22اپریل 2020آج پاکستان اور دنیا بھر میں کیا ہوا؟

۔۔۔۔۔۔۔۔۔۔۔۔

پاکستان میں کورونا مریضوں کی تعداد دس ہزار سے بڑھ گئی، دو سو نو افراد مہلک وائرس کا نشانہ بنے، پہلا کیس چھبیس فروری کو سامنے آیا، اٹھارہ مارچ کو،، جان لیوا وائرس کے باعث،، پہلی ہلاکت ہوئی، ایک سو ہلاکتیں چار ہفتوں میں ہوئیں، اگلے ایک ہفتے میں ہلاکتوں کی تعداد دو سو تک جا پہنچی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا کیسز تیزی سے بڑھ رہے ہیں، پاکستان کیلئے آنے والے تین سے چار ہفتے انتہائی اہم ہیں، معاون خصوصی ڈاکٹر ظفر مرزا کہتے ہیں، کورونا بہت بڑا چیلنج ہے، احتیاطی تدابیر پر مکمل عمل درآمد ناگزیز ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

آرمی چیف جنرل قمر جاوید باجوہ کا نیشنل کمانڈ اینڈ آپریشن سنٹر کا دورہ، کورونا وبا کی روک تھام سے متعلق اقدامات پر بریفنگ، آرمی چیف نے کہا، رمضان کے اہم موقع پر کورونا سے نمٹنے کیلئے تعاون جاری رکھا جائے، وبا کے اقتصادی، صحت اور سماجی اثرات کا جائزہ ضروری ہے، پاک فوج قومی اداروں کے ساتھ بھرپور تعاون جاری رکھے گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی آئرن مارکیٹ کے تاجروں نے دکانیں کھول دیں، لاک ڈاؤن کی خلاف ورزی پر پولیس کا ایکشن، تاجر رہنما کو حراست میں لے لیا، تاجروں کی پولیس اور انتظامیہ کے خلاف شدید نعرے بازی، پولیس کے مارکیٹیں بند کرانے کےاعلانات، رینجرز طلب

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مذاکرات کا وقت ختم، اب دکانیں کھلیں گی، آل سندھ تاجر اتحاد کا یکم رمضان سے دکانیں کھولنے کا اعلان، جمیل پراچہ نے کہا، حکومتی ایس او پیز آئے نہ آئے ہم دکانیں کھولیں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

گنجان آبادیوں میں کورونا کیسز بہت زیادہ بڑھ رہے ہیں، صورت حال میں سب کو اپنی آنکھیں کھولنی ہوں گی، وزیراعلیٰ مراد علی شاہ کہتے ہیں، سندھ میں آج تین سو بیس افراد میں وائرس کی تشخیص ہوئی، لاک ڈاؤن کی چھتری کو ہر صورت سنبھالنا ہو گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وفاقی حکومت مشاورت کےساتھ لاک ڈاؤن کو نرم کرنا چاہتی ہے، گورنر سندھ عمران اسماعیل کہتے ہیں، وزیراعظم نے پہلے کہا تھا کہ مکمل لاک ڈاؤن کیا تو بیروزگاری بڑھے گی، اب پورا ملک کہہ رہا ہے کہ لاک ڈاؤن سے متعلق ان کی بات درست ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سندھ میں صورتحال خطرناک ہو سکتی ہے، مئی میں کورونا کیسز عروج پر ہوں گے، صوبائی وزیر صحت عذرا پیچوہو نے خطرے کی گھنٹی بجا دی، کہتی ہیں، کیسز میں وسط مئی اور مئی کے آخر میں تیزی سے اضافہ ہو گا، لاک ڈاؤن میں رعایت دی تو تعداد اور زیادہ بڑھ جائے گی، عوام سے احتیاط کی اپیل

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا ٹیسٹ کیلئے وزیر اعظم عمران خان کا سیمپل لے لیا گیا، ڈاکٹر فیصل سلطان کہتے ہیں، نتیجہ چند گھنٹوں میں آئے گا، رپورٹ آنے کے بعد آگاہ کریں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دنیا بھر میں کورونا مریضوں کی تعداد پچیس لاکھ اٹھہتر ہزار سے بڑھ گئی، ایک لاکھ اناسی ہزار سے زائد اموات، سات لاکھ سے زائد صحت یاب

