وزیراعظم عمران خان مہانگ گھٹ کرنڑ تے عوام کوں ریلیف ڈیونڑ کیتے پرعزم ہن ، ڈاکٹر فردوس
عاشق اعوان دا ٹویٹ
اسلام آباد ۔ 2 مارچ (اے پی پی) وزیراعظم دی معاون خصوصی اطلاعات و نشریات ڈاکٹر فردوس
عاشق اعوان آکھیے جو وزیراعظم عمران خان مہانگ گھٹ کرنڑ تے عوام کوں ریلیف ڈیونڑ کیتے
پرعزم ہن ، انہاں دے عملی اقدامات دے ثمرات عوام تئیں پجاونڑ شروع تھی گن ، سی پی آئی دے مطابق
خوراک دیاں قیمتاں اچ واضح کمی ڈیکھنڑ اچ آئی اے، کھاونڑ پیونڑ دیاں چیزاں دیاں قیمتاں اجوکے سال
جنوری دی 14.6 فیصد دی شرح دے مقابلے اچ گھٹ تھی تے فروری اچ 12.4 فیصد تھی گیاں ۔سنوار
کوں اپنڑے ٹویٹ اچ انہان آکھیے جو وزیراعظم عمران خان مہانگ گھٹ کرنڑ تے عوام کوں ریلیف
ڈیونڑ کیتے پرعزم ہن ۔ معاون خصوصی ڈاکٹر فردوس عاشق اعوان آکھیے جو شہری علاقیں اچ کھاونڑ
پیونڑ دیاں شنہیں دیاں قیمتاں 13.4 فیصد (جنوری) توں کم تھی تے 11.2 فیصد (فروری) تھی گیاں
،دیہاتی علاقیں اچ16.3فیصد توں گھٹ تھی گے 14.2 فیصد تے آگی اے ، اے کمی روزانہ کھاونڑ پیونڑ
دیاںضروری چیزاں دیاں قیمتاں اچ ڈیکھنڑ اچ آئی اے جیں دا براہ راست فائدہ عوام کوں پجدا پئے ۔انہاں
آکھیے جو کھاونڑ پیونڑ دیاں چیزاں دیاں قیمتاں جنوری اچ 19.5 فیصد ہن جیرھیاں جو فروری اچ گھٹ
تھی گے 15.2فیصد تھی گن کھاونڑ پیونڑ توں ہٹ تے بیاں ضروری چیزاں دیاں قیمتاں ڈبل توں سنگل
ڈیجیٹ اچ آگن ، مارچ اچ قیمتاں مزید گھٹ تھیونڑ دا امکان اے۔
چیئرمین سینیٹ دی بلوچ کلچر ڈے تے مبارخ باد
اسلام آباد ۔ 02مارچ (اے پی پی) چیئرمین سینیٹ محمد صادق سنجرانی پاکستان اتے دنیا اچ وسنڑ آلے
بلوچاں کوں بلوچ کلچر ڈے تے مبارخ ڈتی اے ۔ اپنڑے پیغام اچ انہاں آکھیے جو بلوچ ثقافت امن دی
ثقافت اے اتے اساکوں امن تے سلامتی دا پیغام عام کرنڑاں اے ۔انہاں بین الثقافتی ہم آہنگی تے زور ڈتا
تے آکھیا جو ترقیاتی عمل کوں تکھے کرنڑ کیتے سارے گروہاں کوں قومی ترقی دے مرکزی دھارے اچ
رلاونڑ بہوں اہم اے ۔ انہاں ساریاں طاقتاں تے زور ڈتا جو رل تے مسئلے حل کرنڑ کیتے کوششاں کیتیاں
ونجن ۔انہاں آکھیے جو بلوچ کلچر اچ محبت اتے حب الوطنی نشابر اے اتے احترام دی واضح روایات
موجود ہن۔ انہاں آکھیا جو ایں ڈینھ دی مناسبت نال اساکوں ایں عہد دی تجدید کرنڑیں ہوسی جو اساں
پاکستان تے خصوصاً بلوچستان دی ترقی اتے خوشحالی کیتے اپنڑاں بھرپور کردار ادا کریسوں ۔
آندے 24گھنٹے ملک اچ موسم رکھا رہنڑ دا امکان اے ، محکمہ موسمیات
اسلام آباد ۔ 2 مارچ (اے پی پی) محکمہ موسمیات آکھیے جو 24 گھنٹے اچ ملک دیاں بہوں
ساریاں جہیں تے موسم رکھا جڈاں جو اتلے علاقیں اچ ٹھڈا رہنڑ دا امکان اے شمالی بلوچستان اچ کجھ
