٹرول مزید سستا، سات روپے کمی سے نئی قیمت چوہتر روپے باون پیسے فی لیٹر ہو گئی، ہائی اسپیڈ ڈیزل اسی روپے پندرہ پیسے، لائٹ ڈیزل اڑتیس روپے چودہ پیسے فی لیٹر ہو گیا، مٹی کے تیل کی قیمت پینتیس روپے چھپن پیسے فی لیٹر مقرر، جون کیلئے ایل پی جی کی قیمت دو روپے فی کلوگرام کم کر دی گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیر اطلاعات پنجاب فیاض الحسن چوہان نے کہا ہے کہ، پٹرولیم مصنوعات کی قیمتوں میں مزید کمی وزیرِ اعظم عمران خان کی جانب سے عوام کیلئے تحفہ ہے، مشکل معاشی حالات میں بھی عوام کو ریلیف وزیر اعظم عمران خان کا طرہ امتیاز ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

انٹر بینک میں ڈالر مہنگا، ڈالر کی قیمت میں پچپن پیسے اضافہ، ایک سو تریسٹھ روپے پینسٹھ پیسے کا ہو گیا، اسٹاک مارکیٹ میں مثبت رجحان، ہنڈرڈ انڈیکس میں نوے پوائنٹس کا اضافہ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

آپ نے اسلام آباد کیلئے اب تک کیا ہی کیا ہے؟ کیا آپ من و سلوی کے انتظار میں ہیں؟ میئر صاحب لکیر کے فقیر نہ بنیں، چیف جسٹس گلزار احمد کا میئر اسلام آباد پر اظہار برہمی، اختیارات کیس کی سماعت کے دوران ریمارکس میں کہا، دوبارہ الیکشن میں عوام کے سامنے کیسے جائیں گے، آپ تو زیادہ وقت پاکستان سے باہر ہی گزارے ہیں، نیت صاف نہ ہو تو کام نہیں ہوتے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مشیر اطلاعات خیبر پختون خوا اجمل وزیر کہتے ہیں، خیبر پختون خوا میں کورونا سے صحت یاب افراد کی تعداد دیگر صوبوں سے بہتر ہے، صوبائی حکومت کورونا سے نمٹنے کیلئے ہر ممکن سہولیات فراہم کررہی ہے، کورونا سے بچاؤ کیلئے ایس او پیز پر عمل درآمد یقینی بنانا ہو گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پاکستان میں کورونا کا پہلا کیس چھبیس فروری کو سامنے آیا، ستر ہزار تک پہنچنے میں چھیانوے روز لگے، امریکا میں پینسٹھ دن، برازیل میں باسٹھ، روس میں پچاسی، برطانیہ میں اڑسٹھ اور بھارت میں ایک سو ایک روز میں کیسز ستر ہزار تک پہنچے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لاک ڈاؤن میں تین روز سختی کے بعد ملک بھر میں مارکیٹیں کھل گئیں، دکانداروں اور خریداروں کو ایس و پیز کا خیال رکھنے کی ہدایت، ماسک لگانا لازمی قرار دے دیا گیا، اسلام آباد اور خیبر پختون خوا میں ماسک نہ لگانے پر جرمانہ ہو گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سراج قاسم تیلی کا لاک ڈاؤن مکمل ختم کرنے کا مطالبہ، کہا، معیشت کی بحالی کیلئے پابندیاں مکمل ختم کی جائیں، سب کچھ بند کر کے دیکھ لیا، کیسز ختم نہیں ہوئے، ایس او پیز پر عمل درآمد کیلئے فوج کو ذمہ داری دی جائے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ٹِڈیوں کے دَل چاروں صوبوں میں فصلیں اجاڑنے لگے، ہزاروں ایکڑ پر کھڑی گنے، کپاس، آم اور سبزیوں کی فصلیں تباہ، این ڈی ایم اے کے مطابق ملک کے باون اضلاع میں ٹڈی دل موجود ہیں، ٹڈیوں کے خاتمے کیلئے چار ہزار نو سو ہیکٹر رقبے پر سپرے کیا گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اسلام آباد سمیت خیبر پختون خوا، بالائی پنجاب اور آزاد کشمیر میں تیسرے روز بھی بارش، آج مزید بادل برسنے کی پیش گوئی، کراچی کے مختلف علاقوں میں بوندا باندی سے گرمی کی شدت کم، پنجاب کے کئی شہروں میں بھی بادل برس پڑے، سندھ کے جنوبی علاقوں میں گرمی کی شدت برقرار