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکا میں آٹھ لاکھ سے زائد افراد کورونا وائرس سے متاثر،اموات پینتالیس ہزار سے زائد ہوگئیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیراعظم عمران خان کی زیرصدارت معاشی پیکج پر عمل درآمد سے متعلق جائزہ اجلاس، معاشی پیکج کا جائزہ، وزیراعظم کی فنڈز کی متاثرہ کاروبار اور افراد تک رسائی میں شفافیت کو یقینی بنانے کی ہدایت

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اپوزیشن لیڈر شہبازشریف آج بھی نیب میں پیش نہیں ہوئے، ترجمان ن لیگ مریم اورنگ زیب کہتی ہیں، کورونا کے باعث شہباز شریف نیب میں پیش نہیں ہو رہے، سوالات ویڈیو کانفرنس کے ذریعے پوچھ سکتے ہیں، نیب نے اپوزیشن لیڈر کو چار مئی کو دوبارہ طلب کر لیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پاکستان میں کورونا کے چھ ہزار چار سوسے زائد کیسز مقامی طور پر منتقل ہوئے، دو ہزار ایک سو زائد افراد صحت یاب، اٹھاون مریضوں کی حالت تشویش ناک

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی میں کورونا مریضوں کی تعداد دو ہزار کے قریب پہنچ گئی، چوبیس گھنٹے میں دو سو چوبیس نئے کیسز رپورٹ ہوئے ، شہر میں اکسٹھ افراد مہلک وائرس کا نشانہ بنے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پنجاب میں ذخیرہ اندوزی کی روک تھام کیلئے آرڈیننس نافذ،، وزیراعلیٰ عثمان بزدار کہتے ہیں، آرڈیننس کے تحت ذخیرہ اندوزی ناقابل ضمانت جرم ہے، اکتالیس اشیا پر آرڈیننس لاگو ہو گا، خلاف ورزی پر تین سال سزا ہو گی، ڈپٹی کمشنرز بغیر وارنٹ چھاپے مار سکیں گے، ضبط شدہ مال نیلام کیا جا سکے گا، کیس پر فیصلے کیلئے مدت بھی مقرر

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پاکستان کو آئی ایم ایف کی جانب سے ہنگامی بنیادوں پر ایک ارب انتالیس کروڑ ڈالر کی رقم موصول، اسٹیٹ بینک کی تصدیق، کہا، رقم ریپڈ فنانسنگ انسٹرومنٹ کے تحت ملی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

انٹر بینک میں ڈالر ستتر پیسے سستا، قیمت ایک سو ساٹھ روپے چھتیس پیسے ہو گئی، اسٹاک مارکیٹ میں مثبت رجحان، ہنڈرڈ انڈیکس میں اکتالیس پوائنٹس کا اضافہ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

عالمی مارکیٹ میں تیل کی قیمتوں میں مسلسل کمی، ویسٹ ٹیکساس انٹرمیڈیٹ خام آئل کی قیمت ساڑھے سات فیصد کم ہو کر دس اعشاریہ سات ڈالر فی بیرل ہو گئی، برینٹ خام آئل کی قیمت سولہ فیصد کم ہو کر سولہ ڈالر فی بیرل تک پہنچ گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

