وفاقی حکومت کا نویں اور گیارہوں کے طلبہ کو پروموٹ کرنے کا اعلان ،وزیر تعلیم شفقت محمود کہتے ہیں،پروموٹ کیے گئے طلبا اگلے سال صرف دسویں اور بارہویں کے امتحانات دیں گے،ان طلبا کے دسویں اور بارہویں کے نتائج کی بنیاد پر نویں اور گیارہویں کے نمبرز دیے جائیں گے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیر تعلیم شفقت محمود کہتے ہیں، دسویں اور بارہوں جماعت کےطلبا کو بھی پروموٹ کردیاگیا،دونوں گریڈز کے طلبا کو نویں اور گیارہویں کے نتائج کے نسبت سے تین فیصد اضافی نمبر دیئے جائیں گے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چار خصوصی کیٹگریز کےطلبا حالات بہتر ہونےپر ممکنہ طور پر ستمبر یا اکتوبرمیں امتحانات دے سکیں گے، نویں اور دسویں کا مشترکہ امتحان دینے والے، تمام مضامین میں گریڈ کی بہتری کے لئے امتحان دینے والے ، کچھ خاص مضامین میں گریڈ بہتر کرنے والے اور چالیس فیصد سے زیادہ مضامین میں فیل ہونے والے بھی ستمبر میں دوبارہ امتحان دیں گے،چالیس فیصد تک مضامین میں فیل ہونے والوں کو گریس مارکس کے ساتھ پاس کردیاجائےگا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔
وزیر اطلاعات شبلی فراز نے کہا ہے کہ کچھ جماعتیں چاہتی ہیں معیشت تباہ ہو جائے، اپوزیشن سے ہاتھ جوڑ کر کہتا ہوں کورونا پر سیاست نہ کریں، ہر صوبے کو سپورٹ کیا، کسی سے امتیازی سلوک نہیں کیا، وزیر اطلاعات نے کورونا سے نمٹنے کے لیے اپوزیشن سے پلان مانگ لیا، کہا عوام احتیاط کریں، ایس او پیز پر عمل درآمد نہ ہوا تو پھر لاک ڈاؤن کرنا پڑے گا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مسلم لیگ ن کے سینیٹر مشاہد اللہ کہتے ہیں کورونا سے لوگ مر رہے ہیں لیکن حکومت کہتی ہے سندھ میں اپنا لوہا منوائے گی، لوہا تو آپ پنجاب میں بھی نہیں منوا سکے، سینیٹ اجلاس میں اظہار خیال کرتے ہوئے کہا حکومت کہتی ہے کورونا کے خلاف بہترین اقدامات کر رہی ہے لیکن اقدامات نظر نہیں آ رہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیر اطلاعات پنجاب فیاض چوہان کہتے ہیں شہباز شریف بزدل اعلیٰ ہیں، انہوں نے قومی اسمبلی کا اجلاس بلوایا اور خود ہی غائب ہو گئے، پنجاب کی جو خدمت وزیر اعلیٰ عثمان بزدار کر رہے ہیں، وہ آج تک کبھی نہیں کی گئی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سابق وزیر اعظم شاہد خاقان عباسی نے کہا ہے کہ گھر میں چپ کر کے بیٹھے رہیں نیب نہیں بلائے گا، دو پریس کانفرنس کریں، نیب کا بلاوا آ جائے گا، چیئرمین نیب اجلاس بلائیں گے اور پھر مجھے گرفتار کرا دیں گے، شاہد خاقان نیب راولپنڈی میں پیش، ایل این جی کیس میں بیان ریکارڈ کرایا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
موسلادھار بارش کے بعد راولپنڈی کا نالہ لئی بپھر گیا، پانی کی سطح 15 فٹ تک پہنچ گئی، ضلعی انتظامیہ ہنگامی صورت حال کے لیے تیار، پانی مزید 5 فٹ بڑھا تو سائرن بجا کر شہریوں کو محفوظ مقامات پر منتقل کیا جائے گا، پانی نشیبی علاقوں میں بھی داخل ہو گیا، اسلام آباد اور مری میں بھی موسلادھار بارش
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور اور سیالکوٹ سمیت پنجاب میں بارش، گوجرانوالہ، ڈیرہ غازی خان سمیت کئی شہروں میں بادل کھل کر برسے، آزاد کشمیر اور گلگت بلتستان میں بھی طوفانی بارشیں، نشیبی علاقے زیر آب آ گئے، بلوچستان کے ضلع ہرنائی میں گرج چمک کے ساتھ موسلادھار بارش اور ژالہ باری، ندی نالوں میں طغیانی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ملک بھر میں کورونا کے چودہ سو باون نئے کیسز، تعداد پینتیس ہزار سات سو سے بڑھ گئی، سات سو ستر افراد چل بسے، نو ہزار چھ سو پچانوے مریض صحت یاب
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کراچی میں کورونا وائرس کیسز کی تعداد 10ہزار772 ہو گئی، وزیر اعلیٰ سندھ مراد علی شاہ کے مطابق سندھ میں کورونا کیسز 14 ہزار سے بڑھ گئے، کراچی میں ایک دن میں 555 کیسز رپورٹ ہوئے، 9مریض چل بسے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شہری اپنی اور اپنے پیاروں کی زندگی پر عید کی شاپنگ کو ترجیح دینے لگے، بازاروں میں رش لگ گیا، کورونا سے بچاؤ کی حفاظتی تدابیر پر عمل نہ ہونے کے برابر، دکان دار ماسک اور سینیٹائزر کا استعمال کرتے ہیں نہ خریدار
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کورونا سے بچاؤ کے ایس او پیز پر عمل نہ کرنے پر سندھ حکومت نے کراچی میں کئی مارکیٹیں سیل کر دیں، لاہور میں شاہ عالم مارکیٹ اور اعظم مارکیٹ کو بند کر دیا گیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
رمضان کے آخری عشرے کی تقریبات اور یوم علی کے موقع پر پنجاب میں ہر قسم کے جلوس پر پابندی عائد، امام بارگاہوں اور گھروں میں مجالس کی مشروط اجازت ہو گی، مجالس کا دورانیہ صرف ایک گھنٹہ ہو گا، شرکا قالین کی بجائے صاف فرش پر بیٹھیں گے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اسلام آباد کی ضلعی انتظامیہ نے فیصل مسجد میں اعتکاف کی اجازت دے دی، شہر کی دیگر کشادہ مساجد میں بھی اعتکاف کی اجازت ہو گی، پنجاب اور سندھ کی تمام مساجد میں اعتکاف پر پابندی ہو گی، پشاور کی کشادہ مساجد میں محدود افراد کو اعتکاف کی اجازت دینے کا فیصلہ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دنیا بھر میں کورونا مریضوں کی تعداد چوالیس لاکھ بیالیس ہزار تک پہنچ گئی، کورونا سے تین لاکھ کے قریب اموات
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
امریکہ میں کورونا سے ایک دن میں سترہ سو سے زائد ہلاکتیں، مرنے والوں کی تعداد پچاسی ہزار سے بڑھ گئی، کورونا کیسز کی تعداد چودہ لاکھ 30 ہزار سے زائد ہو گئی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چیف جسٹس اسلام آباد ہائی کورٹ نے کہا ہے کہ ،، انصاف اس ملک کی ترجیح ہوتی تو ہماری عدالتیں دکانوں میں نہ ہوتیں، ایک شخص دس سال جیل میں رہنے کے بعد بری ہو جاتا ہے اس کا کیا جواز پیش کیا جا سکتا ہے، تفتیشی افسر کو کیس کی تفتیش کے لئے صرف 350 روپے دے کر سسٹم خود اسے کہتا ہے کہ کرپشن کرو، اسلام آباد ہائی کورٹ نے ،، کریمنل جسٹس سسٹم کیس میں وفاق سے ایک ہفتے میں جواب مانگ لیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کراچی بار ایسوسی ایشن کا اجلاس ہنگامہ آرائی کی نذر، پیپلز لائرز فورم اور وکلا کے درمیان تلخ کلامی کے بعد اجلاس ختم ، کراچی بار نے حملے کا الزام ترجمان سندھ حکومت مرتضیٰ وہاب پر لگا کر ان کی رکنیت تین ماہ کے لیے معطل کر دی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اداکارہ میرا کا کورونا ٹیسٹ نیگیٹیو آ گیا، میرا منگل کی رات خصوصی فلائٹ کے ذریعے امریکہ سے لاہور پہنچی تھیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پی آئی اے کی دوسری خصوصی پرواز امریکہ سے دو سو بتیس مسافروں کو لے کر کراچی کےلیے روانہ، سعودی عرب سے بھی ڈھائی سو پاکستانی آج لاہور پہنچیں گے، پی آئی اے کا طیارہ ہفتے کو ڈھائی سو پاکستانیوں کو مدینہ سے کراچی پہنچائے گا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مقبوضہ کشمیر میں بھارتی مظالم کے خلاف شدید احتجاج ، سری نگر میں مظاہرین پر بھارتی فورسز کی شیلنگ اور فائرنگ ، پیلٹ گنز سے کئی کشمیری زخمی ہو گئے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
افغان صوبے پکتیا میں کار بم دھماکہ، 5 افراد ہلاک 19زخمی، دھماکہ گردیز شہر میں وزارت دفاع کے سہولت دفتر کے باہر ہوا، طالبان نے ذمہ داری قبول کر لی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تعلیمی ادارے اور کاروبار جلد کھول دیئے تو کورونا کا خطرہ بہت بڑھ جائے گا، امریکی ڈاکٹر فاؤچی کی وارننگ، صدر ٹرمپ نے وارننگ مسترد کرتے ہوئے کہا ڈاکٹر فاؤچی کا بیان قابل قبول نہیں، شہریوں کی خواہش پر کاروبار اور اسکول کھولے جا رہے ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
