25فروری2020:اے پی پی دیاں سرائیکی خبراں

،سرائیکی زبان و ادب دے ودھارے کیتے رل مل تے کمکرنڑاں ہوسی

پی این سی اے اچ انڈس فورم ولوں مادری زباناں دیکانفرنس اچ سرائیکی دانشوراں و ادیباں دی گالھ مہاڑ

اسلام آباد۔ 25 فروری (اے پی پی) زباناں دا ودھارااتے تحفظاجوکی لوڑھ اے،زبان ساڈی قدیم تہذیبی قدراں، علم اتے ذہانتدامرکز اے،زبان دی بنیاد تے ہی قوماں، گروہاں اتے قبیلاں دیسنجانڑ تھیندی اے،سرائیکی زبان و ادب دے ودھارے کیتے رل ملتے کم کرنڑاں ہوسی۔اے گال پاکستان نیشنل کونسل آف دی آرٹساسلام آباداچ انڈس فورم ولوں "مادری زباناں دے عالمی ڈینھ“سانگے سرائیکی ادبی اکیڈمی دے آدر نال سرائیکی وسیب توںآئے سرائیکی اہل قلم ،ادیباں دانشوراں دے اعزازاچ "سرائیکیبیٹھک” ویلھے کیتی گئی۔ایں سوہنڑی تقریب دی صدارت سینئرصحافی مظہر عارف کیتی۔مہمانِ خصوصی مشتاق لاشاری اتےمہمان اعزاز چیئرمین سرائیکی سٹڈی ایریا بہاءالدین زکریایونیورسٹی ممتاز کلیانی ہن جڈاں جو نثر نگار عبدالباسط بھٹی،معروف شاعر جہانگیر مخلص، سلیم شہزاد، اظہر کلیانی ، یونسفادر عالم، ارشاد امین، خورشید احمد، سمیع اللہ بزدار، حبیبجعفری، صابر ملک ، شاہد دھریجہ۔امجد نذیر،ارشاد بخاری،رانا ابرار،جمشید اقبال،محبوب دستی اتے بئے مہاندرے سرائیکیاگوانڑاں شرکت کیتی۔سینئر صحافی مظہر عارف آکھیے جو جگاچ قوماں دی سنجانڑ اتے پرکھ ایندی زبان اتے ثقافتی اقدار نالتھیندی اے،کیوں جو ایندے نال اساں اپنڑا جیونڑ سدھارنڑ کیتےاپنڑے خیالات اتے احساسات بئے تئیں پچا سگدے ہیں۔لندن توںآئے مہاندرے مہمان مشتاق لاشاری آکھیا جو سرائیکی تحریک اچوی تحرک پیدا کرنڑ دی لوڑھ اے،ایں سانگے ساریاں سرائیکیپارٹیاں کوں مل بیھ تے حکمت عملی بنڑاونڑی ہوسی،اصلاحیتحریکاں جڑت ڈیندن ترڑینداںنئیں،ساکوں مل تے کم کرنڑ دی لوڑھاے۔ سرائیکی سٹڈی ایریا سنٹردے چیئرمین ممتاز کلیانی آکھیےجو سرائیکی وسیب اچ لوکاں کوں موقع ڈیونڑا ہوسی جو اوآپبغیر کہیں دباو¿ دے منن جو ایمانداری نال زبان دی ترقی اچ ہتھونڈیسن،ایں زبان اچ لکھنڑاتے بولنڑ آلیاں کوں وقار ڈیونڑاںہوسی۔صدرسرائیکی ادبی اکیڈمی ڈاکٹر سعدیہ کمال آکھیا جوساڈی زبان جیندی اے،اساں جدت اتے ترقی دے پھیر اچ اپنڑی مابولی اتے ثقافت دی سنجانڑ مکیندے ویندے ہیں،اپنڑی زبان داتحفظ کرنڑاہوسی،ایندے لوظاں کوں آندی نسل دو منتقل کرنڑاہوسی،جیویں جو حکومتاں وی ایندی ترویج تے کوئی دید نئیںبھالی،صرف اردو اتے پنجابی کیتے ہی کجھ کم تھئے بھلپاکستان دیاں ساریاں زباناں ساریاں ساڈیاں زباناں ہونڑاچاہیدن،اے سڈاے باغ داسوہنڑپ ہین جیکوں اساں آپ پھلنڑے۔