فلور ملز ایسوسی ایشن کا پیر سے ہڑتال کا اعلان، چیئرمین عاصم رضا نے کہا، فلور ملز کے پاس گندم موجود نہیں، سرکاری کوٹہ بند کر دیا گیا، گندم نہ ملی تو مارکیٹ میں آٹا فراہم نہیں کر سکیں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سندھ ہائی کورٹ نے اسکول فیس میں بیس فیصد کمی کے نوٹیفیکشن پر عمل درآمد روکنے سے متعلق حکم امتناع میں توسیع کر دی، عدالت نے گذشتہ سماعت پر سندھ حکومت کی جانب سے اسکول فیسوں میں بیس فیصد کمی کے نوٹیفیکشن پر عمل درآمد روک دیا تھا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لاہور کا شیر ایک تگڑی گائے، بیل بھینس سے بھی سستا، کورونا کی وجہ سے شیر برائے فروخت، ایک شیر کی قیمت ڈیڑھ لاکھ روپے، مالی بحران کا شکار لاہور کے سفاری پارک نے چودہ شیر بیچ دیے، انتظامیہ کا کہنا ہے، ایک شیر پر تیس ہزار یومیہ خرچ ہوتا لاک ڈاون کی وجہ سے فیصلہ کرنا پڑا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیر اعلیٰ سندھ کی ڈبل سواری پر چالان نہ کرنے کی ہدایت، کہا، ٹھوس وجہ بتانے پر خواتین یا بیمار افراد کو ڈبل سواری کرنے دی جائے، غیر ضروری ڈبل سواری کرنے والے کو پیدل روانہ کیا جائے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

رمضان میں مساجد میں اجتماعی افطار کا اہتمام نہیں ہو گا، مفتی منیب الرحمان کا اعلان، کہا، صدر کے ساتھ مشاورت سے مسئلہ حل کیا، ایس او پیز پر عمل کرنے کے پابند ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اسلام آباد اور پنجاب میں کورونا کے خدشے کے باعث محکمہ سوئی گیس کے ملازمین نے میٹر ریڈنگ نہیں کی، بل اندازے سے بھیج دیئے، سوئی گیس کا کہنا ہے لاک ڈاؤن کے بعد بل ایڈجسٹ کر دیں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مخصوص مواقع پرموبائل سروس بند کرنے کیخلاف اسلام آباد ہائیکورٹ کا فیصلہ کالعدم قرار، سپریم کورٹ نے حکومت اور پی ٹی اے کی اپیل منظور کر لی، جسٹس قامی امین نے ریمارکس میں کہا، ملک میں امن ہوگا تو سب کا فائدہ ہو گا، پاکستان میں غیر ملکی کمپنی مرضی کریں یہ نہیں ہو سکتا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

رہنما پیپلزپارٹی خورشید شاہ کو رہائی نہ مل سکی، سندھ ہائی کورٹ سکھر بینچ نے درخواست ضمانت مسترد کردی، خورشید شاہ کے وکلا کا سپریم کورٹ سے رجوع کرنے کا فیصلہ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ڈینئل پرل قتل کیس، ملزمان کی سزا میں تبدیلی اور رہائی کا فیصلہ سپریم کورٹ میں چیلنج، سندھ ہائیکورٹ کا دو اپریل کا فیصلہ کالعدم قرار دیا جائے، سندھ حکومت کی استدعا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکی سینیٹ نے سات سو پچاس کھرب روپے کا کورونا ریلیف پیکج منظور کر لیا، کورونا وائرس کی تشخیص کیلئے پچیس ارب ڈالر اور چھوٹے کاروباروں کو سہارا دینے کے لیے ساٹھ ارب ڈالر دئیے جائیں گے، تین سو دس ارب ڈالر پے چیکس کی مد میں امریکی شہریوں کو دئیے جائیں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا وائرس ایک بار ختم ہونے کے بعد خطرناک ہوکر دوبارہ سر اٹھائے گا، امریکہ کے ادارہ انسداد برائے وبائی امراض کے سربراہ کا واشنگٹن پوسٹ اخبار کو انٹرویو، کہا، سردیوں کے دوران فلو کی وجہ سے بہت لوگ متاثر ہوتے ہیں، کورونا وائرس تیزی سے پھیل سکتا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نیویارک میں کورونا کے دو لاکھ چھپن ہزار سے زائد کیسز، انیس ہزار سے زائد ہلاکتیں، ریاست نیو جرسی میں کیسز بانوے ہزار سے بڑھ گئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکی صدر کا پناہ گزینوں کے امریکہ میں داخلہ پر پابندی کا اعلان، پناہ گزینوں کے داخلے پر پابندی کا اطلاق ساٹھ روز کیلئے ہو گا، ٹرمپ کا کہنا ہے، ہماری ترجیح امریکیوں کی نوکریوں کو محفوظ بنانا ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پاورسیکٹرکرپشن اسکینڈل کی تحقیقات کےلیے ایک رکنی کمیشن بنے گا، سربراہ سپریم کورٹ کا ریٹائرڈ جج ہوگا، کمیشن ٹی او آرز کے مطابق کام کرے گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ملیریا کی دوا کورونا پر بے اثر، تحقیق میں ثابت ہوا کہ ہائیڈروکلورکوین لینے والے مریضوں میں شرح اموات بھی زیادہ رہی، امریکی فوجی اسپتال میں ہونے والی تحقیق میں انکشاف ہوا ہے کہ، ملیریا کی دوا کورونا وائرس کیخلاف کارآمد نہیں، امریکی صدر ٹرمپ نے کلوروکوین کو کورونا کے خلاف گیم چینجر قرار دیا تھا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

