۔۔۔۔۔۔۔۔۔۔۔۔۔۔۔۔۔۔۔۔
وفاقی وزیر مذہبی امور نور الحق قادری نے کہا رمضان کے حوالے سے ملک بھر میں ایک پالیسی ہو گی۔اسپیکر قومی اسمبلی اسد قیصر کہتے ہیں کورونا کے باعث ہر طبقہ متاثر ہوا ہے، وبا سے نمٹنے کے لیے پارلیمانی کمیٹی کام کر رہی ہے، پوری قوم کو مل کر وبا کا مقابلہ کرنا ہو گا۔
۔۔۔۔۔۔۔۔۔۔۔۔۔۔۔۔۔۔۔۔
کورونا وائرس از خود نوٹس کیس میں سپریم کورٹ حکومت پر برہم، چیف جسٹس گلزار احمد نے اپنے ریمارکس میں کہا مشیروں اور وزرا کی فوج ہے لیکن کام نہیں ہو رہا، کابینہ کے کچھ ارکان مبینہ طور پر کرپٹ ہیں، ظفر مرزا سے مطمئن نہیں،،،،،،،، ظفر مرزا کو ہٹانے کی آبزرویشن عدالتی حکم میں شامل نہیں کی گئی
۔۔۔۔۔۔۔۔۔۔۔۔۔۔۔۔۔۔۔۔
لاک ڈاؤن میں توسیع ہو گی یا نرمی؟ وزیراعظم عمران خان کی زیر صدارت نیشنل کوآرڈی نیشن کمیٹی کا اجلاس، آرمی چیف جنرل قمر جاوید باجوہ بھی شریک، وزیر اعلی سندھ کی لاک ڈاون میں مزید چودہ دن توسیع کی تجویز، کہا فیصلہ وزیراعظم کریں، صوبے فالو کرینگے
۔۔۔۔۔۔۔۔۔۔۔۔۔۔۔۔۔۔۔۔
وزیر اعلیٰ سندھ مراد علی شاہ نے کہا ہے کورونا کا پھیلاؤ روکنے کے لیے ڈاکٹرز لاک ڈاؤن میں توسیع کا کہہ رہے ہیں، لاک ڈاؤن سے متعلق آج وفاق سے بات کروں گا، وزیر اعظم سے درخواست ہے ایکشن لیں، سندھ میں بغیر سوچے سمجھے لاک ڈاؤن کا الزام بالکل غلط ہے
۔۔۔۔۔۔۔۔۔۔۔۔۔۔۔۔۔۔۔۔
سندھ حکومت کا لاک ڈائون سے متعلق فیصلہ آج اسلام آباد میں ہونے والے اجلاس سے مشروط، سندھ حکومت اجلاس میں ہونے والے فیصلوں کے تحت لائحہ عمل طے کرے گی، سندھ حکومت پر کاروباری طبقے کی طرف سے لاک ڈاؤن کھولنے کے لئے شدید دباؤ
۔۔۔۔۔۔۔۔۔۔۔۔۔۔۔۔۔۔۔۔
وزیراعظم عمران خان کی بیرون ملک پاکستانیوں سے فنڈز دینے کی اپیل، کہا اوور سیز پاکستانی کورونا کے لئے فنڈ میں حصہ ڈالیں، پاکستان نےاب تک 8 ارب ڈالرز کا یلیف فنڈ جمع کر لیا، لاک ڈاؤن کے باعث پاکستان میں غربت بڑھ رہی ہے
۔۔۔۔۔۔۔۔۔۔۔۔۔۔۔۔۔۔۔۔
پاکستان میں کورونا کے کیسز 5ہزار تین سوستر سے بڑھ گئے، ترانوے مریض چل بسے، ایک ہزار پچانوے صحت یاب، دنیا بھر میں کورونا سے متاثرہ افراد کی تعداد اٹھارہ لاکھ ساٹھ ہزار سے بڑھ گئی، ایک لاکھ پندرہ ہزار سے زائد اموات
۔۔۔۔۔۔۔۔۔۔۔۔۔۔۔۔۔۔۔۔
