ہک امریکی صدر ٻگھی تے سَیل کرݨ نکھتا , اوندی ٻگھی وچ چار گھوڑے پلاسٹک دے جُتے ہوئے ‘ اوہ امریکہ توں افریقہ وَنڄ پڄیا وت یورپ ایشیا تے چھیکڑ وچ آسٹریلیا ‘ کجھ ڈینہوار اوں چندر تے گزارے
اوندے سامان وچ ٹماٹراں دیاں کھیریاں دیاں ٹوکریاں ‘ مونگ پَھلیاں دے پیکٹ ‘ ڄمی ہوئی مچھیاں دے لفافے ‘ کاسنی پَھلیاں دے اچار دا مرتبان ‘ افریقہ دے امبیں دا جوس تے آنڈیاں دیاں پَچھیاں ہَن ‘ افریقہ توں ہک شاعر اوندی ٻگھی وچ چڑھ آیا ‘ صدر دے خلاف اوں شاعری کیتی تے زور زور دا کِھلیا ‘ اوں آکھیا ” امریکی ہُݨ صدر کوں واپس امریکہ نی ونڄݨا چاہیدا ‘ ایں ڳالھ وچ امریکہ دی چَنگائی تے دنیا دا سُکھ اے ” صدر اپݨی ٻگھی توں یونانی ہک جزیرے وچ لہا اونکوں ݙِتا
اوں سپین وچ ڈاند بَݨن دی اَہر کیتا تے لوکیں پِچھوں بَھڄیا ‘ لوکیں کوں اوں چا چا سَٹیا تے کئیاں کوں پھَٹڑ کیتا ‘چین وچ اوں انڈا لہاوݨ دی سِک کیتی ‘ چینیاں اوندے انڈا لہواوݨ دا سبندھ کیتا ‘ اوہ ٻگھی توں لیہ کے چالیہ قدم کُکِڑ وانگوں کرکدا ٹریا ‘ اوں انڈا لہایا تے ولدا چالیہ قدم تَرسلا نال ٻگھی وچ ٻَیہ تھیا ‘ عربیں ایں بہادری تے تلوار اونکوں پیش کیتی
انڈیا وچ صدر دا سرکاری آدر بھا تھیا ‘ امریکہ توں چِٹھی آئی ” ایہ صدر دا ذاتی ہک دورہ ہے سرکاری آدر بھا دی کوئی لوڑ نی
یہ بھی پڑھیے
”کوئی خواب میکوں اُدھارا نہ ݙیویں“ (وسیب یاترا :12)||سعید خاور
”بدن دی بھوئیں تے مُونجھ دا متام“ (وسیب یاترا :11)||سعید خاور
””سندھو سکرات وِچ اے“ (وسیب یاترا :10)||سعید خاور