معلومات سرائیکستان، (پہلا حصہ) ۔۔۔کرن لاشاری

نظریہ سرائیکستان تے تحریک سرائیکستان نال سرائیکی قوم دا ہر فرد جڑدا ویندے اور سرائیکی حقوق دی منزل مزید نیڑے تھیندی ویندی ھے،، 

سرائیکی کاز سانگے ایویں تاں بہوں کجھ لکھیا گے پر اڄ میں کجھ سرائیکی وسیب دے 23 اضلاع دے جغرافیے بارے قسط وار لکھݨ دی کوشش کیتی ھے،،
سرائیکی خطہ قدرت دی تمام جغرافیائی نعمتاں نال مالا مال ھے، اتھ برف پوش پہاڑ، بنجر پہاڑی سلسلے، وݙے وݙے صحرا، سرسبز میدان، دریائی جنگلات، قدرتی درے، ندی نالے تے دریا سب موجود ھن تے تمام موسم وی اپݨا رنگ ݙسیندن، غرض قدرت نے دھرتی دے ہر جغرافیائی رنگ. دا سرائیکی وسیب وچ حصہ رکھیے،،
ڈیرہ غازیخان ڈویژن،
وطن عزیز دے تمام صوبیاں نال جُڑیا اے ڈویژن سرائیکی وسیب وچ منفرد سنڄاݨ دا مالک ھے ایندے چار اضلاع،
ڈیرہ، مظفر گڑھ، لیہ، تے راجنپور، ھن جو مزید مجموعی طور سولھا (16)تحیصلیں تے مشتمل ھن،, قومی اسمبلی 15 جنرل سیٹاں ھن تے صوبائی حلقے 29 شامل ھن
ایں ڈویژن دے ڈو اضلاع وچ کوہ سلیمان دا پہاڑی سلسلہ ھے جتھاں فورٹ منرو، تے اناری جیے برف باری آلے پر فزا علاقے موجود ھن، ایندے علاوہ دریا سندھ سمیت درجناں اہم ندی نالے تے پہاڑی درے وی ھن، اے علاقہ قدرتی معدنیات نال وی مالامال،،
ڈویژن بہاولپور،
قیام پاکستان تو پہلے ھک خودمختیار ریاست، تے موجودہ
رقبے دے لحاظ نال سرائیکی وسیب دا سب تو وݙا ڈویژن ھے، جیہڑا ترے اضلاع،
بہاولپور، رحیمیارخان، تے بہاولنگر تے مشتمل ھے ایں ڈویژن دی کل چئوݙاں (14)تحصیلاں ھن، قومی اسمبلی دی 15 جنرل نشستاں ھن تے صوبائی اسمبلی 32 جنرل نمائندے منتخب کیتے ویندن،
ایندا مغربی علاقہ دریاے ستلج تے دریاے سندھ نال قدرتی حد ٻناں ھے، پاکستان دا ݙوجھا وݙا صحرا چولستان (روہی) مکمل طور ایں ڈویژن وچ شامل ھے، لال سوہنراجنگل، تے کچے دے دلدلی جنگلات انوع اقسام دی جنگلی حیات دا مسکن وی ھن، تاریخی وادی ھاکڑہ(سرسوتی) دے آثار پورے ڈویژن وچ جاہ جاہ تے نظر امدن،
اے علاقہ سیکڑاں قدیم قلعے تے محلات نال پُر ھے،،،
مضمون دا ݙوجھا حصہ انشااللہ جلد پیش کیتا ویسی

ویب ڈیسک

See author's posts