زیر نظر تصویر اڄوکی خطرناک وباء کرونا وائرس سانگے حکومتی ہیلپ لائین دی بابت ھے جیندے وچ 7 زبانیں وچ معلومات حاصل کر سکدو، ٹھیک ھے اے حکومت دا ھک چنگا اقدام ھے پر سرائیکی نال وانجھ کیوں، 7زباناں شامل تھی سکدن تاں سرائیکی کیوں نی شامل تھی سکدی،حالیہ متناضہ مردم شماری دے ـمطابق وی سرائیکی زبان ملک دی وݙی زبانیں وچ شمار ھے جیکر 2%تے 3%فیصد ھووݨ والی زباناں کو تسلیم کیتا ویندے تاں آخر کیوں ہر سطح تے سرائیکی نال وانجھ کیتی ویندی ھے
2018 دا الیکشن تحریک انصاف سانگے سیاسی عروج ھا اور اے عروج جیکر سرائیکی وسیب دا احسان نہ ھووے ھا تاں کݙھیں وی نہ مل سکے ھا،
ایہا انصافی ٹولا 2018 وچ سرائیکی اجرکاں پا شکلاں بدل بدل تے سرائیکی وسیب دے وچ معاہدے قسماں تے وعدے کریندا ودا ھا جو اساکو ووٹ ݙیو تے صوبہ گھنو، سرائیکی دے سارے حقوق ھک ووٹ پرے ھے،
تے سرائیکی وسیب ایں جھانسے وچ آ اپݨے ووٹاں دا انبار لا ݙتا تحریک انصاف سانگے،،
پر بد قسمتی سرائیکی وسیب دی اوہو پراݨے لٹیرے ویس بدلی کیتی ودے ھن. جیویں کرسی ملی اکھیں بدلݨ دیر نہ کیتی، کیݙے گے معاہدے، قسماں تے وعدے،گالھ انج مکمل صوبے تو تو ٹر کے سیکرٹرٹ تک آئی ولا ڄاݨ ٻجھ تے تونسہ، ملتان تے بہاولپور والا تناضہ کیتا!! اور ھݨ تاں سرائیکی دا ناں انھا کو زہر قاتل لگدے جیکر کئی بھل تے انھیں کو وعدے معاہدے یاد کراوے چا تاں او بندا انھاں کو ملک دشمݨ لگدے، جیکر زیادہ دھاڑ پٹ کرو تاں
اوہو پراݨے رٹے ھوے سبق، اوہو پراݨی مـنافقت اوٻا راضی کینھی فلاݨا راضی کینھی،
کیا ساریاں کو راضی کرݨ دا ٹھیکہ سرائیکی وسیب نے چاتے، اپݨےزاتی مفاد سانگے تاں حکومت ساری پارٹیا کو نال رلا گھندی ھے سرائیکی صوبے سانگے کہی موت آندی ھے ولا
جیکر صوبے واسطے pti کنے اکثریت کینھی تے ولا حکومت کرݨ سانگے اکثریت کتھو آ ڳئی ھے، جیکر انصافی سرکار صوبے سانگے قانون سازی نی کر سگدی تاں پورے ملک کیتے کیویں قانون سازی کریندی ھے
کتھ ھن او منصف جیہڑے صادق تے امین دے ساٹیفکٹ ݙیندن،،
کیا اوجھے منصف کو سرائیکی قوم نال کرݨ والے کوڑے وعدے تے معاہدے آلا ٹولا اڄݨ وی صادق تے امین لگدے،
کیا آئین پاکستان کوڑے تے منافق حکمران دی اجازت ݙیندے یا ولا ہر حکومت سانگے انج انج نظریہ ضرورت والا قانون ھوندے، اور منصف چڑھدے سجھ کو سلام کریندے،
سرائیکی وسیب تے سرائیکی زبان نال وانجھ ھݨ زیادہ دیر نی چل سکدی، جیکر سرائیکی قوم جمہوری طریقے نال ملک دے حکمران بݨا سگدی ھے تاں انھیں حکمرانیں کو ایں جمہوری طریقے نال زلیل وی کر سکدی ھے،
سرائیکی نال ایویں وانجھ تے تعصب رہ گیا تاں موجودہ حکمران وی جلد لندن تے دبئی علاج کراوݨ دے بہانے گولیندے ودے ھوسن،،،،،،
یہ بھی پڑھیے
مقدمہ سرائیکستان||کرن لاشاری
چولستان پر قبضہ اور روہیلوں کی ہجرت۔۔۔کرن لاشاری
دیرہ اسماعیل خان، تکمیل سرائیکستان۔۔۔کرن لاشاری