ریاست کوں مادری زبانان دی سرپرستی کرنڑی چاہیدیاے،ما بولی دی ترویج نہ کیتی گئی تاں منفی رویے اگوتے ودھسن،مہاندرے شاعر جہانگیر مخلص دی گالھ مہاڑ

اسلام آباد۔ 25 فروری (اے پی پی) سرائیکی دے مہاندرے شاعرسئیں جہانگیر مخلص آکھیے جوریاست کوںا ٓپ مادری زبانان دیسرپرستی کرنڑی چاہیدی اے،ما بولی دی ترویج نہ کیتی گئی تاںمنفی رویے اگو تے ودھسن۔اے گال پاکستان نیشنل کونسل آف دیآرٹس اسلام آباداچ "مادری زباناں دے عالمی ڈینھ“ سانگےسرائیکی ادبی اکیڈمی دے آدر نال سرائیکی وسیب توںا ٓئےسرائیکی اہل قلم ،ادیباں دانشوراں دے اعزازاچ "سرائیکیبیٹھک"اچ مہاندرے شاعر جہانگیر مخلص کیتی۔انہاںا ٓکھیا جواسلام آباد اچ مادری زباناں بارے میلہ تھیونڑ ہک چنگی گالھ اےبھل ایندے کیتے ریاست کوں آپ کردارادا کرنڑا چاہیدے جو اومادری زباناں دی ترقی کیتے کم کرے،بنیادی تعلیم وی ماءبولی اچڈیونڑی چاہیدی اے،ساڈے بالاں کوں پتا ہی کائنی جوازبان کیا اےاتے انہاں دی با بولی دی کی اہمیت اے،سلام آباداچ ہک پنجابیپولیس افسرتریمت نال پنجابی اچ الوائے تاں ایکوں مسلہ بنڑا ڈتاگئے ،اے او رویے ہین جیڑھے مادری زبان توں دوری پاروں ودھدےپین،اینجھے رویے توں بچنر کیتے مادری زباناں دی اہمیتسمجھنڑی ہوسی۔ انہاںا ٓکھیے جو سب توں وڈا تعلیمی نظام اےجیڑھا اتھاں ٹھیک کائنی ،ایکوں درست کرنڑ دی لوڑھ اے ،بنایدتعلیم اچ ما بولی لازمی ہووے،ما بولی دا لٹریچر،کتاباں اگونہاںکرنڑ اتے محفوظ کرنڑ دے نال نال انہان دی سنجانڑ کراونڑ دیلوڑھ اے جیندے کیتے رل مل تے کم کرنڑاں ہوسی۔انہاںا ٓکھیے جواجکل ہر جاہ تے کتاباں چھپدیاں پین،عالمی ادب اچ ویسرائیکیادب جاہ بنڑیندا پئے،اے کم بغیر ریاستی حمایت دے ٹرداپئے،سرائیکی اتنی وڈی زبان اے جیڑھی ملک دی ہر چنڈ گٹھ اچبولی ویندی اے اتے سب توں ودھ سمجھی ویندی اے،خوشی اےجو عالمی معیار دا ادبی لٹریچرسرائیکی زبان اچ تخلیق تھینداپئے جیندے تراجم کراونڑے چاہیدن۔

سرائیکی وڈی زبان اے،سرائیکی کتاباں سرکاری سطحتے چھپواونڑ تے اقدامات کیتے ونجن،شاہد دھریجہ

