مارچ 28, 2024

ڈیلی سویل۔۔ زمیں زاد کی خبر

Daily Swail-Native News Narrative

سرائیکی صوبہ حقیقت یا میڈا خواب یا ول پنجابی یاری دی لاج؟۔۔۔فضل رب لُنڈ

اشو سئیں انہاں حالات تیں واقعات دے مطابق ڈیرہ اسماعیل خان دے سرائیکی دوستیں کوں آکھیا ھائی منجھ بچاونڑ کیتے کٹا کونھڑا پوندے اور اج دے حالات وچ ایہو سچ ھے۔

سرائیکی صوبہ حقیقت یا میڈا خواب یا ول پنجابی یاری دی لاج
کجھ ان بھاندے سچ کیا ایں ریاست پاکستان وچ اساں کہیں صوبائی اکائی تیں فوجی حملہ یا لشکر کشی کر کے سرائیکی صوبہ گھن سگدے ھیں

اگر اے سچ نہی تاں ول سرائیکی صوبے کیتے سچ سوچنڑ سمجھنڑ بہوں ضروری ھے

سرائیکی صوبہ پاکستانی آئین دے مطابق بنڑسی پی پی پی ساڈا سرائیکی صوبے کیتے ہک کم سوکھا کر گئی ھے جو جہرھے صوبے وچ صوبہ بنڑسی اوندی اسمبلی صوبے دے بل کوں پاس کریسی اے کریڈیٹ پی پی پی کوں ویندے انہاں بہاولپور جنوبی پنجاب دا ہکو بل سینیٹ وچوں پاس کرایا تاں پنجاب حکومت کوں پنجابی اسمبلی وچوں ڈو بل پاس کروانڑے پئے گئے جو پنجاب کوں تقسیم کرو پنجاب دے اندرو صوبے بنڑاؤ

ضئیائی غیر قانونی اصلاحات دا خاتمہ تھیا ایں کینے وڈی خوشی دی گالھ کیا تھی سگدی ھے لیکن کجھ دوست نہی چاہہندے جو سرائیکی صوبے دا آئینی عمل پورا تھیوے سرائیکی صوبہ بنڑے پنجاب تقسیم نہ تھیوے

اوہ کوڑے حیلے بہانے کر کیں پنجاب دی تقسیم روکنڑ چاہندن مثال نمبر ہک ڈیرہ اسماعیل خان ٹانک پنجاب وچ نہی لیکن سرائیکی ھے اساں اے معاملہ پنجابیں نال نہی کرنڑا اے معاملہ ساڈا پٹھانٹریں نال ھے انہیں دی صوبائی اسمبلی الگ ھے انہاں نال الگ تھیسی اور اے گالھ انہاں نال اوں وقت تھی سگدی ھے جیرھے ویلھے اساں پنجاب تقسیم کرائی کھڑے ہوسوں ۔

ورنہ اے گالھ کہیں کوں کیویں سمجھا سگدے ھیں جیکر تساں کراچی وچ کھڑ کے أکھسو ٹانک ڈیرہ اسماعیل خان وی ڈیو لائلپور وی ساڈا ھے تساں سرائیکی صوبہ ونجاونڑ چاہندے ہاؤ گھنڑ چاہندے وی نہی

سرائیکی صوبے دا مقدمہ خراب نہ کرو أپس دی کاوڑ ول ہک ڈوجھے تیں مار گھنئیں سرائیکی صوبہ نہ ونجاؤ ۔

اشو سئیں انہاں حالات تیں واقعات دے مطابق ڈیرہ اسماعیل خان دے سرائیکی دوستیں کوں آکھیا ھائی منجھ بچاونڑ کیتے کٹا کونھڑا پوندے اور اج دے حالات وچ ایہو سچ ھے۔

%d bloggers like this: