ٹک ٹاک نامی ایپلیکیشن سے مشہور ہونے والی حریم شاہ کی ایک اور متنازع ویڈیو سامنے آئی ہے، ویڈیو سامنے آنے کے بعد سوشل میڈیا صارفین نے ٹک ٹاک گرل کو شدید تنقید کا نشانہ بنایا ہے۔
سماجی رابطوں کی ویب سائٹ ٹوئٹر اکاؤنٹ پر اپنا تعارف ’ٹِک ٹاک کوئین‘ کے نام سے کروانے والی حریم شاہ وقتاً فوقتاً سوشل میڈیا پر نظر آتی رہتی ہیں۔
احمد کے ساتھ کل ویڈیو بنائی کتنا شرارتی بچا ہے پر اتنا ہی پیارا بھی ہے
Plz
Like Rt😍 pic.twitter.com/XhBqZMiv1b— Hareem Shah (@HareemSha12) October 30, 2019
حریم شاہ نے اپنے ٹوئٹر اکاؤنٹ سے ایک ویڈیو شئیر کی ہے جس میں ان کو سوشل میڈیا اور بعد میں نجی ٹی وی چینل کے پروگرام سے شہرت حاصل کرنے والے بچے احمد شاہ کے ساتھ دیکھا جا سکتا ہے۔
ویڈیو میں دیکھا جا سکتا ہے کہ حریم شاہ چھوٹے بچے کو نازیبا انداز میں بوسہ دے رہی ہیں۔ اخلاقی طور پر بچوں کو بھینچ بھینچ کر پیار کرنا، ان کے بے تحاشا بوسے لینا صحیح نہیں۔
حریم شاہ کی ٹویٹ پر تبصرہ کرنے والوں کے مطابق بچوں کے ساتھ اس طرح کا اظہار محبت ان کے استحصال کے زمرے میں آتا ہے۔ بدقسمتی سے ننھے احمد شاہ کے ساتھ یہ سب ہو رہا ہے، لیکن وہ احتجاج بھی نہیں کر سکتا۔
ذرائع کا کہنا ہے کہ حریم شاہ کی اہم حکومتی شخصیات سے دوستیاں ہیں جو تنازعات کے باوجود حریم شاہ کی حمایت کرتے ہیں۔
سوشل میڈیا صارفین کا کہنا ہے کہ اگر حکومت ملک میں بچوں کے خلاف جنسی جرائم کو روکنا چاہتی ہے تو اس طرح کی سرگرمیوں کے خلاف بھی سخت قانونی کارروائی کی ضرورت ہے۔
یاد رہے کہ ٹک ٹاک گرل حریم شاہ کے پرتعیش لائف سٹائل پر بھی سوالات اٹھائے جاتے ہیں۔ ایک نجی چینل کے پروگرام میں حریم شاہ نے دعویٰ کیا تھا کہ ان کے پاس لاہور، کراچی اور اسلام آباد کے بہترین علاقوں میں گھر بھی ہیں۔
یہ بھی پڑھیے
نیشنل پریس کلب کے انتخابات، جرنلسٹ پینل نے میدان مارلیا، اظہر جتوئی صدر منتخب
ملتان یونین آف جرنلسٹس کے سالانہ انتخابات میں "پروفیشنل جرنلسٹس گروپ” نے میدان مار لیا،
متوازن وفاق اور وسائل پر اختیار کےلئے سرائیکی سرگرم کارکنوں اور طلبہ تنظیموں کی’ سرائیکی صوبہ ریلی کا انعقاد