سچو قلندری
اساں اپݨے گھریں دے وچ شہریں دے وچ رفعت
اپݨے پَہرے داریں توں نت گِھن اجازت وَڑدے
رفعت عباس
ساکوں اج تائیں ایہو کجھ ݙسیا ویندے جو تساں ریاست دے ٻیلی او۔
جیہرا کڄھ ریاست سوچے تساں وی اوہو کڄھ سوچو۔۔
ایتلا متام اساں کینویں بھوگ گھندوں ؟
جیہرے ویلھے اساں امن چاہندوں۔۔
تاں تل وطنیاں دی اجازت دے بغیر، انھاں دی مرضی دے سوا کیویں جنگ دے واڄے وڄدن ؟
بھل جو میں سنویں نینگر ایں ڳالھ کوں سمجھدے۔۔
اساں ریاست دے ٻیلی نسے۔۔
ساکوں خدا اے طاقت ݙتی اے جو تساں آپݨیں فیصلے آپ کرو۔۔
تساں سندھو نال خدا آلی کار محبت کرو۔۔
خدا ساکوں وسوں نال وسݨ دا آکھیا ھے۔۔
پتہ نئیں جو دوزخ اچ کیا ہوسی ؟
میڈا خیال آھدے دوزخ اچ ۔۔ جاہ جاہ تے چیک پوسٹاں لگیاں کھڑیاں ہوسن۔۔
جنتے ونجو چوکیدار کھڑے ہوسن۔۔
دوزخ اچ بندوخاں ہوسن۔۔
فطری چیزاں توں دور رہوݨ دے احکامات ہوسن
تریمتیں کوں قید کر ݙتا ویسی۔۔ لُکا ݙتا ویسی۔۔
انھاں تیں مردانہ حاکم مقرر کر ݙتے ویسن۔۔
مست کرݨ آلے مشروبات پیوݨ تیں پابندی ہوسی۔۔
سوچݨ تیں قید با مشقت ہوسی۔۔
جھمراں پاوݨ تیں سارا جگ میہݨے ݙیسی۔۔
تریمتیں تے مرداں دے لباس یونیفارم ہوسن۔۔
ادل بدل کر تے ہیک ٻئے دے کپڑے نہ پا سگدے ہوسن۔۔
ہر نوجوان کوں ہوندی مرضی کنوں علاوہ ہک خاتون نال سلہاڑ ݙتا ویسی۔۔ تے آکھیا ویسی بس تیں ہݨ ہیندے نال زندگی بھورݨی ہے۔۔
معاشرے دے سدھار دی گالھ کرݨ آلیں کوں پھاہی ونݨڄݨی پئی ویسی
جیکر دوزخ ایہا ہوسی تاں کوئی مشکل کینی اساں ایندے ہیلک ہسے۔۔
لیکن ہیک منت خدا دے حضور کریندے ہیں جو دوزخ اچ ہندو تے مسلمان نال انجو انج رویہ نہ رکھیا ونجے تاکہ اتھاں اساں سارے رل تے ہک بئے کوں انسان سمجھ سکوں۔۔
تے ہک بئے دا درد انسان وانگو محسوس کر سگوں۔
یہ بھی پڑھیے
پی ٹی آئی فارورڈ بلاک کے حاجی گلبر وزیراعلیٰ گلگت بلتستان منتخب
اپار۔۔۔||رفعت عباس
سابق وزیر اعلی پنجاب عثمان بزدار کی نیب آفس طلبی