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اسپیکرقومی اسمبلی اسد قیصر کورونا سے صحت یاب، ایوان میں اپنی ذمہ داریاں سنبھال لیں، سیکریٹری قومی اسمبلی کی پانچ جون سے شروع ہونے والے اجلاس کے انتظامات پر بریفنگ، صدر عارف علوی نے بھی پارلیمنٹ کا دورہ کیا، کورونا سے بچاؤ کے حفاظتی انتظامات سے متعلق بریفنگ دی گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بھٹو خاندان کے نوڈیرو ہاؤس کے بیس ملازمین میں کورونا وائرس کی تصدیق، ضلعی ہیلتھ آفیسر کے مطابق ایک سو پانچ ملازمین کے ٹیسٹ کئے گئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کمرہ عدالت میں زیادہ لوگوں کے آنے پر چیف جسٹس گلزار احمد برہم، کہا سماجی فاصلہ کیوں نہیں رکھا جا رہا؟ ایک نشست چھوڑ کر بیٹھیں، غیر ضروری افراد کو کمرے سے نکالنے کی ہدایت

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیر تعلیم سندھ سعید غنی کہتے ہیں پی ٹی آئی حکومت کی پالیسی کورونا کے خلاف نہیں سندھ حکومت کے خلاف ہے، ہم نیوز کے مارننگ شو صبح سے آگے میں گفتگو کرتے ہوئے کہا، اسکول ایسوسی ایشن کا اسکول کھولنے کا مطالبہ درست ہے لیکن بچوں کی صحت اولین ترجیح ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پنجاب میں پندرہ جون کو کوئی اسکول نہیں کھلے گا، جو اسکول کھولے گا اس کے خلاف کارروائی ہو گی، وزیر تعلیم پنجاب مراد راس کی وارننگ، کہا، کورونا کیسز کی تعداد میں ہر روز اضافہ ہو رہا ہے، اسکول کھول دیئے تو کورونا پھیلے گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ملک میں لاک ڈاؤن کے بعد پہلی بار امتحانات، ایم بی بی ایس فائنل پروفیشنل کے طلبہ کے ضمنی امتحانات ہوئے، سینتیس میڈیکل کالجز کے دو سو اکانوے طلبہ امتحان میں شریک ہوئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دنیا بھر میں باسٹھ لاکھ 90ہزار سے زائد افراد میں کورونا کی تشخیص، اموات کی تعداد پونے چار لاکھ تک پہنچ گئی، ساڑھے اٹھائیس لاکھ سے زائد مریض صحت یاب

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکہ میں کورونا کے اٹھارہ لاکھ چھتیس ہزار سے زائد مریض، ایک لاکھ چھ ہزار سے زائد افراد مہلک وائرس کے باعث جان سے گئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

برازیل میں کورونا کیسز میں تیزی سے اضافہ، تعداد پانچ لاکھ پندرہ ہزار تک پہنچ گئی، انتیس ہزار سے زائد مریض چل بسے، روس میں کورونا کیسز کی تعداد چار لاکھ پانچ ہزار سے زائد، چھیالیس سو سے زائد مریض ہلاک

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لاک ڈاؤن میں نرمی کے بعد عدالتوں میں کام کا آغاز ہو گیا، لاہور ہائی کورٹ اور ماتحت عدالتیں کھول دی گئیں، سماجی فاصلہ یقینی بنانے کی ہدایت، پشاور کی عدالتیں بھی کھلی رہیں، اسلام آباد کچہری میں کورونا لاک ڈاون میں چھ جون تک توسیع

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

خیبر پختون خوا پولیس کے جوانوں کو شیرو یا صاحب پکارا جائے، ڈی آئی جی ہیڈ کوارٹرز کی طرف سے پولیس افسروں کو ہدایت، خان جی، ماما جی اور پہلوان جیسے القابات استعمال کرنے پر پابندی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کوہاٹ انڈس ہائی وے پر پولیس نے مسافر وین سے ہیروئن کا اسمگلر پکڑ لیا، ملزم نے لاکھوں روپے مالیت کی ہیروئن ٹانگوں سے باندھ کر چھپا رکھی تھی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی میں لی مارکیٹ کے گودام میں لگی آگ پر چار گھنٹوں کے بعد قابو پا لیا گیا، لاکھوں روپے کا سامان جل کر راکھ، آگ بجھانے میں چار فائر ٹینڈرز نے حصہ لیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دبئی میں میٹرو سروس اور پبلک ٹرانسپورٹ بحال، گاڑیوں کو روزانہ جراثیم کش اسپرے سے سینیٹائز کیا جاتا ہے، دبئی میں عوامی مقامات پر ماسک لگانا بھی لازمی قرار، چھ سال سے کم عمر بچوں، سانس کے مریضوں کو استثنیٰ، کھانا کھاتے ہوئے، ورزش کرتے ہوئے اور اپنی گاڑی میں سفر کرتے ہوئے ماسک اتارنے کی اجازت ہو گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جنوبی کوریا میں روبوٹ کورونا ایس او پیز پر عمل درآمد کرانے کیلئے عوام کی نگرانی کریں گے، سماجی فاصلہ برقرار رکھنے، جسم کا درجہ حرارت لینے اور ہینڈ سینیٹائزر کا استعمال یقینی بنانے کیلئے روبوٹس کی مدد حاصل کر لی، روبوٹس فیس ماسک نہ پہننے والوں کی نشان دہی بھی کریں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لاک ڈاؤن کے بعد ملکہ برطانیہ پہلی بار گھڑ سواری کرتے ہوئے منظر عام پر، چورانوے سالہ کوئین الزبتھ کورونا سے بچاؤ کیلئے ونڈسر کاسل میں رہائش پذیر ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