نشتر اسپتال ملتان میں مزید 4 ڈاکٹروں اور طبی عملے کے پانچ ارکان میں کورونا کی تصدیق، وی سی نشتر میڈیکل یونیورسٹی مصطفیٰ کمال کہتے ہیں اب تک سولہ ڈاکٹروں کے ٹیسٹ مثبت آئے ہیں، طبی اور غیر طبی عملے کے چھ ارکان کے ٹیسٹ بھی مثبت آئے، حفاظتی سامان ڈاکٹروں میں تقسیم کر دیا گیا ہے
۔۔۔۔۔۔۔۔۔۔۔۔۔۔۔۔۔۔۔۔
کورونا کے خلاف جنگ میں ڈاؤ یونیورسٹی کے ماہرین کا بڑی کامیابی کا دعویٰ، کورونا سے صحت یاب مریضوں سے حاصل کردہ اینٹی باڈیز سے امیونو گلوبن تیار کر لی، امیونو گلوبلن کی ٹیسٹنگ اور اینمل سیفٹی ٹرائل بھی کامیاب
۔۔۔۔۔۔۔۔۔۔۔۔۔۔۔۔۔۔۔۔
سپریم کورٹ کا پنجاب حکومت کی جانب سے بین الاضلاعی مشروط سفری پابندی پر تشویش کا اظہار، چیف جسٹس گلزار احمد نے کہا پنجاب حکومت یہ پابندی کیسے لگا سکتی ہے،آرٹیکل 15 وفاقی حکومت کا دائرہ اختیار ہے
۔۔۔۔۔۔۔۔۔۔۔۔۔۔۔۔۔۔۔۔
پرائیویٹ اسکولوں کی فیسوں میں 20 فیصد کمی ہوگی، اسلام آباد ہائی کورٹ نے نوٹیفکیشن معطل کرنے کی نجی اسکولوں کی استدعا مسترد کردی، جسٹس عامر فاروق نے کہا 2 مہینے کے لیے اسکولوں کا منافع ختم ہو گیا تو کوئی حرج نہیں
۔۔۔۔۔۔۔۔۔۔۔۔۔۔۔۔۔۔۔۔
وفاقی وزیر مراد سعید کہتے ہیں وزیراعلیٰ سندھ سیاست سیاست کھیل رہے ہیں، انہیں ناجائز سبسڈیز دینے کی اپنی واردات بےنقاب ہونے کا خطرہ لاحق ہے، مرادعلی شاہ نے زرداری اور اومنی گروپ کو جو سبسڈی دی وہ جعلی اکاؤنٹس سے برآمد ہوئی
۔۔۔۔۔۔۔۔۔۔۔۔۔۔۔۔۔۔۔۔
بھارتی فوج کی لائن آف کنٹرول پر اشتعال انگیزی جاری، آئی ایس پی آر کے مطابق بھارتی فائرنگ سے دو سالہ بچہ چل بسا، چار شہری زخمی، پاک فوج کی بھرپور جوابی کارروائی۔ اسلام آباد میں بھارتی سفارتخانے کے ناظم الامور کی دفتر خارجہ طلبی۔ پاکستان کا شدید احتجاج
۔۔۔۔۔۔۔۔۔۔۔۔۔۔۔۔۔۔۔۔
پاک فوج کا تربیتی طیارہ گجرات کے قریب گر کر تباہ، آئی ایس پی آر کے مطابق حادثے میں انسٹرکٹر پائلٹ میجر عمر اور تربیتی پائلٹ لیفٹیننٹ فیضان شہید ہو گئے
۔۔۔۔۔۔۔۔۔۔۔۔۔۔۔۔۔۔۔۔
امریکا میں کورونا سے اموات کی تعداد بائیس ہزار سے بڑھ گئی، کورونا کیسز کی تعداد پانچ لاکھ ساٹھ ہزار سے زیادہ
۔۔۔۔۔۔۔۔۔۔۔۔۔۔۔۔۔۔۔۔
اٹلی میں کورونا سے ایک دن میں چار سو اکتیس افراد جان کی بازی ہار گئے۔ ہلاکتوں کی تعداد انیس ہزار نو سو تک پہنچ گئی، ایک لاکھ چھپن ہزار سے زائد کیسز
۔۔۔۔۔۔۔۔۔۔۔۔۔۔۔۔۔۔۔۔