اسلام آباد۔ 25 فروری (اے پی پی) سرائیکی روزنامے جھوک دےاسلام آباد اچ بیروچیف اتے صحافی شاہد دھریجہ آکھیے جوسرائیکی وڈی زبان اے،سرائیکی کتاباں سرکاری سطح تےچھپواونڑ تے اقدامات کیتے ونجن۔اے گالھ انہاں پاکستان نیشنلکونسل آف دی آرٹس اسلام آباداچ "مادری زباناں دے عالمیڈینھ“ سانگے سرائیکی ادبی اکیڈمی دے آدر نال سرائیکی وسیبتوںا ٓئے سرائیکی اہل قلم ،ادیباں دانشوراں دے اعزازاچ "سرائیکیبیٹھک"اچ الویندے آکھی۔انہاں مادری زباناں دا میل رکھاونڑ تےانڈس کلچرل فورم کوں مبارکی ڈیندے آکھیا جو اینجھے ایونٹ اچپورے ملک توں زبان داناں دا آونڑ ہک وڈی پیش رفت اے،اج ہرزبان دے ادیب،شاعر،دانشور،فنکاراں دی شرکت زباناں دےودھارے کیتے اہم سنیہا ہین جو ما بولی توں بغیر گذرانکائنی،ساڈی زبان ہی ساڈی سنجانڑ اے،وفاقی سطح تے اینجھےمیلے نال سرائیکی زبان کوں وی اگو تے ودھنڑ اچ بیا موقع ملسیاتے ایواناں اچبیٹھے لوکاں کون وی پتا لگسی جو سرائیکی کتنیوڈی زبان اے،ساڈا مطالبہ اے جو سرکاری سطح تے سرائیکیکتاباں چھپواونر دے اقدامات کیتے ونجن۔

ایچ بی ایل پاکستان سپر لیگ 2020 ؛ (اج)توں ملتان اتے راولپنڈیکرکٹ سٹیڈیمز میچاں دی میزبانی کریسن

اسلام آباد ۔ 25 فروری (اے پی پی) پاکستان سپر لیگ اچ ڈو ڈینھدی وتھی توں بعد(اج) ملتان سلطانز اتے پشاور زلمی دا میچملتان اچ تھیسی اتے اے پہلی واری ہوسی جو ملتان اتے پنڈیکرکٹ سٹیڈیمز ایچ بی ایل پی ایس ایل دے میچاں دی میزبانیکریسن۔ڈوہاں شہراں دے مداح انہاں میچاں دی تانگھ اچ ہن۔بدھدی شام (اج)لیگ دااٹھواں میچ ملتان سلطانز اتے پشاور زلمیوچال ملتان سٹیڈیم اچ تھیسی ۔ملتان سلطانز دی اگوانڑی شانمسعودکریندے پین اتے انہاں دی ٹیم اچ شاہد آفریدی، جیمزونس، معین علی، عمران طاہر اتے رلی روسو موجود ہن۔ پشاورزلمی دے کپتان ڈیرن سیمی ہین اتے انہاں دے نال کامران اکمل،شعیب ملک اتے وہاب ریاض وی ہوسن۔ لیگ دا ناواں میچ(صبحائیں)خمیس کوں اسلام آباد یونائیٹڈ اتے کوئٹہ گلیڈیایٹرزداراولپنڈی سٹیڈیم اچ تھیسی۔

ستواں آئی سی سی ویمنز ٹی 20 ورلڈ کپ؛ پاکستان ٹیم(اج)ویسٹ انڈیز نال پہلا میچ کھیڈسی

کینبرا ۔ 25 فروری (اے پی پی) انٹرنیشنل کرکٹ کونسلولوںآسٹریلیا اچ ستویں آئی سی سی ویمنز ٹی ٹونٹی کرکٹ ورلڈکپ اچ(اج)بدھ کوں ڈو میچ کھیڈیے ویسن۔پہلا میچ گروپ بی اچتھائی لینڈ اتے انگلینڈ وچال کینبرااچ جڈاں جو ڈوجھا میچ ویگروپ بی اچ پاکستان اتے ویسٹ انڈیزدیاں تریمتیں دیاں ٹیماںوچال کینبرااچ تھیسی۔اے پاکستان دا ایونٹ اچ پہلا میچ ہوسی۔گرین شرٹس نال گروپ بی اچ انگلینڈ، ویسٹ انڈیز، جنوبیافریقہ اتے تھائی لینڈ شامل ہین۔ٹیم دی اگوانڑی بسمہ معروفکریندی پئی اے۔پاکستانی ٹیم ڈوجھا گروپ میچ 28 فروری کوںانگلینڈ، تریجھا میچ یکم مارچ کوں جنوبی افریقہ جڈاں جوچوتھا اتے چھیکڑی میچ 3 مارچ کوں تھائی لینڈ نال کھیڈسی۔