برطانیہ میں کورونا کے باعث سترہ ہزار سے زائد افراد ہلاک، ایک لاکھ انتیس ہزار سے زائد کیسز

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اسپین میں اموات اکیس ہزارسات سو سے بڑھ گئیں، دو لاکھ آٹھ ہزار سے زائد مریض، اٹلی میں کورونا سےچوبیس ہزار چھ سو سے زائد اموات، کیسز ایک لاکھ تراسی ہزار سے زیادہ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سعودی عرب میں رمضان المبارک کا چاند کل نظر آنے کا امکان، رمضان کا چاند دیکھنے کیلئے کل اجلاس ہو گا، سعودی سپریم کورٹ نے حکم دیا کہ جو بھی شہری چاند دیکھے قریبی عدالت کو آگاہ کرے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیراعظم عمران خان ہم نیوز اور ہم ٹی وی پر براہ راست، جمعرات تئیس اپریل شام چار بجے، ہم نیٹ ورک پر وزیراعظم احساس ٹیلی تھون میں حصہ لیجئے، مشکل میں پھنسے لوگوں کی مدد کیجیے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نادرا کے پاس ایسا کوئی اختیار نہیں کہ کسی کی شہریت منسوخ کرے، چیف جسٹس اطہر من اللہ کے ریمارکس، شہری عبدالرحیم کی درخواست پر فیصلہ محفوظ، چیف جسٹس نے مزید کہا، کس نے نادرا کو یہ اختیار دیا کہ وہ کہے فلاں شخص پاکستانی نہیں، نادرا کو سمجھایا ہے غیر قانونی کام نہ کریں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

فرانس میں کورونا بیس ہزار سات سو،، سے زائد جانیں نگل گیا، ایک لاکھ اٹھاون ہزار سے زیادہ کیسز، انتالیس ہزار سے زائد مریض صحت یاب

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جرمنی میں کورونا کے ڈیڑھ لاکھ کے قریب کیسز، پانچ ہزار سے زائد افراد ہلاک، پچانوے ہزار سے زائد صحت یاب

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مقبوضہ کشمیر میں قابض فوج کی ریاستی دہشت گردی جاری، ضلع شوپیاں میں مزید چار کشمیری نوجوانوں کو شہید کردیا گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دودھ کی پیدوار زیادہ، استعمال نہ ہونے کے برابر، خریداربھی کم پڑ گئے، کورونا کے باعث ڈیری فارمرز کو شدید نقصان کا سامنا، امریکہ، یورپ، سعودی عرب سمیت دیگر کئی ممالک میں دودھ ندی نالوں میں بہا دیا گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا سے مغربی افریقہ میں پانچ کروڑ افراد غربت کا شکار ہو سکتے ہیں، چیریٹی گروپ آکسفیم نے خبردار کر دیا، غربت کی شرح بڑھے گی، آمدنی میں بیس فیصد کمی کا امکان

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

برطانیہ میں کورونا وائرس سے اموات میں اضافہ، سردخانوں میں جگہ کم پڑ گئی، میتوں کو محفوظ کرنے کیلئے برمنگھم کی جامع مسجد کے پارکنگ ایریا میں سردخانہ قائم کر دیا گیا، سردخانے میں ڈیڑھ سو میتوں کو رکھنے کی گنجائش موجود ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

