اسلام آباد ہائیکورٹ نے عمیر بلوچ کےخلاف توہین عدالت کا شوکاز نوٹس واپس لے لیا

پی آئی سی واقعے کے بعد اسلام آباد ہائی کورٹ بار اور بینچ کے درمیان ڈیڈلاک ختم ہو گیا۔۔عدالت عالیہ نے بار سیکرٹری عمیر بلوچ کےخلاف توہین عدالت کا شوکاز نوٹس ان کے پیش ہونے پرواپس لے لیا۔

اسلام آباد ہائیکورٹ کے چیف جسٹس اطہرمن اللہ نے ریمارکس دیئے کہ اس صورت حال سے کسی تیسری قوت کو فائدہ نہیں اٹھانے دیں گے۔۔امید ہے بارعدلیہ کی آزادی کا تحفظ کرے گی۔معاملہ حل ہونے پراسلام آباد ہائی کورٹ بار نے ہڑتال کی کال واپس لے لی۔۔۔وکلا عدالتوں میں پیش ہونے لگے۔

اسلام آباد ہائی کورٹ بار کے سیکرٹری عمیر بلوچ کےخلاف توہین عدالت کا کیس۔۔۔چیف جسٹس اطہر من اللہ نے سماعت کی۔عمیر بلوچ اور بار کے صدر راجہ انعام امین منہاس ودیگرعہدیداران پیش ہوئے۔

عدالت نے بار کے سیکرٹری اور دیگر ممبران کے پیش ہونے پر شوکاز نوٹس واپس لے لیا۔چیف جسٹس اطہر من اللہ نے ریمارکس دیئے کہ کل آپ آگئے تھےجب احساس ہو جائے تو اتنا ہی کافی ہے۔یہ عدالت توہین عدالت میں سزا پر یقین نہیں رکھتی۔بڑے دکھ سے شوکاز نوٹس جاری کیا۔۔۔بار مضبوط ہو گی تو بینچ مضبوط ہو گا۔

چیف جسٹس نے کہا کہ عدلیہ کااحتساب بھی مضبوط بار ہی کرتی ہے۔۔۔بار کا نوبل کردار یہ ہے کہ عدالتوں پرعوام کااعتماد بڑھے۔۔۔۔بار نے بھی رول ماڈل کا کردار ادا کرنا ہے۔۔۔ امید ہے یہ بار عدلیہ کی آزادی کا تحفظ کرے گی۔۔۔

اسلام آباد ہائی کورٹ نے بار سیکرٹری عمیر بلوچ کو عدالتی کارروائی میں مداخلت پر12 دسمبر کوتوہین عدالت کا شوکاز نوٹس جاری کرکے 19 دسمبرتک ان کا لائسنس معطل کیا تھا۔۔وکلا تنظیموں نے احتجاجاً چیف جسٹس اطہر من اللہ کی عدالت کا بائیکاٹ کیے رکھا۔۔۔

ویب ڈیسک

See author's posts