برطانیہ میں کورونا کیسز کی تعداد دو لاکھ انتیس ہزار سے بڑھ گئی، چار سو چورانوے مزید اموات کے بعد مجموعی ہلاکتیں تینتیس ہزار ہوگئی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اٹلی میں کورونا سے ہلاکتوں کی تعداد اکتیس ہزار سے بڑھ گئی، 2 لاکھ 22 ہزار سے زائد کیسز ریکارڈ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیراعلیٰ عثمان بزدار نے ڈیرہ غازی خان میں فتح محمد انسٹی ٹیوٹ آف کارڈیالوجی کا سنگ بیناد رکھ دیا، منصوبے پر 4ارب 28کروڑ روپے لاگت آئے گی، زمینوں کو دریائی کٹاؤ سے بچانے کیلئے سپر اسٹرکچر بند کے منصوبے کا بھی سنگ بنیاد رکھ دیا گیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
روس میں گیارہ روز میں پہلی بار کورونا کے یومیہ کیسز دس ہزار سے کم ہو گئے، نو ہزار سے زائد نئے کیسز کے بعد تعداد ڈھائی لاکھ سے بڑھ گئی، تئیس سو سے زائد مریض چل بسے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کورونا جیسی ایک اور خطرناک وبا ایمازون کے جنگلوں سے جنم لے سکتی ہے، ماہرین ماحولیات نے خبردار کر دیا، کہا ایمازوں کے جنگلات میں کئی خطرناک وائرس ہو سکتے ہیں، درختوں کی کٹائی اور جانوروں کے علاقے میں انسانی مداخلت سے وائرس انسانی آبادی تک پہنچ سکتے ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کورونا ہو گیا تو کئی ہفتے اسپتال میں گزارنا پڑ سکتے ہیں، نیویارک میں خاتون نرس دو مہینے تک جان لیوا وائرس سے جنگ لڑتی رہی، پھیپھڑوں اور گردوں کو شدید نقصان پہنچا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہوائی جہاز میں کم مسافر بٹھانے سے خرچ بڑھ جائے گا، دبئی ایئرپورٹ کے سی ای او کہتے ہیں جہاز میں سوار ہونے سے پہلے ماسک لگانا اور مسافروں کا درجہ حرارت چیک کرنا معمول بن جائے گا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نیوزی لینڈ میں سات ہفتوں بعد لاک ڈاون میں نرمی ،ایک شہر کے مئیر ،، نے پل سے بونجی جمپ ، کر کے ،خوشی کا اظہار کیا ، باربر شاپس پر لوگوں کا رش، بچے پارکوں میں پہنچ گئے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کورونا وائرس سے صحت یاب ہونے والی ماں ، نے ، ڈیڑھ ماہ بعد ،، اپنی بیٹی کو دیکھا ، بوسٹن میں رشتہ داروں اور علاقے کے لوگوں کی بڑی تعداد نے ماں بیٹی کو گھر واپسی پر خوش آمدید کہا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کرم ہو نگاہِ کرم میرے آقا، اداکارہ مہوش حیات نے اپنی آواز میں نعت رسول مقبو لؐ پیش کرکے سب کے دل موہ لئے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اطالوی فٹ بال لیگ 13 جون سے شروع ہونے کا امکان ، کورونا کی وجہ سے 9 مارچ کو لیگ میچز روک دئیے گئے تھے، یوانٹس پوائنٹس ٹیبل پر سب سے آگے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شین واٹسن نے ایک بار پھر پی ایس ایل کو بگ بیش سے بہتر قرار دے دیا کہا پاکستان کرکٹ لیگ کم ٹیموں اورکم میچز اورزیادہ انٹرنیشنل کھلاڑیوں کی وجہ سے بہت بہتر ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چھ بار کے فارمولا ون چیمپئن لوئس ہملٹن برطانیہ کے امیر ترین کھلاڑی بن گئے، اثاثوں کی مالیت چوالیس ارب روپے تک پہنچ گئی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چین کے ٹریفک پولیس اہلکار نے انسانی ہمدردی کی نئی مثال قائم کر دی ۔۔ اہلکار نے بزرگ شخص کو کندھے پر اٹھا کر سڑک پار کرائی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ریچھ کی اپنے ننھے بچوں کو سڑک پار کرانے کی ویڈیو سوشل میڈیا پر وائرل، کینیڈا کے صوبے برٹش کولمبیا کی ہائی وے پرٹریفک رکی رہی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جراسک ورلڈ تھری کی شوٹنگ جلد شروع ہونے کا امکان،، فلم کی کاسٹ کا پروڈیوسرز کو لندن کے بجایے نیوزی لینڈ یا آسٹریلیا میں شوٹنگ کا مشورہ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یہ بھی پڑھیے
نام ور سرائیکی شاعر مشتاق سبقت انتقال کر گئے
نیشنل پریس کلب کے انتخابات، جرنلسٹ پینل نے میدان مارلیا، اظہر جتوئی صدر منتخب
ملتان یونین آف جرنلسٹس کے سالانہ انتخابات میں "پروفیشنل جرنلسٹس گروپ” نے میدان مار لیا،