افغان صوبہ بلخ اچ طالبان دا سکیورٹی چیک پوائنٹ تےحملہ،تریمت اتے ملیشیادے 4 ارکان ہلاک

کابل ۔ 25 فروری (اے پی پی) افغانستان دے شمالی صوبہ بلخدے ضلع چارکنٹ اچ طالبان دے سکیورٹی چیک پوائنٹ تے حملےاتے فائرنگ اچ ہک تریمت اتے حکومت نواز ملیشیا دے 4 ارکانمارے گین۔ طالبان دے ہک گروپ سنوار منگل دی وچلی راتساڈھے 3وجے پارابرت وستی اچ سکیورٹی چیک پوائنٹ تے حملےدے بعد فائرنگ کرڈتی جیندے نال ہک تریمت اتے حکومت نوازملیشیا دے 4لوک مر گین اتے 6زخمی تھین۔

اقوام متحدہ دے سیکرٹری جنرل دا کورونا وائرس دی پیش رفتنال آگاہی سانگے عالمی ادارہ صحت دے ہیڈکواٹردا دورہ

جنیوا ۔ 25 فروری (اے پی پی) اقوام متحدہ دے سیکرٹری جنرلانتونیو گوتریس کرونا وائرس دی تازہ ترین پیش رفت نال آگاہیکیتے جنیوااچ عالمی ادارہ صحت دے صدر دفتردادورہ کیتے اتےسارے ملکاں کوں اپیل کیتی اے جو عدم تفریق تے ٹردے ہوئےانسانی حقوق دا احترام کرن اتے کرونا وائرس تے قابو پاونڑ کیتےہتھ ونڈاون۔ انہاں چینی عوام دا شکریہ ادا کریندے آکھیے جوعالمی ادارہ صحت دی معلومات موجب فروری توں چین اچ کروناوائرس دے نوین مریضاں دی تعداد گھٹنڑ لگ گئی اے،چینی عوامدی جدوجہد نال وائرس بیا پھیلنڑتوں روکنڑ اچ مدد ملیا ےجیڑھی انسانیت دی وڈی خدمت اے۔

کورونا وائرس عالمی وبا دی شکل اختیار کر سگدے،سربراہ عالمیادارہ صحت

جنیوا ۔ 25 فروری (اے پی پی) عالمی ادارہ صحت (ڈبلیو ایچاو)دے سربراہ ٹیڈروس ایڈہانوم گیبریسس کورونا وائرس نالمتاثرہ کیسزاچ ودھارے بارے چتاونڑی ڈتی اے جو اے وائرسعالمی وبا دی شکل اختیارکر سگدےاتے جگ کوں ایندے کیتے تیارراہنڑا چاہیدے۔انہاں آکھیے جو عالمی ادارہ صحت کورونا وائرسکوں حالی تئیں عالمی وباقرارنئیں ڈتا بھل جگ کوں ایندے تدارککیتے کم کرنڑا چاہیدے ۔

اومان دا پرچم اتے قومی ترانہ تبدیل

مسقط ۔ 25 فروری (اے پی پی) اومان دے فرمانروا سلطان ھیثمطارق قومی پرچم، لوگو اتے قومی ترانے اچ تبدیلی دا فرمان جاریکیتے اتے قومی ترانے دے چھیکڑی فقرے حذف کرڈتن جیندے اچملک دے سابق فرمانروا سلطان قابوس بن سعید دا ناںا ٓندا ہا۔سلطان قابوس بن سعید 10جنوری 2020 کو ں79سال دی عمراچمر گئے ہن۔سلطانی فرمان دے تحت ترانے، لوگو اتے قومی پرچماچ تبدیلیاں بارے عوام کوں ڈسا ڈتا گئے۔

ٹرمپ دی آمد ، ترائے سو سال بعد شاہ جہاں اتے ممتازدیاںقبراں دی ”ملتانی مٹی “نال صفائی

