شکیل نتکانی
میں ہک ایجھیں دنیا وچ وڈی تھئی ہاں جتھاں میں جھئیں ڈکھ آلی تریمت جیندے میڈے جھئیں وال تے میڈی جھئیں رنگت اے کوں کڈانہیں سونہڑاں نئیں سمجھا گیا۔ میڈے خیال وچ اج ایں ویلہے او سب کجھ مک مکا ستے۔ میں پورے مانڑ نال ڈسیندی پئی آں جو میڈا ناں زوزیبنی تنزی اے، مس یونیورس 2019.
قدرتی طور تے رج کالی رنگت تے چھوٹے وال رکھنڑ والی 26 سالہ زوزیبنی پہلے مس جنوبی افریقہ بنڑی تے ہنڑ او مس یونیورس اے۔
اپڑیں مس یونیورس بنڑن تے زوزیبنی جیندا نک نیم زوزی اے دا آکھنڑ ہا کہ اج رات ہک تاکہ کھلی اے تے میں جتنی شکرگزار تھیواں گھٹ اے جو او میں ہاں جو اوں تاکی وچوں لنگھی اے۔ ہر او بالڑی جئیں اے تھیندا ڈٹھے ہمیش واسطے آپڑیں خابیں دی شکتی تے ایمان رکھے میں چہندی آں جو بال میکوں ڈیکھن تے انہیں کوں میڈے مکھ وچ آپڑاں آپراں مکھ نظرے۔
مس یونیورس بنڑن دے بعد زوزی کوں ہک سال کیتے نیویارک وچ ہک اپارٹمنٹ دتا ویسی جیندا کرایہ او نہ بھریسی تے تقریباً ہک لکھ ڈالر ماہانہ اوندی تنخواہ ہوسی۔ باقی ماڈلنگ دے سلسلے وچ او دنیا بھر دے سیر سپاٹے انج کریسی۔
مس یونیورس منتخب تھیونڑ توں پہلے دے کہیں مرحلے وچ ہک ٹویٹ وچ زوزی آپڑیں ڈاڈی کوں یاد کریندے ہوئیں آکھا جو کاش میڈی ڈاڈی جیندی ہوندی تاں او میکوں او سارا کجھ کریندیں ہوئے ڈیکھے ہا جیندے بارے او میکوں آہدی ہئی جو توں اے سب کر سگدی ہیں۔
اج دیاں بالڑیاں کوں سب توں ودھ کیا سکھاونڑ دی لوڑھ اے ایں سوال دا جواب ڈیندے ہوئیں زوزی آکھا جو لیڈرشپ۔
زوزی مس ساؤتھ افریقہ بنڑی تاں اوندی کالی رنگت تے وگ دے بغیر چھوٹے والیں دا مذاق اڈایا گیا ول اوں انسٹاگرام تے ہک پوسٹ لئی جیندے وچ آکھس جو معاشرے دی پہلے توں اے ذہن سازی تھئی ہوئی اے جو کالا ہوونڑ وچ کئی سونہڑپ کئے نی۔ میں مس یونیورس دے مقابلے وچ ایں امید نال ویندی پئی آں جو سہنڑپ دے بارے لوکیں دے غلط تصورات تے دقیانوسیت کوں تہس نہس کر سٹاں۔ جو کئی وی اے سمجھدے جو کالا سونہڑاں نئیں میں بہوں اباہل وچ آں جو او آپ ہک کالی تریمت دی گہرائی تے جادو کوں نمایاں تھیندا ڈیکھے۔
یہ بھی پڑھیے
”شیر دل رانی، مائی چھاگلی (وسیب یاترا :8)||سعید خاور
”چِڑیاں اُٹھو کوئی دھاں کرو“ (وسیب یاترا :7)||سعید خاور
” "دل تاں آہدے یار دی وَستی ڄُلوں”(وسیب یاترا :6)||سعید خاور