جہیں تے مینھ وسنڑدا وی امکان اے ۔ رپورٹ دے مطابق گزریل 24 گھنٹے اچ ملک دے بہوں سارے
علاقیں اچ موسم رکھا رہیا تاں جو کشمیر تے کاکول اچ کجھ جہیں تے مینھ وسیا تے ایں دوران کاکول تے
ٹنڈالی اچ ہک ملی میٹر مینھ وسیا ۔سنوار کوں ریکارڈ کیتے گے گھٹ توں گھٹ درجہ حرارت دی
رپورٹ دے مطابق کالام اچ درجہ حرارت منفی 3 ڈگری سینٹی گریڈ، استور منفی 2 ،گوپیس صفر،
اسکردو، بگروٹ ، راولاکوٹ اتے قلات اچ ہک ڈگری سینٹی گریڈ ریکارڈ کیتا گے ۔
سینیٹ دی قائمہ کمیٹی ہاوسنگ اینڈ ورکس دا اجلاس (کل) تھیسی
اسلام آباد ۔ 02مارچ (اے پی پی) سینیٹ دی قائمہ کمیٹی برائے ہاوسنگ اینڈ ورکس دا اجلاس (کل) بدھ
کوں تھیسی ۔ اجلاس سینیٹر میر کبیر احمد محمد شاہی دی صدارت اچ اولڈ پی آئی پی ایس ہال پارلیمنٹ
لاجز اسلام آباد اچ تھیسی ۔ سنوار کوں سینیٹ سیکرٹریٹ توں جاری بیان دے مطابق کمیٹی کوں اجلاس
اچ فیڈرل گورنمنٹ ائمپلائز ہاوسنگ اتھارٹی دے اعلان کیتے گے تے جاری منصوبیں بارے تفصیلی
بریفنگ ڈتی ویسی ۔کمیٹی کوں اےے گال وی ڈسائی ویسی جو انہاں منصوبیں دی موجودہ صورت حال
کیا اے ،انہاں منصوبیں تے کتنی لاگت آسی تے کڈاں تئیں منصوبے پورے تھیسن ۔
پاکستان ہاﺅسنگ اتھارٹی لاہور اچ 9 رہائشی منصوبے پورے کیتن
اسلام آباد ۔ 2 مارچ (اے پی پی) پاکستان ہاﺅسنگ اتھارٹی لاہوراچ 9 رہائشی منصوبے مکمل کرگھدن،
انہاں اچ بی، سی، ڈی اتے ای ٹائپ اپارٹمنٹس شامل ہن ۔ اتھارٹی دے ذرائع دے مطابق لاہور اچ 534 ڈی
ٹائپ اپارٹمنٹس تعمیر کیتے گن تے160 بی ٹائپ اپارٹمنٹس بنڑائے گن جڈاں جو سی ٹائپ دے 112
اپارٹمنٹس دی تعمیر مکمل کیتی گی اے ۔ اتھاں ای ٹائپ دے60 اپارٹمنٹس تعمیر کیتے گن ۔ اتھارٹی دے
ذرائع ڈسائے جو پورے تھیونڑ آلے انہاں منصوبیں اچ 18دکاناں وی شامل ہن ۔
مختلف وزارتاں اتے ڈویژناںدے ترقیاتی منصوبیں کیتے ہنڑ تئیں 4 کھرب 64 ارب 70کروڑ 64 لکھ
روپے دے فنڈز جاری
اسلام آباد ۔ 2 مارچ (اے پی پی) وزارت منصوبہ بندی، ترقی و اصلاحات سرکاری شعبے دے ترقیاتی
کماں دے سلسلے اچ مختلف وزارتاں اتے ڈویژناںدے ترقیاتی منصوبیں کیتے مجموعی طور تے ہنڑ تئیں
4 کھرب 64 ارب 70کروڑ 64 لکھ روپے توں ودھ دے فنڈز جاری کرڈتن ، حکومت سرکاری شعبے
دے ترقیاتی کماں کیتے اجوکے مالی سال کیتے9 کھرب 25 ارب روپے دے فنڈز مختص کر رکھین ۔
پلاننگ کمیشن دے اعداد وشمار دے مطابق حکومت خیبر پختونخوا اچ ضم شہد ضلعیں دے 10سالہ
ترقیاتی پلان دے تحت 23 ارب، خیبر پختونخوا اچ ضم شدہ ضلعیں کیتے 9 ارب 68 کروڑ31لکھ،
سکیورٹی اچ ودھارے کیتے 38 ارب45 کروڑ، پرائم منسٹر یوتھ ہنر مند پروگرام کیتے ہک ارب51