نئی دہلی ۔ 25 فروری (اے پی پی) امریکی صدر ڈونلڈ ٹرمپ دیبھارت آمدتے تاج محل دی صفائی ستھرائی دا کم کیتاگئے۔امریکی صدر ڈونلڈ ٹرمپ بھارت دے دورے تے تاج محل دے نیڑےمرمت اتے صفائی ستھرائی کیتی گئی اے،مغل شہنشاہ شاہجہاں اتے انہاں دی ملکہ ممتاز محل دی قبراں کوں وی ملتانیمٹّی نال صاف کیتا گئے۔تاج محل اچ دفن مغل شہنشاہ شاہجہاں اتے ملکہ ممتاز محل دیاں قبراں حالی وی کچیاں ہین بھلانہاں دے اتے پھل بوٹیاں نال منقش ماربل دیاں ڈو قبراں بنڑایاںگین۔

امریکی صدر ڈونلڈ ٹرمپ دا بھارت اچ پاکستان سنگت دااظہار امن کیتے ساڈیاں کوششاں داثبوت اے،وزیراعظم دی معاون خصوصی برائے اطلاعات و نشریات ڈاکٹر فردوس عاشق اعوان دا ٹویٹ

اسلام آباد ۔ 25 فروری (اے پی پی) وزیراعظم دی معاون خصوصی برائے اطلاعات و نشریات ڈاکٹر فردوس عاشق اعوان آکھیے جو امریکی صدر ڈونلڈ ٹرمپ دا بھارت اچ کھڑتے پاکستان نال سنگت دا کھلا اظہار ہک وڈی پیش رفت اتے ساڈیان امن کوششاں دا ثبوت اے، ٹرمپ دا دہشت گردی دے خلاف ساڈے مثبت کرداردا اعتراف کرنڑ نال بھارتی بیانیہ دفن تھی گئے،مودی خطے اتے بھارت اچ نفرت، تعصب اتے جنگ دی بھاءبھڑکاونڑ دی بجائے سنگت دے سنیہے اتے ایندی طاقت کوں سمجھے۔ہک ٹویٹ اچ انہاںا ٓکھیے جو امریکی صدردے ہوندے شہریت بل تے احتجاج کرنڑ آلیاں تے بدترین تشدد پورے جگ کوں حقیقت ڈکھیندا پئے جو تعصب، انتہا پسندی اتے جنگی جنون دی ذہنی بیماری اچ کون ولھیٹیا ہوئے؟۔انہاںآکھیے جووزیراعظم عمران خان دی قیادت اچ پاکستان دا عالمی تشخص چنگا تھینداپئے،جگ داعلاقائی اتے عالمی امن کیتے ساڈیاں کوششاں کوں منڑپاکستان دی کامیاب خارجہ پالیسی دا ثبوت اے،مسئلہ کشمیر ہک مسلمہ حقیقت اے، امیداے جو صدرٹرمپ مسئلہ کشمیرتے ضرور الویسن۔

وفاقی وزیر ریلوے شیخ رشید احمد نال چین دے سفیر یاو جِنگ دی ملاقات

اسلام آباد ۔ 25 فروری (اے پی پی) چین دے پاکستان اچ سفیر یاو جِنگ وزیر ریلوے شیخ رشید احمد نال ملین ۔انہاں پاکستان اتے چین دے جاری ریل منصوبیاں تے الوائے اتے کم دی رفتار تیکھی کرنڑ تے اتفاق کیتے۔وفاقی وزیر ریلوے شیخ رشید احمد چین اچ کرونا وائرس نال ہلاکتوں تے افسوس کیتے اتے آکھیے جو ایں اوکھے ویلھے پاکستان چین دے نال کھڑے۔چینی سفیرپاکستان دی اقتصادی ترقی کیتے روڑ اتے ریل انفرا سٹرکچر دی ترقی کوں اہم قرار ڈیندے آکھیے جو چین ریلوے انفراسٹرکچر دی ترقی کیتے پاکستان ریلوے دا پورا ہتھ ونڈیسی۔

