20اپریل 2020:آج پاکستان اور دنیا بھر میں کیا ہوا؟

حکومت کا آئندہ جمعہ یوم توبہ اور یوم رحمت کے طور پر منانے کا اعلان، وزیراعظم عمران خان کی زیر صدارت اجلاس، علما نے مساجد میں عبادات، نماز جمعہ اور تراویح کے دوران بیس حفاظتی تدابیر پر عمل درآمد کی یقین دہانی کرا دی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

معاون خصوصی اطلاعات فردوس عاشق اعوان کہتی ہیں ،کورونا وائرس کے خلاف جہاد کا آغاز مساجد سے کیا جائے گا، مساجد اور آئمہ کرام کیلئے مالی پروگرام لائیں گے، وزیر مذہبی امور نور الحق قادری نے کہا ،مدارس کے طلبہ کیلئے ٹیلی ایجوکیشن کا اہتمام کیا جائے گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

چیف جسٹس گلزار احمد نے کہا ہے کہ صوبوں اور وفاق کے درمیان کورونا سے نمٹنے کیلئے کوئی طریقہ کار نظر نہیں آرہا ، ریلیف کی مد میں خرچ کی گئی رقم میں شفافیت دکھائی نہیں دے رہی، کورونا ازخود نوٹس کیس میں ریمارکس، کہا ورلڈ بینک سے پیسہ آتا ہے اور سامان باہر سے منگوا لیا جاتا ہے، حاجی کیمپ قرنطینہ مراکز میں حالات غیر انسانی ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

زکوٰۃ اور بیت المال کے پیسے سے ادارے کی تنخواہیں دی جا سکتی ہیں یا نہیں؟ سپریم کورٹ نے اسلامی نظریاتی کونسل اور مفتی تقی عثمانی سے شرعی رائے طلب کر لی، جسٹس عمر عطا بندیال نے کہا وفاقی حکومت کو زکوٰۃ فنڈ کا آڈٹ کرانا چاہیے، اس سے صوبائی خودمختاری متاثر نہیں ہو گی

۔۔۔۔۔۔۔۔۔۔۔۔۔۔۔۔۔۔۔۔۔۔۔

پاکستان میں کورونا سے اموات ایک سو چھہتر ہو گئیں، کیسز کی تعداد آٹھ ہزار چار سو سے بڑھ گئی، ساڑھے پانچ ہزار کے قریب کیسز مقامی طور پر منتقل ہوئے، دو ہزار کے قریب مریض صحت یاب

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی میں چوبیس گھنٹے کے دوران کورونا سے آٹھ مریض چل بسے، اموات باون ہو گئیں، محکمہ صحت سندھ نے نئے اعداد و شمار جاری کردیئے، ایک سو بتیس نئے مریضوں کے ساتھ مجموعی تعداد پندرہ سو سے بڑھ گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دنیا بھر میں کورونا مریضوں کی تعداد چوبیس لاکھ بیس ہزار سے بڑھ گئی، ایک لاکھ پینسٹھ ہزار سے زائد اموات، چھ لاکھ پینتیس ہزار سے زائد مریض صحت یاب

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

میرانشاہ میں دہشت گردوں کا سیکیورٹی فورسز کی چیک پوسٹ پر حملہ،، جوابی کارروائی میں پانچ دہشت گرد ہلاک، فائرنگ کے تبادلے میں پاک فوج کا ایک جوان شہید، تین زخمی ہو گئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بھارتی خفیہ ایجنسی را کیلئے مبینہ طور پر کام کرنے والا کراچی پولیس کا اے ایس آئی گرفتار، پولیس حکام کے مطابق گرفتار اہلکار ایم کیو ایم لندن سے وابستہ اور ٹارگٹ کلرز کی ٹیم کا مبینہ اہم رکن ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جس قدر ممکن ہو سکے خود کو گھروں تک محدود رکھیں، وزیر اعظم عمران خان کا عوام کے نام پیغام، کہا ،لوگ جتنا نظم و ضبط سے رہیں گے اتنا ہی ہمارے لئے وبا سے نمٹنا آسان ہو گا، گھروں میں رہنے سے لاک ڈاؤن میں مرحلہ وار نرمی بھی ممکن ہو پائے گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