برطانیہ میں لاٹری جیتنے والے جوڑے کے گھر ڈاکوؤں کا حملہ، میاں بیوی کو رسیوں سے باندھ کر چالیس لاکھ روپے، زیورات اور گاڑی لے اڑے، میاں بیوی نے لاٹری سے بیس ارب روپے جیتے تھے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ٹوکیو میں تین ماہ بعد اسکائی ٹری ٹاور عوام کیلئے کھول دیا گیا ، جاپان میں دنيا کی دوسری بلند ترین عمارت کورونا سے بچاؤ کیلئے سخت احتیاطی تدابیر کے بعد کھولی گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ال سلوا ڈور میں طوفان نے تباہی مچا دی، چودہ افراد ہلاک درجنوں زخمی، حکام نے شہروں میں ایمرجنسی نافذ کر دی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

انگلینڈ کے سمندر میں چھوٹا طیارہ کریش، مسافر اور پائلٹ محفوظ، دونوں نے طیارے میں موجود ایمر جنسی پیراشوٹ کے ذریعے اپنی جان بچائی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

والدین کی محبت لازوال اور بے مثال، ماں باپ کا رشتہ ہر رنگ ہر ادا میں پیارا، دنیا بھر میں آج والدین کا دن منایا جا رہا ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

قومی کرکٹ ٹیم کے دورہ انگلینڈ سے متعلق پی سی بی کی تیاریاں جاری، ترجمان پی سی بی کے مطابق دورے میں کھلاڑیوں کو محفوظ ماحول دینے کیلئے ایس او پیز پر کام جاری ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ہیرو سے زیرو بننے والے کرکٹ کے پراسرار کردار کرونئے کی موت کو اٹھارہ سال بیت گئے، میچ فکسنگ کے پیچھے اصلی ولن کون تھے؟ کیا کرونئے کو قتل کیا گیا؟ کیا کرونیے راز فاش کرنے والے تھے؟ سب کو آج بھی جوابوں کی تلاش

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اسپینش لیگ میں دفاعی چیمپئن بارسلونا کی ٹیم اپنا پہلا میچ تیرہ جون کو کھیلے گی، مقابلہ ملارکا سے ہو گا، پوائںٹس ٹیبل میں دوسرے نمبر پر موجود ریال میڈرڈ کا پہلا مقابلہ ایبار سے ہو گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکا میں پولیس کے ہاتھوں قتل سیاہ فام جارج فلائیڈ کی حمایت کیلئے کھلاڑی بھی میدان میں آ گئے، انگلش فٹبالر جیڈن اسنیچو نے کریئر کی پہلی ہیٹ ٹرک فلائیڈ کے نام کر دی، ہر بار گول کرنے پر شرٹ پر، جارج کو انصاف دو کے لکھے الفاظ دکھائے، لیجنڈری باسکٹ بال پلیئر مائیکل جارڈن کی مظاہرین سے پرامن رہنے کی اپیل

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ٹک ٹیک ٹو کھیلنے کا منفرد انداز، روسی فٹبالر نے الیکٹرک بورڈ بنا لیا، دوست کے ساتھ مل کر پاؤں اور فٹبال کی مدد سے گیم کھیلی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

روسی فنکار نے کیڑوں کیلئے فیس ماسک بنا لیے، منی ایچر اشیا بنانے کے ماہر نے کہا ماسک بنانے کا مقصد انسانوں میں ماسک پہننے کی آگاہی پھیلانا ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ساجد واجد کی جوڑی ٹوٹ گئی، موسیقار واجد خان بیالیس سال کی عمر میں گردوں کی بیماری کے باعث انتقال کر گئے، دونوں بھائیوں نے متعدد بھارتی فلموں کو سپر ہٹ گانے دیئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

گوگل نے پاکستانی آرٹسٹ اینا مولکا احمد کو خراج عقیدت پیش کرنے کیلئے اپنا ڈوڈل ان کے نام کر دیا، اینا مولکا کا پاکستان میں فن مصوری کو فروغ دینے میں اہم کردار، اسی برس قبل پنجاب یونیورسٹی میں شعبہ فائن آرٹس کی بنیاد رکھی تھی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

آئمہ بیگ نے نیا گانا جاری کر دیا، گلوکارہ نے گانے کی ویڈیو انسٹاگرام پر شیئر کی، ہادی اپل نے بھی گانے میں اپنی آواز کا جادو جگایا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

شاعر، صحافی اور ادیب ریاض الرحمان ساغر کی ساتویں برسی، ریاض الرحمان ساغر نے دو ہزار سے زائد نغمات تخلیق کیے، پچھتر فلموں کا اسکرپٹ بھی لکھا

dailyswail

See author's posts