کروڑ 62 لکھ، ایرا کیتے 3 ارب 42کروڑ 51 لکھ، عارضی طور تے بے گھر تھیونڑ آلے لوکاں دی
بحالی کیتے 5 ارب، گلگت بلتستان بلاک کیتے 13ارب 4کروڑ، اے جے کے بلاک کیتے21 ارب 16
کروڑ، این ایچ اے کیتے ہک کھرب 45 ارب، این ٹی ڈی سی (پیپکو) کیتے 12 ارب61 کروڑ، واٹر
ریسورس ڈویژن کیتے 52 ارب 60 کروڑ، ٹیکسٹائل انڈسٹری ڈویژن کیتے 8کروڑ 11 لکھ، سائنس اینڈ
ٹیکنالوجیکل ریسرچ ڈویژن کیتے 2 ارب11کروڑ، ریونیو ڈویژن کیتے 4 ارب24 کروڑ، ریلویز
ڈوےژن کیتے 10 ارب14 کروڑ، پاورٹی ڈویژن کیتے 8 کروڑ، پلاننگ کمیشن کیتے 93 کروڑ 16 لکھ،
پٹرولیم ڈویژن کیتے 29کروڑ 32 لکھ، پاکستان نیوکلیئر اتھارٹی کیتے22 کروڑ94 لکھ، قومی تاریخ
وادبی ورثہ ڈویژن کیتے12 کروڑ48 لکھ ، ملک اچ صحت دیاں سہولتاں بہتر بنڑاونڑ کیتے 7 ارب 13
کروڑ، نیشنل فوڈ سکیورٹی ریسرچ ڈویژن کیتے 8 ارب 16کروڑ، نارکوٹکس ڈویژن کنٹرول کیتے 5
کروڑ 85 لکھ، میری ٹائم افیئرڈویژن کیتے 54 کروڑ 72 لکھ، لاءجسٹس ڈویژن کیتے 64 کروڑ 91 لکھ،
داخلہ ڈویژن کیتے6 ارب8 کروڑ 71 لکھ، بین الصوبائی رابطہ ڈویژن 22 کروڑ 22 لکھ، انفارمیشن
ٹیکنالوجی اتے ٹیلی کام ڈویژن کیتے 3 ارب 1کروڑ، انفارمیشن اینڈ براڈکاسٹنگ ڈویژن کیتے 20 کروڑ
84 لکھ، صنعت وپیداوار ڈویژن کیتے73کروڑ19 لکھ، انسانی حقوق ڈویژن کیتے 12کروڑ70 لکھ،
ہاﺅسنگ اینڈ ورکس ڈویژن کیتے 2 ارب 22 کروڑ، ہائر ایجوکیشن کمیشن کیتے 22ارب 70 کروڑ 99
لکھ، فارن افیئرز ڈویژن ہک کروڑ 99 لکھ، فنانس ڈویژن کیتے 6 ارب 83 کروڑ، وفاقی تعلیم و پیشہ
وارانہ تربیت ڈویژن کیتے 2 ارب 19کروڑ، اسٹیبلشمنٹ ڈویژن کیتے 10 کروڑ 19 لکھ، ڈیفنس
پروڈکشن ڈویژن کیتے ہک ارب 36 کروڑ، ڈیفنس ڈویژن کیتے 25 کروڑ 15 لکھ، کمیونیکیشن ڈویژن
کیتے15 کروڑ 3 لکھ، موسمیاتی تبدیلی ڈویژن کیتے6 ارب 4 کروڑ، کامرس ڈویژن کیتے 5 کروڑ،
کابینہ ڈویژن کیتے30 ارب 17 کروڑ57 لکھ، سرمایہ کاری بورڈ کیتے8کروڑ، ایوی ایشن ڈویژن کیتے
ہک ارب 64کروڑ 18 لکھ روپے سمیت مختلف ترقیاتی منصوبیں کیتے فنڈز جاری کرڈتے گن ۔
کابینہ ڈویژن کیتے ہنڑ تئیں 30 ارب 17 کروڑ 57 لکھ دے فنڈزجاری
اسلام آباد ۔ 2 مارچ (اے پی پی) وزارت منصوبہ بندی، ترقی و اصلاحات نے سرکاری شعبے کے
ترقیاتی پروگراموں میں کابینہ ڈویژن کے لئے مجموعی طور پر اب تک 30 ارب 17 کروڑ 57 لاکھ کے
فنڈزجاری کردیئے ہیں، حکومت نے ڈویژن کے ترقیاتی کاموں کے لئے رواں مالی سال کے لئے 39
ارب 98 کروڑ 64 لاکھ روپے کے فنڈز مختص کئے ہیں۔ پلاننگ کمیشن کے جاری اعداد وشمار کے
مطابق حکومت نے راولپنڈی میں 200 بستروں پر مشتمل گائناکالوجی سنٹر کے قیام کے لئے ایک ارب
