11اپریل2020:آج پاکستان اور دنیا بھر میں کیا ہوا؟

کراچی کے ضلع شرقی میں کورونا وائرس کے مسلسل بڑھتے کیسز،، گیارہ یونین کونسلز کو،، سیل کردیا گیا۔ ان علاقوں میں کسی کو آنے جانے کی اجازت نہیں۔ ترجمان سندھ حکومت کہتے ہیں گیارہ یوسیز سے ایک سو انچاس کیسز سامنے آئے۔ ان علاقوں میں اموات بھی زیادہ ہوئیں۔ سندھ میں لاک ڈاون میں نرمی یا توسیع کا فیصلہ ابھی نہیں ہوا

۔۔۔۔۔۔۔۔۔۔۔۔۔۔۔۔۔۔۔۔۔

وزیر اعلیٰ سندھ مراد علی شاہ کہتے ہیں،، سندھ میں کورونا وائرس کے کیسز کی اوسط،، دنیا بھر میں سب سے زیادہ ہے۔ صوبے میں ایک دن میں ایک سو چار کیسز سامنے آئے۔  جو  مجموعی ٹیسٹ کا بیس فیصد ہے۔ وزیراعلیٰ سندھ بولے،،  لاک ڈاؤن پر عمل نہ ہونے سے صورت حال بہت خراب ہو رہی ہے

۔۔۔۔۔۔۔۔۔۔۔۔۔۔۔۔۔۔۔۔۔

پاکستان میں کورونا وائرس کے مزید چھے مریض دم توڑ گئے۔ ملک بھر میں ہلاکتوں کی تعداد ستتر ہوگئی۔ کیسز کی تعداد چار ہزار نو سو کے قریب پہنچ گئی ہے

۔۔۔۔۔۔۔۔۔۔۔۔۔۔۔۔۔۔۔۔۔

کورونا کے دنیا بھر میں سترہ لاکھ پندرہ  ہزار سے زائد کیسز ہوگئے، ایک لاکھ ساڑھے تین ہزارسے زائد اموات، امریکا میں سب سے زیادہ پانچ لاکھ تین ہزار کیسز، امریکا میں ہلاکتوں کی تعداد اٹھارہ ہزار سات سو سے بڑھ گئی

۔۔۔۔۔۔۔۔۔۔۔۔۔۔۔۔۔۔۔۔۔

بھارت کی طرف سے ایل او سی پر سیز فائر معاہدے کی مسلسل خلاف ورزی، ڈی جی آئی ایس پی آر کے مطابق بھارتی فائرنگ سے لڑکی سمیت دو افراد زخمی ہوئے، چوبیس گھنٹوں میں بلااشتعال بھارتی فائرنگ سے چھ افراد زخمی ہو چکے ہیں، بھارت شہری آبادی کو جان بوجھ کر نشانہ بنا رہا ہے

۔۔۔۔۔۔۔۔۔۔۔۔۔۔۔۔۔۔۔۔۔

بھارت نے سیکریٹری جنرل اقوام متحدہ انتونیو گوئترس کی جنگ بندی کی ہدایات کو ہوا میں اڑا دیا، سیکریٹری جنرل نے کورونا بحران کے دوران جنگ بندی کی اپیل کی تھی، اپنی ٹویٹ میں شہری آبادی کو نشانہ بنانے کی بھی مذمت کی تھی

۔۔۔۔۔۔۔۔۔۔۔۔۔۔۔۔۔۔۔۔۔

بھارت نے دو ہزار انیس میں تین ہزار تین سو سے زائد بار سیز فائر معاہدے کی خلاف ورزی کی، دو ہزار اٹھارہ میں تین ہزار اور دو ہزار سترہ میں اٹھارہ سو سے زائد بار بلا اشتعال فائرنگ کی، وزیر خارجہ شاہ محمود قریشی کہتے ہیں بھارتی اشتعال انگیزی میں مسلسل اضافہ ہو رہا ہے، مودی حکومت لاک ڈاؤن سے توجہ ہٹانے کے لیے ایسے اقدامات کر رہی ہے

۔۔۔۔۔۔۔۔۔۔۔۔۔۔۔۔۔۔۔۔۔

شہزاد ارباب کو وزیراعظم کا معاون خصوصی برائے اسٹیبلشمنٹ مقرر کردیا گیا۔ ان کا عہدہ وفاقی وزیر کے برابر ہوگا۔ شہزاد ارباب کو اس لیے ہٹایا گیا تھا کہ بابر اعوان کو وزیراعظم کے مشیر برائے پارلیمانی امور مقرر کیاجاسکے۔

۔۔۔۔۔۔۔۔۔۔۔۔۔۔۔۔۔۔۔۔۔

چیئرمین پیپلز پارٹی بلاول بھٹو کہتے ہیں کورونا سے نمٹنے کے لیے صوبے اپنے طور پر کام کر رہے ہیں، وفاق سے صوبوں کو بہت کم مدد مل رہی ہے، کورونا سے نمٹنے کے لیے دنیا کے امیر ملکوں کو غریب ملکوں کی مدد کرنا ہو گی