اسپین میں مزید چھ سو سے زائد افراد کورونا کا شکار۔ ہلاکتوں کی تعداد سترہ ہزارسے بڑھ گئی ۔ ایک لاکھ انہتر ہزار سے زائد متاثر
۔۔۔۔۔۔۔۔۔۔۔۔۔۔۔۔۔۔۔۔
فرانس میں کورونا سے ایک دن میں پانچ سو اکسٹھ اموات، اب تک تعداد چودہ ہزار تین سو سے بڑھ گئی، جرمنی میں کیسز کی تعداد ایک لاکھ ستائیس ہزار سے زائد، تین ہزار سے زائد اموات
۔۔۔۔۔۔۔۔۔۔۔۔۔۔۔۔۔۔۔۔
برطانیہ میں کورونا سے ایک دن میں سات سو سینتیس ہلاکتیں ۔ تعداد دس ہزارچھ سو سے بڑھ گئی ۔ متاثرہ مریضوں کی تعداد چوراسی ہزارسے زائد
۔۔۔۔۔۔۔۔۔۔۔۔۔۔۔۔۔۔۔۔
کراچی میں لاک ڈاؤن جاری، شانتی نگر اور ڈالمیا میں یونین کونسلز کی کورونا سے متاثرہ گلیاں سیل، داخلی اور خارجی راستوں پر پولیس نے شامیانے لگا دئیے، دونوں راستوں پر پولیس اہلکار تعینات
۔۔۔۔۔۔۔۔۔۔۔۔۔۔۔۔۔۔۔۔
کورونا سے بچاؤ کے لیے لاہور شہر کے بارہ علاقے سیل۔ بیگم کوٹ، شاہدرہ ، رستم پارک ، گلشن راوی اور مغلپورہ کے علاقے شامل، پشاور میں پانچ مقامات کو چودہ روز کے لئے قرنطینہ قرار دیا گیا
۔۔۔۔۔۔۔۔۔۔۔۔۔۔۔۔۔۔۔۔
عالمی ادارہ صحت نے کورونا سے نمٹنے کے لیے سامان این ڈی ایم اے کے حوالے کردیا، چیئرمین این ڈی ایم اے کہتے ہیں حفاظتی امدادی سامان میں 15 ٹیسٹنگ مشینیں اور 15ہزار کٹس شامل ہیں، جہاں کورونا کیسز زیادہ ہوں گے وہاں سہولیات فراہم کریں گے
۔۔۔۔۔۔۔۔۔۔۔۔۔۔۔۔۔۔۔۔
پنجاب میں کورونا کے ڈھائی ہزار سے زائد کیسز، سندھ میں چودہ سو گیارہ کیسز، خیبر پختون خوا میں سات سو چوالیس اور بلوچستان میں دو سو تیس کیسز، اسلام آباد میں تعداد ایک سو اکتیس ہو گئی، گلگت بلتستان میں دو سو چوبیس اور آزاد کشمیر میں چالیس کیسز
۔۔۔۔۔۔۔۔۔۔۔۔۔۔۔۔۔۔۔۔
تعلیمی اداروں کی بندش کے باعث آن لائن کلاسز شروع کرنے کی حکمت عملی تیار، ٹیلی اسکول کا باقاعدہ آغاز چودہ اپریل سے ہو گا۔ وزیر اعظم عمران خان پاکستان کے پہلے ٹیلی اسکول چینل کا افتتاح کریں گے
۔۔۔۔۔۔۔۔۔۔۔۔۔۔۔۔۔۔۔۔
افغان حکومت نے طالبان کے تین سو سے زائد قیدی رہا کر دیئے، امریکی نمائندہ خصوصی برائے افغان امن عمل زلمے خلیل زاد نے کہا ہے کہ جیلوں میں کورونا وائرس پھیلنے کا خطرہ ہے، افغان حکومت اور طالبان کو قیدیوں کی رہائی کا عمل تیز کرنا چاہیے
۔۔۔۔۔۔۔۔۔۔۔۔۔۔۔۔۔۔۔۔