شہری دفاع دا عالمی ڈینھ یکم مارچ کوں منایا ویسی

لاہور۔25 فروری(اے پی پی ) شہری دفاع دا عالمی دن یکم مارچ (آڈت ) کوں منایا ویسی۔ایں سانگے صوبائی دارالحکومت لاہورسودھا پورے ملک اچ خصوصی واکس ، سیمینارز، کانفرنسز ، مذاکرے ، مباحثے اتے بیاں تقریبات کرایان ویسن جیندے اچ قدرتی آفات ، ناگہانی واقعات، حالت جنگ اتے امن ویلھے شہریاں کوں شعور ودھایا ویسی۔

سرکاری سکیم دے تحت حج2020ءسانگے درخواستاں دی وصولی شروع

اسلام آباد ۔ 25 فروری (اے پی پی)حج2020ءسانگے سرکاری سکیم دے تحت درخواستاں دی وصولی اسٹیٹ بنک آف پاکستان دے مقررکیتے گئے بنکاں دی شاخاں اچ شروع کر ڈتی گئی اے۔درخواستاں منگل 25 فروری توں6مارچ تئیں سارے قومی بینکاں اچ وصول کیتاں ویسن۔ وزارت مذہبی امور دے ترجمان دے مطابق حج درخواستاں دی وصولی سانگے 11ڈینھ رکھیے گئن۔ایں بارے وزارت ولوں حج خرچے بغیر قربانی دے 4لکھ55ہزاراتے چار لکھ63ہزار روپے ہوسن۔

صدر مملکت ڈاکٹر عارف علوی داسابق میئر کراچی نعمت اللہ خان دی فوتگی تے افسوس

اسلام آباد ۔ 25 فروری (اے پی پی) صدر مملکت ڈاکٹر عارف علوی سابق میئر کراچی نعمت اللہ خان دی وفات تے افسوس کریندے ہوئے آکھیے جو اوہک عظیم انسان ہن۔اپنڑے ٹویٹ اچ پرچاونڑی ڈیندے ہوئے صدر مملکت ڈاکٹر عارف علوی دعا کیتی جو اللہ تعالیٰ سابق میئر کراچی نعمت اللہ خان کوں جوار رحمت اچ جاہ ڈیوے اتے درجات اچیچے کرے۔

سابق وزیر داخلہ چوہدری نثار علی خان دورہ برطانیہ توں بعد ول آئن

اسلام آباد ۔ 25 فروری (اے پی پی) سابق وزیر داخلہ چوہدری نثار علی خان دورہ برطانیہ دے بعدوطن ول آئن۔چوہدری نثارعلی خان قومی ایئر لائن پی آئی اے دی پروز پی کے 786تے لندن توں اسلام آبادپجین ۔او14 ڈینھ دے نجی دورے تے برطانیہ گئے ہن۔

وزیرخارجہ شاہ محمود قریشی نال اقوام متحدہ اچ تعینات پاکستان دے مستقل مندوب منیر اکرم دی ملاقات

اسلام آباد ۔ 25 فروری (اے پی پی) وزیرخارجہ شاہ محمود قریشی نال اقوام متحدہ اچ تعینات پاکستان دے مستقل مندوب منیر اکرم ملین اتے انہاں نال خطے دے معاملات، کشمیر دی صوتحال اتے افغان مفاہمتی عمل تے الوائے۔منیر اکرم اقوام متحدہ دے سیکرٹری جنرل دے اجوکے دورہ پاکستان دی کامیابی تے وزیرخارجہ شاہ محمودقریشی کوں مبارک ڈتی۔وزیر خارجہ آکھیے جو اقوام متحدہ دے سیکرٹری جنرل دا دورہ اتے مسئلہ کشمیرتے سیکرٹری جنرل اقوام متحدہ دی مصالحت کیتے پیشکش چنگی پیش رفت اے۔

پاک بحریہ دے ریئر ایڈمرل فیصل رسول لودھی اتے ریئر ایڈمرل زاہد الیاس دی وائس ایڈمرل دے عہدے تے ترقی