۔۔۔۔۔۔۔۔۔۔۔۔۔۔۔۔۔۔۔۔۔

گورنر سندھ عمران اسماعیل کہتے ہیں یوٹیلیٹی بلز معاف کرنے کا تعلق وفاق سے ہے، سندھ حکومت کا آرڈیننس ابھی میرے پاس نہیں آیا، آرڈیننس کے ڈرافٹ پر بھی یقین نہیں، پنجاب میں کورونا کے ٹیسٹ زیادہ ہوئے،اس لیے کیس بھی زیادہ آئے

۔۔۔۔۔۔۔۔۔۔۔۔۔۔۔۔۔۔۔۔۔

سندھ حکومت نے پلازما تھراپی کے ذریعے کورونا کا علاج ممکن بنانے کے لیے کمیٹی قائم کر دی، ڈاکٹر طاہر شمسی سمیت آٹھ ماہرین شامل، کمیٹی پلازما کی دستیابی اور علاج کے طریقہ کار سے متعلق سفارشات دے گی

۔۔۔۔۔۔۔۔۔۔۔۔۔۔۔۔۔۔۔۔۔

خیبر پختون خوا حکومت کورونا سے متاثرہ صحافی کا علاج خود کرائے گی، صحافی کے انتقال پر لواحقین کو دس لاکھ روپے ملیں گے، مشیر اطلاعات خیبر پختون خوا اجمل وزیر کہتے ہیں صحافیوں میں ایک ہزار سینی ٹائزر، ساڑھے سات سو ماسک اور حفاظتی لباس دیئے گئے ہیں۔

۔۔۔۔۔۔۔۔۔۔۔۔۔۔۔۔۔۔۔۔۔

اٹلی میں کورونا وائرس مزید پانچ سو ستر جانیں نگل گیا، اموات کی تعداد اٹھارہ ہزار آٹھ سو سے بڑھ گئی، ایک لاکھ سینتالیس ہزار سے زائد مریض، سوئٹزر لینڈ میں ایک ہزار سے زائد ہلاکتیں

۔۔۔۔۔۔۔۔۔۔۔۔۔۔۔۔۔۔۔۔۔

اسپین میں کورونا کے ایک لاکھ اٹھاون ہزار سے زائد کیسز، ایک دن میں مزید چھ سو چونتیس ہلاکتیں، مجموعی طور پر مہلک وائرس سے سولہ ہزار سے زائد اموات

۔۔۔۔۔۔۔۔۔۔۔۔۔۔۔۔۔۔۔۔۔

چین سے مزید پچاس وینٹی لیٹرز پاکستان پہنچ گئے، دفتر خارجہ کے مطابق پی آئی اے کا خصوصی جہاز سامان لے کر پہنچا، اڑسٹھ ہزار سے زائد میڈیکل اور ایک لاکھ ساٹھ ہزار نان میڈیکل ماسک، حفاظتی لباس اور سینیٹائزر بھی شامل

۔۔۔۔۔۔۔۔۔۔۔۔۔۔۔۔۔۔۔۔۔

چیئرمین این ڈی ایم اے نے کہا ہے کہ چین سے آنے والا سامان تمام صوبوں کو فراہم کریں گے، کورونا ٹیسٹنگ کی صلاحیت بڑھا رہے ہیں، آرمی چیف نے گیارہ آرمی لیبارٹریز بھی ٹیسٹنگ کیلئے دی ہیں،ٹیسٹنگ کٹس اور مشینوں کی کوئی کمی نہیں

۔۔۔۔۔۔۔۔۔۔۔۔۔۔۔۔۔۔۔۔۔

بلدیہ عظمیٰ کراچی کو مالی بحران کا سامنا، پینشن کی ادائیگی روک دی گئی ، میئر کراچی وسیم اختر کہتے ہیں پانچ ہزار سے زائد پنشنرز کے لیے ساڑھے تین ارب روپے درکار ہیں

۔۔۔۔۔۔۔۔۔۔۔۔۔۔۔۔۔۔۔۔۔

معاون خصوصی فردوس عاشق اعوان کہتی ہیں احساس پروگرام وزیراعظم کے وژن کا عکاس ہے، احساس کیش ایمرجنسی پروگرام کے تحت ریاست عوام کےحقوق کا تحفظ کررہی ہے، ریاست نے نادارطبقے کی کفالت کا بیڑا اٹھایا ہے

۔۔۔۔۔۔۔۔۔۔۔۔۔۔۔۔۔۔۔۔۔

گورنر سندھ عمران اسماعیل کا گورنر ہاؤس میں قائم کورونا کمانڈ اینڈ کنٹرول سینٹر کا دورہ، گورنر سندھ کو کال سینٹر اور راشن کی تقسیم پر بریفنگ دی گئی