آکسفورڈ یونیورسٹی کا کل سے کورونا ویکسین کے کلینکل ٹرائلز کا اعلان، برطانوی وزیر صحت کہتے یں، ہمارے پاس جو کچھ ہے ویکسین کی تیاری میں لگا دیں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

آنجہانی سائنسدان اسٹیفن ہاکنگ کا وینٹی لیٹر این ایچ ایس کو عطیہ، وینٹی لیٹر کورونا سے متاثرہ مریضوں کیلئے استعمال کیا جائے گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ائیرکنڈیشنر بھی کورونا کے پھیلاو کا سبب بن سکتے ہیں، وہان کے ریسٹورنٹ میں ائیرکنڈیشن سے ایک متاثرہ شخص سے وائرس دوسروں میں منتقل ہوا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

انڈونیشا میں لاک ڈاون کی خلاف ورزی پر انوکھی سزا، گھر سے غیر ضروری نکلنے والوں کو آسیب زدہ گھروں میں بند کیا جانے لگا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جاپان میں سالانہ ٹیولپ فیسٹیول منسوخ، شہریوں کو پارک آنے سے روکنے کیلئے ایک لاکھ ٹیولپ کے پھولوں کی فصل کو تباہ کردیا گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا کے مریضوں کا علاج کرنے والے ڈاکٹروں کو خراج تحسین پیش، فلوریڈا پولیس نے سیکیورٹی گاڑیوں سے دل بنا کر ڈاکٹرز کی خدمات کو سراہا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اداسی اور پریشانی کے لمحات میں خوشی کی چند جھلکیاں، ڈاکٹرز نے گینگنم اسٹائل پر رقص کیا، ہاتھ دھونے کا دلچسپ طریقہ بھی سکھایا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کینڈین وزیراعظم جسٹن ٹروڈو جاذب نظرتو ہیں ہی ان کے بالوں کا اسٹائل بھی کمال ہے، ٹروڈو کا اپنے بالوں کو سنوارنے کا انداز سوشل میڈیا صارفین کو بھا گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بزدل کرکٹر نہیں، بزدل ہوتا تو آسٹریلیا میں سنچری نہ کر سکتا، اسد شفیق کا شعیب اختر کو جواب، کہا، شاید شعیب اختر نے میرا ریکارڈ نہیں دیکھا، امام الحق کہتے ہیں کرکٹرز کی تنخواہ کاٹنا یا نہ کاٹنا پی سی بی کا اپنا فیصلہ ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

انگلش فٹبال کلب نیو کاسل یونائیٹڈ سعودی حکومت نے تین سو ملین پاؤنڈ میں خرید لیا، سعودی عرب پبلک انویسٹمنٹ فنڈز، انگلینڈ کے تمام کلب مالکان سے زیادہ دولت مند، اثاثوں کی مالیت تین سو بیس بلین پاؤنڈ ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اسپین کا مشہور بیلوں کا میلہ ملتوی، کورونا کے باعث اس سال میلہ نہیں ہو گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا کے باعث انسان گھروں میں، جانور سیر پر نکل پڑے، ترکی میں پہاڑی بھالو کیبل اسٹیشن پہنچ گیا، ویڈیو سوشل میڈیا پر وائرل

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پاکستان سمیت دنیا بھر میں آج ارتھ ڈے منایا جا رہا ہے، گوگل نے خصوصی ڈوڈل جاری کردیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

واٹس ایپ بھی کورونا سے بچاو کی آگاہی مہم کیلئے میدان میں،، عالمی ادارہ صحت کے اشتراک سے نئے اسٹیکرز متعارف کروا دئیے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لازوال کرداروں کے خالق معین اختر کو ہم سے بچھڑے 9برس بیت گئے، معین اختر نے چار دہائیوں تک لوگوں کے چہروں پر قہقہے بکھیرے، لیجنڈری کمپیئر کی یادیں کروڑوں مداحوں کے دلوں میں زندہ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا کی وجہ سے نیٹ فلیکس کا بزنس بڑھ گیا، صارفین کی تعداد میں ایک کروڑ ساٹھ لاکھ کا اضافہ، نیٹ فلیکس کے صارفین انیس کروڑ کے قریب پہنچ گئے

ویب ڈیسک

See author's posts