لاک ڈاؤن کے باعث لوٹ مار اور چوری کا ڈر، چرچ آف لندن نے لاکھوں پاؤنڈ مالیت کی نادر اشیا ٹاور آف لندن منتقل کر دیں
۔۔۔۔۔۔۔۔۔۔۔۔۔۔۔۔۔۔۔۔
یورپی ملک کریمیا میں کورونا کے خلاف جنگ لڑنے والے ڈاکٹروں پر پھولوں کی برسات، گوگل نے بھی اپنا ڈوڈل ڈاکٹروں کے نام کر دیا
۔۔۔۔۔۔۔۔۔۔۔۔۔۔۔۔۔۔۔۔
چین میں کورونا وائرس کا زور ختم ہونے کے بعد زندگی واپس لوٹنے لگی، ووہان میں شادی کی تقریب، لوگوں نے فیس ماسک پہن کر شرکت کی
۔۔۔۔۔۔۔۔۔۔۔۔۔۔۔۔۔۔۔۔
سابق انگلش کرکٹرز کیون پیٹرسن کی اوورز سیز پاکستانیوں سے وزیر اعظم فنڈ میں عطیات دینے کی اپیل، کہا مشکل کی اس گھڑی میں اپنے پاکستانی بھائیوں کا ساتھ دیں
۔۔۔۔۔۔۔۔۔۔۔۔۔۔۔۔۔۔۔۔
تائیوان میں کھیلوں کے مقابلے ہوں گے لیکن تماشائیوں کی بجائے ڈمیز کھلاڑیوں کا حوصلہ بڑھائیں گی، بیس بال ٹیم کے میچ کے لیے ڈمی تماشائی تیار
۔۔۔۔۔۔۔۔۔۔۔۔۔۔۔۔۔۔۔۔
لاک ڈاؤن میں کرکٹرز کی فٹنس کیسی ہے، پی سی بی نے نیا طریقہ کار وضع کر دیا، کھلاڑیوں کے فٹنس ٹیسٹ آن لائن ہوں گے، مختلف ورزشیں کروائی جائیں گی
۔۔۔۔۔۔۔۔۔۔۔۔۔۔۔۔۔۔۔۔
کورونا وائرس جوتوں کے ذریعے بھی پھیلتا ہے، امریکی ڈزیز کنٹرول پروگرام کے مطابق جوتوں کے ذریعے لوگ وائرس گھر لے جا سکتے ہیں، جوتے اور پاؤں دھونا بھی ضروری
۔۔۔۔۔۔۔۔۔۔۔۔۔۔۔۔۔۔۔۔
شاہی حیثیت چھوڑنے والے شہزادہ ہیری شاہی القابات سے بھی دستبردار، لاس اینجلس میں رہائش کے لیے کاغذات تیار، نام کے ساتھ ہز ہائی نس اور ماؤنٹ بیٹن ونڈسر کے الفاظ استعمال نہیں کئے
۔۔۔۔۔۔۔۔۔۔۔۔۔۔۔۔۔۔۔۔
مہوش حیات کہتی ہیں، لاک ڈاون کی وجہ سے سب کو گھر پر رہنے اور فیملی کے ساتھ وقت گزارے کا وقت ملا،،، خوبرو اداکارہ، ہم نیوز کے مارننگ شو صبح سے آگے کی بنیں مہمان،،، گھر پر اپنی مصروفیات کا بتایا اور گانا بھی گا کر سنایا۔
۔۔۔۔۔۔۔۔۔۔۔۔۔۔۔۔۔۔۔۔
ہالی وڈ کے پہلوان سپراسٹار فلم” جیک ریچر” کے مداح نکلے ، دی راک نے کہا کہ وہ یہ رول ادا کرنا چاہتے تھے ، جیک ریچر 2012 میں ریلیز ہوئی تھی، فلم میں مرکزی کردار ٹام کروز نے ادا کیا تھا
۔۔۔۔۔۔۔۔۔۔۔۔۔۔۔۔۔۔۔۔
یہ بھی پڑھیے
نام ور سرائیکی شاعر مشتاق سبقت انتقال کر گئے
نیشنل پریس کلب کے انتخابات، جرنلسٹ پینل نے میدان مارلیا، اظہر جتوئی صدر منتخب
ملتان یونین آف جرنلسٹس کے سالانہ انتخابات میں "پروفیشنل جرنلسٹس گروپ” نے میدان مار لیا،