۔۔۔۔۔۔۔۔۔۔۔۔۔۔۔۔۔۔۔۔۔

دنیا بھر میں تین لاکھ اٹھہتر ہزار سے زائد افراد کورونا سے صحت یاب، چین میں ستتر ہزار، اسپین میں پچپن ہزار اور جرمنی میں ترپن ہزار سے زائد مریض صحت یاب، اٹلی میں تیس ہزار، امریکہ میں ستائیس ہزاراور ایران میں پینتیس ہزار سے زائد مریض ڈسچارج

۔۔۔۔۔۔۔۔۔۔۔۔۔۔۔۔۔۔۔۔۔

فرانس میں کورونا سے مزید نو سو ستاسی افراد چل بسے، مجموعی طور پر تیرہ ہزار سے زائد ہلاکتیں، ایک لاکھ چوبیس ہزار سے زائد مریض

۔۔۔۔۔۔۔۔۔۔۔۔۔۔۔۔۔۔۔۔۔

برطانیہ میں کورونا مزید نو سو اسی جانیں نگل گیا، نو ہزار کےقریب اموات، وائرس کے مریضوں کی تعداد تہتر ہزار سے بڑھ گئی، وزیر اعظم بورس جانسن کی حالت میں مزید بہتری، چہل قدمی بھی کی

۔۔۔۔۔۔۔۔۔۔۔۔۔۔۔۔۔۔۔۔۔

جرمنی میں کورونا کے ایک لاکھ بائیس ہزار سے زائد مریض، ستائیس سو سے زائد افراد چل بسے

۔۔۔۔۔۔۔۔۔۔۔۔۔۔۔۔۔۔۔۔۔

کشمور میں دس سالہ بچی سے پینتالیس سالہ شخص کی شادی کی کوشش، نکاح خواں گرفتار، لڑکی کے والد اور دولہا کے خلاف مقدمہ درج

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لاہور کے علاقے اچھرہ میں اسلحے کی نمائش کرنے والا گرفتار، ملزم کی ویڈیو کچھ روز قبل سوشل میڈیا پر شیئر کی گئی تھی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا کے مشتبہ مریض قرنطینہ کی خلاف ورزی تو نہیں کر رہے؟ جنوبی کوریا نے خصوصی رسٹ بینڈ تیار کر لئے، قرنطینہ میں رہنے والے ہر شخص کو بینڈ لازمی پہننا ہو گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ناسا نے سورج کی قریب ترین اور سب سے واضح تصاویر حاصل کر لیں، سورج کے ارد گرد گیسوں کا ہالہ، گیسیں تین سو گیارہ میل فی گھنٹہ کی رفتار سے سفر کرتی ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا کو خود سے دور رکھنے کا واحد طریقہ احتیاط ، اپنے اور اپنے پیاروں کی خاطر گھر پر رہیں، مجبوری کی حالت میں باہر نکلنا پڑے تو ماسک پہنیں، ہاتھ صابن یا سینیٹائزر سے بار بار صاف کریں، چہرے اور ماسک کو بالکل نہ چھوئیں، دوسروں سے کم از کم چھ فٹ کا فاصلہ برقرار رکھیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ٹیسٹ کرکٹر محمد یوسف کہتے ہیں لاک ڈاؤن کے باوجود اپنی صحت کا خیال رکھیں، گھر میں رہیں اور ورزش سے خود کو تندرست رکھیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وسیم اکرم نے بیلن چلایا،، کھانا پکایا ۔ دنیا کو سکھایا۔بیگم شنیرا نے دنیا بھر کو دکھایا ۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مقبول گلوکار احمد رشدی کو مداحوں سے بچھڑے سینتیس برس بیت گئے، احمد رشدی نے تین دہائیوں تک فلم نگری پر راج کیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اسٹیج اور ٹی وی کے معروف کامیڈین مستانہ کی برسی، مستانہ نے چار دہائیوں تک اسٹیج پر قہقہے بکھیرے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا وائرس کی روک تھام کے لیے ایپل اور گوگل مل کر کام کریں گے، کورونا سے متاثرہ شخص سے رابطے پر الرٹ جاری کیا جائے گا، ٹیکنالوجی موبائل ایپ کے ذریعے کام کرے گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

حفاظتی ماسک کے باعث مریضوں کو اپنے مسکراتے چہرے کیسے دکھائیں؟ امریکا میں طبی عملے نے اپنی مسکرائی ہوئی تصاویر حفاظتی لباس پر لٹکا لیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا سے پریشان شہریوں کے لیے سجاد علی کا سریلا گیت، اپنا گانا لاک ڈاؤن کے دوران گھر میں بیٹھے پرستاروں کے نام کر دیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

طاہر شاہ کی میوزک میں پھر اینٹری،، نیا گانا "فرشتہ "پیش کردیا ،،طاہر شاہ نے اپنے پرانے گانے” اینجل "کو نیا بنا کر پیش کیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ڈر کا گھروں پر کنٹرول،،، ہالی وڈ کی ہارر فلم کا ڈی وی ڈی پر بھی شاندار بزنس،، اٹ چیپٹر 2 ارب سے زائد کما لئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ویب ڈیسک

See author's posts