مقبوضہ کشمیر پولیس نے اتوار کے روز بتایا ہے کہ ‘سرینگر پولیس نے جنوبی زون سرینگر کے علاقے چانپورہ سے انچار میں ہونے والے احتجاج کے آرگنائزر کو گرفتار کرلیا ہے۔’
پولیس کے ایک ترجمان نے کہا ہے کہ ‘اس کی شناخت بشیر احمد قریشی کے طور پر ہوئی ہے جو ٹنگڈار کے ساکن ہیں۔ تاہم اس وقت وہ سرینگر کے باغی مہتاب کے علاقے میں رہائش پذیر تھے’۔
پولیس ریکارڈ کے مطابق وہ سرینگر شہر میں خاص طور پر سورہ کے انچار علاقے میں ملک مخالف مظاہرے کرنے میں ملوث تھے۔ وہ متعدد مقدمات پر ہوئے احتجاج میں شامل تھے۔ ان کے خلاف ایف آئی آر نمبر 66/2019 ، ایف آئی آر نمبر 67/2019 ، 68/98 ، ایف آئی آر نمبر 73/2019 ، ایف آئی آر نمبر 79 / 2019 ، ایف آئی آر نمبر 85/2019 کے تحت مقدمات درج ہیں۔
ترجمان نے بتایا کہ ‘تھانہ سورہ میں کیس درج کیا گیا ہے۔ ابتدائی تفتیش کے دوران افسروں کو علیحدگی پسندوں کے ساتھ اس کے روابط کے بارے میں معلوم ہوا۔’ساؤتھ ایشین وائر کے مطابق انہوں نے کہا کہ ‘پولیس ریکارڈ کے مطابق اس نے نوجوانوں کو اشتعال دلانے اور پولیس اور ایس ایف کے خلاف ملک دشمن مظاہرے کرنے اور پتھرا کرنے کے لیے اکسانے میں اہم کردار ادا کیا’۔
ساؤتھ ایشین وائر کے مطابق پولیس ترجمان نے بیان میں کہا کہ ‘اس نے غیر قانونی اجتماعات اور پرتشدد مظاہرے منعقد کرنے میں بھی اہم کردار ادا کیا
جس کے نتیجے میں علاقے میں شہریوں کی املاک کو نقصان پہنچا اور کئی افراد زخمی ہوئے ہیں، اس معاملے کی تحقیقات جاری ہے ۔
یہ بھی پڑھیے
ٹائی ٹینک ایک سو گیارہ برس بعد مزید پانچ زندگیاں لے گیا
پاکستان سمیت دنیا بھر میں آج بچوں سے مشقت کیخلاف عالمی دن منایا جارہا ہے
سعودی عرب کی کل آبادی 3 کروڑ 21 لاکھ سے تجاوز کرگئی