26 کروڑ 33 لاکھ، کراچی میں گرین لائن بس ریپڈ ٹرانزٹ سسٹم کے لئے 2 ارب 75 لاکھ، کراچی میں
فلائی اوورز کی تمعیر کے لئے 89 کروڑ 32 لاکھ، کراچی پیکج کے تحت منگھو پیر روڈ کی تعمیر کے
لئے ایک ارب 11 کروڑ 88 لاکھ، کراچی پیکج کے تحت کے ایم سی کی فائر فائٹنگ کی اپ گریڈیشن
اور بحالی کے لئے 85کروڑ 50 لاکھ، پائیدار ترقیاتی اہداف کے حصول کے لئے 22 ارب روپے سے
زائد کے فنڈز جاری کردیئے ہیں۔
کمیونیکیشن ڈویژن کے لئے مجموعی طور پر 15کروڑ 3 لاکھ 22 ہزارکے فنڈزجاری
اسلام آباد ۔ 2 مارچ (اے پی پی) وزارت منصوبہ بندی، ترقی و اصلاحات نے سرکاری شعبے
کے ترقیاتی پروگراموں میں کمیونیکیشن ڈویژن کے لئے مجموعی طور پر اب تک 15کروڑ 3 لاکھ 22
ہزارکے فنڈزجاری کردیئے ہیں، حکومت نے پی اے ای سی کے ترقیاتی کاموں کے لئے رواں مالی سال
کے لئے 24 کروڑ 83 لاکھ روپے کے فنڈز مختص کئے ہیں۔ پلاننگ کمیشن کے جاری اعداد وشمار
کے مطابق حکومت نے این ٹی آر سی ایکسیڈنٹ ڈیٹا کے لئے ایک کروڑ، گوادر میں ایس ایس پی آفس
ہیڈکوارٹرز کی تعمیر کے لئے 4 کروڑ 46 لاکھ، این ٹی آر سی ایکسل لوڈ سروے پروگرام کے لئے 70
لاکھ، این ٹی آرسی پرمانینٹ ٹریفک کاﺅنٹ پروگرام کے لئے 93 لاکھ، پاکستان میں سٹڈی آف فریٹ
ٹرانسپورٹ کے لئے ایک کروڑ 16 لاکھروپے سے زائد کے فنڈز جاری کردیئے ہیں۔
ڈائریکٹر جنرل لائیوسٹاک اینڈ ڈیری ڈویلپمنٹ دی ہدایت تے چاروٹرنری آفیسرز دے تبادلے
ملتان ۔02 مارچ (اے پی پی)ڈائریکٹر جنرل لائیوسٹاک اینڈ ڈیری ڈویلپمنٹ لاہور دی ہدایت تے ملتان
ڈویژن اچ تعینات چاروٹرنری آفیسرز کوں ترائے مہینے دی بنیاد تے سلاٹرہاﺅس سپریٹنڈنٹ تعیناتی دے
احکامات جاری کرڈتن ۔ وٹرنری آفیسر الپہ ڈاکٹرجواد نذیر کوں 30اپریل تئیں جڈاں جو مخدوم رشید دے
وٹرنری آفیسر ڈاکٹر ندیم اقبال کوں یکم مئی توں 31جولائی تئیں ،شیر شاہ دے وٹرنری آفیسر ڈاکٹر محمد
بلال کوں یکم اگست توں 30اکتوبر تئیں تے قصہ مڑل دے وٹرنری آفیسر ڈاکٹر محمد عابد کوںیکم نومیر
توں 31جنوری2021ءتئیں بطور سپریٹنڈنٹ سلاٹرہاﺅسز ملتان تعینات دے احکامات جاری کیتے گن ۔
امریکہ اچ کورونا وائرس پاروں پہلی ہلاکت، ایران، اٹلی اتے جنوبی کوریا کیتے مزید سفری پابندیاں
لاڈتن
واشنگٹن ۔ 2 مارچ (اے پی پی) امریکہ کورونا وائرس پاروں تھیونڑ آلی پہلی ہلاکت دے بعد ایران، اٹلی
اتے جنوبی کوریا کیتے سفری پابندیاں لاڈتن ۔امریکی خبر رساں ادارے دے مطابق ٹرمپ انتظامیہ
کورونا وائرس دے کھنڈنڑ کوں روکنڑ تے امریکہ اچ کورونا وائرس نال تھیونڑ آلی پہلی ہلاکت دے بعد
ایران تے پورے طور تے سفر پابندی لاڈتی اے جڈاں جو اٹلی اتے جنوبی کوریا دے کجھ حصیں کوں
