سئیں محبوب تابش دی تقریر گھن کے کجھ دوست سرائیکی بلوچ تنازعہ بنڑاونڑ ڈکھاونڑ دے کوشش وچ ہن،
کیا ڈیرہ غازی خان توں گھن کے راجن پور تک جتھاں بلوچ آباد ہن اتھاں اے تفریق ہے وی سہی؟؟ کیہرا بلوچ ہے سیاستدان توں رکھ کے عام بندے تک جیہرا آپ کوں سرائیکی نئیں اہدا یا سرائیکی تسلیم نئیں کریندا؟
ایں دھرتی دے کاہیں ہک سردار توں رکھ کے شاعر یا عام بندے تک ڈساؤ جیہرا بلوچ تحریک وچ شامل تھیا ہووے یا اتھوں اٹھی بلوچستان وچ ونج کے بلوچیں دی تحریک دا حصہ بنڑیا ہووے؟
او بندہ ڈسو اجوکے سی ایم سردار عثمان خان توں گھن کے ہک عام بندہ چھوڑو ملاں تک جیہرا کاہیں نہ کاہیں شکل وچ سرائیکی تحریک دا حصہ نہ بنڑیا ہووے،
ہنڑ آندے پئیں اوں گالھ دو جیہری گالھ تیں اے کاوڑ تیں کھنب دا کاں بنڑاونڑ دی کوشش کیتی گئی ہے،
تابش سئیں آکھیئے اجوکے سی ایم توں گھن کے تمام لغاری ، مزاریں ساریں سرداریں —گالھ کرنڑ الا آپ وی شجرے دی گالھ کریجے تاں ہک بلوچ تمن دا حصہ ہے او اپنڑے انداز وچ اپنڑے وسیب دے اگوانڑیں تو شکوہ کریندا پئے بیا کئیں کولوں کرے؟
ریاست توں شکوہ کریندے یا وسیب دے اگوانڑ توں ہی شکوہ کریندے وسیب دا جایا اپنڑے محرومیں دا ڈوجھا سی ایم صاحب بلوچ اتحاد محاز توں سیاست وچ گیا ہووے ہا تاں شکوہ جائز وی ناں ہا سردار عثمان خان آج دی سیاست وچ سرائیکی صوبہ محاذ دے فورم توں گئین اور جیتن،
اگلی گالھ اے ہے جو دوست آہدن مندا کڈھے سی پہلی گالھ کاہیں ہک مخصوص شخصیت خاطر گالھ نہ ہی وسیب دے سیاستدانیں کیتے اجتماعی گالھ کیتی ہے ہا کاہیں دوست کوں ترتیب تیں اعتراض ہے او ٹھیک کیتی ونج سگدی ہے،
بئی اہم گالھ جیہرے لفظ کوں بہوں وڈا مندا گرادنیا ویندا پئے محفل مشاعرے گالھ مہاڑ وچ اے ہک لائیٹ جیہاں لفظ ہے صرف اے نئیں بہوں سارے اینجھے لفظ ہن مثلا
تھک ہئی، بڈ مر، چھنڑی وچ پانڑی پا بڈ مر، نک کپیا، بھاڑی آ، بے غیرت ا، وغیرہ عام لفظ ہن،
میں آج اے سوچیندا بیٹھاں اگر عثمان خان اجوکا سی ایم نہ ہوندا تونسے وچوں کیا اے موقف یا تنقید محبوب تابش دے حصے آوے ہا؟؟ اے تنقید کرنڑ آلے سارے دوست پہلے وی سارے سرداریں بارے ایں توں وی سخت الفاظ وچ تنقید سنڑی ودن کڈاہیں انیں تیں ایں طرح دی تنقید یا مذمت انیں توں نئیں سنڑیں مگر آج امدی پئی ہے،
میں سارے دوستیں کوں ایہو آکھساں کھنب دا کاں نہ بنڑاو اپنڑیں دھونس کوں بلوچکی پچھو نہ لکاو ڈوجھی گالھ اتھاں بلوچ سرائیکی دا فرق وی کینی سارے بلوچ سرائیکی تاں ہن مگر یاد رکھائے سارے سرائیکی بلوچ کینی،،،
محبتاں کرو محبتاں نال راہو جیہرا ایں دھرتی دا خاصہ ہے،،،
یہ بھی پڑھیے
”چِڑیاں اُٹھو کوئی دھاں کرو“ (وسیب یاترا :7)||سعید خاور
” "دل تاں آہدے یار دی وَستی ڄُلوں”(وسیب یاترا :6)||سعید خاور
”گاݙی گھَݨ گھَݨ لائی اے“ (وسیب یاترا :5)||سعید خاور