حکومت کورونا کی بجائے اپوزیشن کو دبانے پر لگی ہے، مسلم لیگ ن کےرہنما شاہد خاقان عباسی کہتے ہیں، حکومت کورونا وائرس سے نمٹنے میں ناکام ہوگئی، بڑھتے انفیکشن میں حکومت نے لاک ڈاؤن کم کردیا، قومی اسمبلی کا اجلاس فوری بلانے کا مطالبہ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ملک سے دو کروڑ ماسک اسمگل کرنے کے الزامات بے بنیاد ہیں،، وزارت صحت نے کورونا از خود نوٹس کیس میں رپورٹ سپریم کورٹ میں جمع کرا دی، وزارت صحت کے مطابق ، اپریل کے آخر تک روزانہ بیس ہزار ٹیسٹ کرنے کے اہل ہو جائیں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

روپے کی قدر میں بہتری، انٹر بینک میں ڈالر ستاون پیسے سستا ہو کر ایک سو تریسٹھ روپے کا ہو گیا، اسٹاک ایکسچینج میں تیزی، کاروبار کے آغاز پر ہنڈرڈ انڈیکس میں نوسو پوائنٹس کا اضافہ، انڈیکس تینتیس ہزار کی نفسیاتی حد عبور کر گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا کے اثرات کے باعث خام تیل کی قیمت انیس سو ننانوے کے بعد کم ترین سطح پر آ گئی، ویسٹ ٹیکساس آئل کی قیمت پندرہ ڈالر فی بیرل سے بھی کم ہو گئی، برینٹ کروڈ آئل کی قیمت ستائیس ڈالر فی بیرل پر پہنچ گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

شیخ رشید نے ریلوے ملازمین کی ایک دن کی تنخواہ کورونا ریلیف فنڈ کیلئے پیش کردی، وزیر ریلوے نے پانچ کروڑروپے سے زائد کا چیک وزیراعظم کو دیا، کہا، تیس کوچوں پر مبنی ٹرین چمن بھجوا دی ،جس میں پانچ سو افراد کے آئسولیشن کا انتظام ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پاکستان کے ڈاکٹرز اور پیرا میڈیکل اسٹاف کی خدمات کو خراج تحسین، سکھر میونسپل کارپوریشن کی طرف سے دنیا کا سب سے بڑا سفید جھنڈا لہرا دیا گیا، میئر سکھر کے مطابق جھنڈا چوراسی فٹ لمبا اور پچاس کلو وزنی ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لاہور میں ڈاکٹروں کی بھوک ہڑتال پانچ روز سے جاری،ینگ ڈاکٹرز ایسوسی ایشن کے صدر نے کہا، سہولتیں نہ ملنے سے پنجاب میں طبی عملے کے ایک سوپینسٹھ افراد کورونا سے متاثر ہوچکے، گرینڈ ہیلتھ الائنس کا کہنا ہے ، ہیلتھ پروفیشنلز میں موذی وبا کی شرح بڑھتی جا رہی ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نشتر اسپتال ملتان کے بائیس ڈاکٹرز کورونا سے صحت یاب، ڈاکٹرز، طیب ایردوان اسپتال کے آئسولیشن وارڈ میں زیر علاج ہیں، پہلا کورونا ٹیسٹ نیگیٹو آ گیا، دوسرا ٹیسٹ نیگیٹو آنے پر ڈسچارج کر دیا جائے گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جناح اسپتال کراچی میں بائیو سیفٹی لیبارٹری نےکام شروع کردیا ،مرتضیٰ وہاب کہتے ہیں، لیبارٹری میں یومیہ سو کورونا ٹیسٹ ہوں گے، اگلےمرحلے میں ٹیسٹنگ کی استعداد بڑھائی جائےگی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سندھ میں کچھ صنعتی ادارے کھل گئے ہیں، وزیراعلیٰ سندھ مراد علی شاہ کہتے ہیں، احتیاطی تدابیر ضرور اپنائیں، سرکاری ادارے نگرانی کرتے رہیں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیراعلیٰ خیبرپختون خوا محمود خان کہتے ہیں ،صوبے میں روزانہ ایک ہزار کورونا ٹیسٹ کی استعداد ہے،،ہدف پانچ ہزار یومیہ ہے، تیرہ ارب روپے احساس پروگرام کیلئے استعمال کیے جائیں گے،عوام سے تعاون کی اپیل