خطرناک قرار ڈیندے ہوئیں اپنڑے شہریاں کوں انہاں ملکاں دا غیر ضروری سفر کرنڑ توں روک ڈتے ۔
واشنگٹن اچ صحت دے حکام ڈسائے جو او کرک لینڈ اچ لائف کیئر سنٹر اچ کورونا وائرس دی
وباءکھنڈنڑ دی تحقیقات کریندے پن جتھاں 2مریضاں اچ کورونا وائرس دی تشخیص تھئی اے جڈاں جو
باقی عملے تے مریضاں 50 لوکاں اچ کورونا وائرس دی علامات پاتیاں گن ۔
ادلب ، ترکی دا 19 شامی فوجی ہلاک کرنڑ دا دعویٰ
دمشق ۔ 02مارچ (اے پی پی) ترکی شام دے صوبہ ادلب اچ ڈرون حملیں دے ذریعے 19 شامی فوجیاں
دی ہلاکت دا دعویٰ کیتے ۔ برطانوی نشریاتی ادارے دی رپورٹ دے مطابق ترکی آکھیے جو ”آپریشن
سپرنگ شیلڈ “ دے دوران فضائی اتے زمینی حملیں اچ شام دے فضائی دفاعی سسٹم تے درجناں ٹینکس
کوں نشانہ بنڑایا گے ۔وزیر دفاع آکھیے جو کارروائی اچ ہک شامی ڈرون ، 8 ہیلی کاپٹراں، 103 ٹینکاں،
راکٹ لانچرز اتے بئے فوجی سامان کوں وی تباہ کرڈتا گے جڈاں جو 2212 شامی فوجیاں کوں
”نیوٹرلائیزڈ“ کیتا گے ۔ اے اصطلاح فوجیاں کوں ہلاک، زخمی یا زندہ گرفتار کرنڑ کیتے استعمال کیتی
ویندی اے ۔ برطانیہ اچ قائم شامی آبزرویٹری فار ہیومن رائٹس دے مطابق ڈرون حملیں اچ فوجی کانوائے
اتے آرمی بیس کوں نشانہ بنڑایا گے جیں دے نتیجے اچ گھٹ توں گھٹ 19 شامی فوجی ہلاک تھی گن ۔
بھارت ولوں مقبوضہ کشمیرتے مزید 37 قوانین لاگو کرنڑ تے اظہار تشویش
سرینگر ۔ 2 مارچ (اے پی پی) مقبوضہ کشمیراچ ڈیموکریٹک پولٹیکل موومنٹ دے چیئرمین خواجہ
فردوس بھارت ولوں جموںو کشمیر تے 37مزید بھارتی قوانین لاگو کرنڑ تے شدید تشویش ظاہر کیتی اے
۔ کشمیرمیڈیاسروس دے مطابق اے گال خواجہ فردوس سرینگر اچ پارٹی دی سنٹرل کمیٹی اتے ایگزیکٹو
کونسل دے اجلاس نال خطاب کریندے ہوئیں آکھی اے ،انہاں آکھیے جو بھارت مقبوضہ علاقے اچ آبادی
دے تناسب کوں وگاڑنڑ دکیتے اوچھے ہتھکنڈے استعمال کریندا پئے ۔انہاں آکھیے جو بھارت کشمیر اچ
انسانی حقوق دیاں سنگین خلاف ورزیاں کریندا پئے تے بیاں ریاستاں اچ متنازعہ قانون شہریت دے
خلاف احتجاج کرنڑ تے مسلماناں کوں بدترین ظلم و ستم دا نشانہ بنڑیندا پئے تے ایندے تے عالمی
براداری تے خاص کر مسلمان ملکاں کوں آواز چاونڑیںچ چاہیدی اے ،انہاں دہلی اچ بھارتیہ جنتاپارٹی
دے غنڈیں ولوں مسلماناں کوں بے دردی نال شہید کرنڑ تے مسیتاں تے درگاہیں وی بے حرمتی دی ودھ
ساری مذمت کیتی اے
یہ بھی پڑھیے
”ست سہیلیاں دِی کہاݨی، حقیقت یا فسانہ“ (وسیب یاترا :19)||سعید خاور
سکھر تے بکھر دِی کتھا“(وسیب یاترا :18)||سعید خاور
”””عشق ٻاجھوں جیوݨ کوڑ کہاݨی “ (وسیب یاترا :17)||سعید خاور