تونسے دا ملک شفیق جعفر یا میر جعفر۔۔۔فضل رب لُنڈ

گزری رات تونسے شریف وچ سئیں اقبال سوکڑی دی کتاب دی رونمائی ھئی جنیدے وچ سرائیکی تریخ وچ کہیں سرائیکی شاعر دی کتاب دی رونمائی وچ ہک ریٹائرڈ برگیڈئیر ہک حاضر سروس ایس پی پولیس ظفر بزدار ہک اسٹنٹ کمشنر وی تقریب دے مہمان ھن ۔

میزبان ھئی ملک شفیق جعفر اتھاں ہک سچا دھرتی واس محبوب تابش وی مدعو ھئی محبوب تابش کوں گالھ مہاڑ کیتے مدعو کیتا ویندے محبوب تابش رودھالی وانگوں اپنڑی وسوں دا وینڑ کریندے ظالم مظلوم کوں وکھرا کریندےلیکن میزبان انہاں دے سڈیے مہمان ظالم دے چمچے ھن ۔

تابش دی اے گالھ انہاں کوں ناگوار گزری جو اساں جیرھے حاکم دی سارا ڈینہہ رات چمچہ گیری کریندے ھیں اے تاں اوندے کپڑے لہائی ویندے ساڈی عزت کیا بچسی ؟تابش فقیر کوں کیا پتہ ھئی جو سوکڑی سئیں دی کتاب دی تقریب رکھنڑ آلے اتنا چھوٹے بونے ھوسن میں انہیں دے ہتھوں ماریا ویساں؟
ایں گالھ دے ثبوت
تابش سئیں دی جیرھی گالھ تیں مجمے کوں کاوڑ لگی ھے تاں اونہہ گالھ تیں کاوڑ لگنڑ وچ مجمے کوں سوچنڑ تیں نئوں منٹ کیوں لگن ؟نئوں منٹ دے ٹائم کیتے ایں پروگرام دی تابش دی تقریر دی ویڈیو ڈیکھ گھنو
نمبر ڈو آہدن جو اے رحمن سیال دے اڈے دا ملازم ھئی جئیں تابش سئیں کوں تقریر کینے روکے جھگڑا کیتے معزز مہمان کوں دھکے ڈتن جیکر ملک شفیق اتنا بزدل ھے اپنڑیں مہمان دی حفاظت نہی کرسگدا اوکوں روکنڑ کیتے اٹھی نہی سگدا معذور تاں کائینی ھئی اینداں لتاں تاں کائینا بھنیاں پئیاں ھن کہ اٹھی نہی سگیا
نمبر ترائے ملک شفیق دی جاہ دے علاوہ اے پروگرام کتھئیں وی تھنیدا پئیا ہووے ھا پنجاب پولیس کیتے اے کڈاہیں وی ممکن نہی تھی سگدا جو سٹیج توں مقرر کوں گرفتار کرکینے تھانڑے گھن ونجے ھا ۔

میں اپنڑی زندگی وچ اتنا بزدلی یا اقتدار دی خوشامد پہلی دفعہ ڈٹھی ھے
نمبر پنج اج جتھاں پورا سرائیکی وسیب انتہائی غم تیں غصے وچ تابش سئیں نال کھڑا ھئی کل رات دے پروگرام دا میزبان ملک شفیق سارا ڈینہہ ایں گالھ تیں بضد ھئی جو تابش بدتمیزی کیتی ای عثمان بزدار دی شان وچ گستاخی کیتی ھے ایندے نال ٹھیک تھئے۔

ملک شفیق جعفر مطلب میر جعفر۔ اے بزدار کجھ ٹائم دا تخت لہور دا ملازم ھے تونسہ وی راہسی سرائیکی تحریک وی راہسی محبوب تابش وی راہسی ایس پی ظفر بزدار تیں توں تریخ وچ کتھاں ہوسوں اپنڑی شخصیت مسخ کیتی وے۔۔

dailyswail

See author's posts