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکا میں کورونا سے ہلاکتوں کی تعداد چالیس ہزار پانچ سو سے بڑھ گئی، کورونا کیسز سات لاکھ چونسٹھ ہزار سے زائد

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نیویارک میں کورونا کیسز ڈھائی لاکھ کے قریب پہنچ گئے، اٹھارہ ہزار سے زائد اموات، ریاست نیو جرسی میں کیسز پچاسی ہزار سے زیادہ ہو گئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اسپین میں کورونا مریضوں کی تعداد دو لاکھ سے زیادہ، کورونا مزید تین سو ننانوے جانیں نگل گیا، اموات بیس ہزار آٹھ سو سے بڑھ گئیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اٹلی میں کورونا تئیس ہزار چھ سو سے زائد جانیں لے گیا، کورونا کیسز ایک لاکھ اناسی ہزار تک پہنچ گئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سروس اسپتال لاہور میں کورونا سے صحت یاب دو مریضوں کا پلازمہ لینے کی تیاریاں مکمل،ڈاکٹر محمود ایاز کہتے ہیں، پلازمہ کورونا مریضوں کو لگایا جائےگا،جس سے مریضوں کا مدافعتی نظام مضبوط ہوگا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پنجاب میں کورونا کے تین ہزار سات سو سے زائد کیسز، سندھ میں ڈھائی ہزار اور خیبر پختون خوا میں بارہ سو سے زائد کیسز، بلوچستان میں چار سو بتیس، گلگت بلتستان میں دو سو تریسٹھ، اسلام آباد میں ایک سو اکاسی اور آزاد کشمیر میں انچاس کیسز رپورٹ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی میں فشریز اور فش ہاربر کو کھولنے کی تیاریاں جاری، فش ہاربر پر آج شام چھ بجے سے کام شروع ہو جائے گا، سندھ حکومت کی جانب سے فشریز اور فش ہاربر پر شام چھ سے صبح چھ بجے تک کام کی اجازت دی گئی ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا وائرس سے متعلق پارلیمانی کمیٹی کا اجلاس ، مسلم لیگ ن کے رہنما مشاہد اللہ خان کا بائیکاٹ، اسپیکر قومی اسمبلی کے رویے کو متعصبانہ قرار دے دیا،کہا، شاہ محمود قریشی کو چھ بار بولنے کی اجازات دی، اپوزیشن کو بولنے کیلئے وقت نہیں دیا گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیراعلیٰ پنجاب عثمان بزدار کا تحصیل ہیڈ کوارٹرز اسپتال دیپالپور کا دورہ ،، کورونا کےآئسولیشن وارڈز کا معائنہ کیا، علاج کی سہولیات کا جائزہ لیا، عثمان بزدار نے چشتیاں میں بھی قرنطینہ سنٹر میں سہولتوں کاجائزہ لیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

برطانیہ میں کورونا سے اموات سولہ ہزار سے زیادہ، کورونا سے متاثرہ افراد کی تعداد ایک لاکھ بیس ہزار سے بڑھ گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

فرانس میں کورونا سے اموات کی تعداد انیس ہزار سات سو سے بڑھ گئی، کیسز کی تعداد ایک لاکھ تریپن ہزار تک پہنچ گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نیوزی لینڈ میں لاک ڈاؤن میں ایک ہفتے کی توسیع ، ستائیس اپریل سے لاک ڈاؤن میں نرمی کا فیصلہ، بہترین اقدامات کے باعث نیوزی لینڈ میں کورونا کیسز ڈیڑھ ہزار سے آگے نہیں بڑھ سکے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بی جے پی کا مسلمانوں پر کورونا پھیلانے کا الزام،بھارت میں اسپتال مسلمانوں کو داخل اور ان کا علاج کرنےسےانکار کرنے لگے،ٹیلی گراف کے مطابق، جھاڑ کھنڈ اور راجستھان میں مسلمان ماؤں کو اسپتال میں داخل کرنے سے انکار پر دو نومولود جان کی بازی ہار گئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اسلامی تعاون تنظیم نے بھارت میں مسلمانوں پر کورونا پھیلانے کے الزام کو گمراہ کن قراردے دیا، کہا، بھارتی میڈیا مسلمانوں پر الزامات لگا کر ان پر تشدد کا سبب بن رہا ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بیلجیم میں کورونا کیسز انتالیس ہزار سے بڑھ گئے، پانچ ہزار آٹھ سو سے زائد مریض چل بسے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

