میں او خوش نصیب طالب علم ہم جیکوں پیو ( ابا حضور ) اگوں تے پڑھاونڑ کیتے انکار کیتا میں گھر کھڑ گیم گوپانگ جو ہم اپنڑے گوپانگیں نال جرائم چوری چکاری لڑائی جھگڑا وچ شامل تھی گیم
میڈا لباس پٹکا منجھلہ چادر کھسہ خالص گوپانگ بنڑ گیم علم دی چاہت طارق خان دے مصرعے کوں ہتھ مریندا ہاں
سینے وچ ٹھک ٹھک ہئی پئی ہک جیہاڑے ابے میکوں آکھیا جو گھوڑی دے بھائیوال نواب خان لشاری دے گھر لسے وچ ونج اوں ڈینوڑیں ھ میڈی رقم چھی ویہاں (120) روپے گھن آ
میں پیسے پورے گھن آیم فاضل پور آ تے خیال آیا ایف اے دا کورس گھناں چا پرائیویٹ پڑھساں کتابیں دا سنڑ تے ابا خوش تھی ویسی گھر گیم اماں کوں حال ڈتم جو میں پیسےدیاں کتاباں گھن آیاں
اماں دھاڑ دھاڑ کیتی ابے دے ڈر کنوں تھر تھر کنمبے ابا آگیا ابے انت آخیر آنونڑاں ہا
اماں شودی حال دی سوہنڑیں ترتیب بنڑائی پر کہیں کم نا آئی ابے سجے پیر دا کھلا لہایا بسم اللہ کر تے میڈے اتے کھلییں دی برسات کر ڈتس
اماں ڈر کنوں میکوں چھڑواونڑ نا آئی میں خاموشی صبر تے سکون نال پاذر دا سر تے میہنہ وسوا تے اپنڑے گھر دے ابھے پاسوں قادرے واہ جہڑا سندھو سئیں دا وڈا پتر اے ساڈے گھر نال گھس تے ٹپدا ہا اوندی پوادھی کندھی تے رادھے مہان ونڑ المعروف دھمالی شاہ دا امب تلے ونج پناہ گھدم
چرکے چرکے میکوں چاچا مرید حسین گوپانگ منا تے گھر گھن گیا اے ہے علم دی شان
۔۔۔۔۔۔۔۔
جاری رہسی
یہ بھی پڑھیے
”کوئی خواب میکوں اُدھارا نہ ݙیویں“ (وسیب یاترا :12)||سعید خاور
”بدن دی بھوئیں تے مُونجھ دا متام“ (وسیب یاترا :11)||سعید خاور
””سندھو سکرات وِچ اے“ (وسیب یاترا :10)||سعید خاور