اسلام آباد ۔ 25 فروری (اے پی پی) پاک بحریہ دے ریئر ایڈمرل فیصل رسول لودھی اتے ریئر ایڈمرل زاہد الیاس کوں وائس ایڈمرل دے عہدے تے ترقی ڈے ڈتی گئی اے۔ترجمان پاک بحریہ دے مطابق وائس ایڈمرل فیصل رسول لودھی کمانڈر کوسٹ جڈاں جو وائس ایڈمرل زاہد الیاس کمانڈر کراچی ہن۔وائس ایڈمرل فیصل رسول 1986اچ اتے وائس ایڈمرل زاہدالیاس 1988 اچ پاک بحریہ دی آپریشنز برانچ اچ کمیشن گھدے۔ڈوہاں افسران دی خدمات دے اعتراف اچ اعلی ملٹری اعزازات وی ڈتے گین۔

خطے اچ امن و استحکام مسئلہ کشمیر دے حل تھیونڑ نال ہی تھی سگدے، وزیر خارجہ شاہ محمود قریشی

اسلام آباد ۔ 25 فروری (اے پی پی) وزیر خارجہ شاہ محمود قریشی آکھیے جو خطے اچ امن و استحکام اوں ویلھے آ سگدے جڈاں مسئلہ کشمیرحل تھیسی،صدر ٹرمپ بھارت کوں واضھ کر دتے جو او امن و استحکام دے ودھارے کیتے ہتھ ودھاوے۔وزارت خارجہ ولوں جاری بیان اچ وزیر خارجہ شاہ محمود قریشی آکھیے جو کشمیر دی اہمیت اگونہی تھیندی پئی اے،صدر ٹرمپ آکھ ڈتے جو او خطے اچ امن و استحکام چاہندن اتے بھارت ایندے کیتے مثبت کردار ادا کرے اتے امن کیتے ہتھ ودھاوے،ایں سانگے مسلہ کشمیر دا حل بہوں ضروری اے۔انہاں آکھیے جو بھارت دی موجودہ حکومت ایں مسلہ کوں بیا اوکھ کر ڈتے اتے پنج اگست دے اقدامات نال کشمیر دا تشخص متاثرتھئے اتے مقبوضہ وادی اچ 206ڈینھ توں کرفیو پاروں لوک اوکھے ہین،ایندے نال گالھ اگو تے کیویں ٹر سگدی اے؟وزیر خارجہ آکھیے جو صدر ٹرمپ واضح کر ڈتے جو پاکستان دہشت گردی دے خلاف جنگ اچ امن دا شراکت داراے،پاکستان دی دہشت گردی کوں ہراونڑ کیتے پیش رفت جگ اچ ہک مثال اے،افغانستان اچ وی امن کیتے پاکستان دا کردار مثالی اے جڈاں جو بھارت اچ فساد دی صورتحال پورے جگ ڈیکھ گھدی اے جیندی وجپ آپ بھارت سرکار اے۔وزیر خارجہ امید کیتی جو ٹرمپ کشمیر تے ضرور گالھ کریسن،جیکرکم وگڑیا تاں ایندا اثر پورے جگ تے پوسی،بھارت کوں اپنڑا رویہ بدلنڑا ہوسی۔

قطری سفیردی وزیر خارجہ شاہ محمود قریشی کوں امریکہ طالبان امن معاہدے تے دستخطی تقریب اچ آونڑ دی دعوت

اسلام آباد ۔ 25 فروری (اے پی پی) قطری سفیر وزیر خارجہ شاہ محمود قریشی کوں 29 فروری کوں دوحہ اچ امریکہ طالبان امن معاہدے تے دستخط دی تقریب اچ آونڑ دی دعوت ڈتی اے ۔اے دعوت قطری سفیر صقر بن مبارک ،قطری ڈپٹی وزیراعظم تے وزیر خارجہ شیخ محمد بن عبد الرحمن الثانی ولوں ڈتی اے اتے خصوصی دعوت نامہ پیش کیتے۔ وزیر خارجہ شاہ محمود قریشی امریکہ طالبان معاہدے دے اعلان دا خیر مقدم کریندے آکھیے جو افغان جھیڑے کوں مکاونڑ اتے مفاہمت ٹورنڑ کیتے پاکستان اتے قطر دا وڈا کردار اے،امید اے جو امن معاہدے تے دستخط انٹرا افغان مذاکرات دو گھن ویسن۔

ویب ڈیسک

See author's posts