روس میں کورونا سے ہلاکتوں کی تعداد چار سو سے بڑھ گئی، کورونا کیسز سینتالیس ہزار سے زائد ہو گئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جرمنی میں کورونا نے ایک لاکھ پینتالیس ہزار سے زائد افراد کو بیمار کر دیا، چار ہزار چھ سو سے زائد اموات

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

درجہ حرارت میں اضافہ کورونا کے خاتمے میں مددگار، گرمیوں میں پھیلاؤ کم ہو جائے گا، امریکی ماہرین کی تحقیق

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لاما کا خون کورونا ویکسین بنانے میں مددگار، بیلجیم کے سائنسدانوں کا دعویٰ، کہا لاما کے خون میں موجود اینٹی باڈیز کورونا وائرس کا خاتمہ کر سکتی ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ترکی میں کورونا کیسز چھیاسی ہزار سے بڑھ گئے، دو ہزار سے زائد مریض زندگی کی بازی ہار گئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سعودی عرب میں کورونا کیسز نو ہزار تین سو سے بڑھ گئے، کورونا سے اب تک ستانوے مریض چل بسے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ایران میں کورونا سے اموات کی تعداد پانچ ہزار سے بڑھ گئیں، بیاسی ہزار سے زائد کیسز

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پشاور میں محکمہ صحت کے دفتر سے تھرمل گن کا اسٹاک چوری ، پولیس کے مطابق ادارے کے پانچ ملازم ہی چوری میں ملوث نکلے، ملزم گرفتار

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لینڈ سلائیڈنگ کے باعث شاہراہ نیلم تیسرے روز بھی بند، مال بردار گاڑیوں کی لائنیں لگ گئیں، وادی نیلم کا مظفرآباد سے زمینی رابطہ منقطع

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

گلوکار سلمان احمد کورونا سے صحت یاب، ہم نیوز کے پروگرام ’’صبح سے آگے ‘‘میں گفتگو کرتے ہوئے کہا خدارا کورونا کو سنجیدہ لیں اور احتیاط کریں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نیو یارک کے اسپتال سے ایک ہزار مریض صحت یاب ہو گئے، ہزارویں مریض کی صحت یابی پر ڈاکڑز نے تالیاں بجا کر رخصت کیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکہ میں لاک ڈاؤن کے خلاف لوگ سڑکوں پر نکل آئے، واشنگٹن سمیت کئی شہریوں میں لاک ڈاؤن ختم کرنے کا مطالبہ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

فرانس میں مسلسل لاک ڈاؤن پر حکومت مخالف مظاہرے پھوٹ پڑے، مظاہرین کو منتشر کرنے کیلئے پولیس کا لاٹھی چارج ، ایک نوجوان زخمی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

قومی کرکٹرز کے آئن لائن فٹنس ٹیسٹ ، پہلے مرحلے میں حارث سہیل، محمد عباس، اسد شفیق اور سرفراز احمد کے ٹیسٹ لئے گئے، شان مسعود، حسن علی، شاداب خان اور عماد وسیم کا بھی ٹیسٹ ہو گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ای اسپورٹس فارمولا ون ریس میں چائنیز گراں پری کے مقابلے،، دنیا بھر سے ریسرز کی آن لائن ایونٹ میں شرکت،، فراری کے ڈرائیور چارلز نے ریس اپنے نام کر لی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

چین میں دنیا کے سب سے بڑے فٹ بال اسٹیڈیم کی تعمیر شروع، پھول کی شکل کے اسٹیڈیم میں ایک لاکھ لوگوں کے بیٹھنے کی گنجائش ہوگی، ڈھائی کھرب روپے لاگت آئے گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

برسوں میں بنائی گئی عمارتیں لمحوں میں ڈھیر، شنگھائی میں بیس منزلہ چار عمارتیں گرا دی گئیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا کے خوف سے سنسان گلیاں، جانور اور پرندے آباد کرنے لگے، جنوبی افریقہ کے دارالحکومت کیپ ٹاؤن میں پینگوئن کی سڑکوں پر چہل قدمی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سسپنس سے بھرپورمرڈر مسٹری کا گھروں پر حکمرانی ،، فلم ’’نائیوز آؤٹ ‘‘نے پچاس کروڑ سے زیادہ کما لیے

ویب ڈیسک

See author's posts