اے پورے ملک تیں خاص کر ساڈے وسیب دا بہوں وڈا مسلہ ہے لیکن اے مسلہ بہوں غیر معروف ہے ایندے اتیں گالھ کوئی نئیں کریندا اساں اپنڑے آس پاس ڈیکھو تاں بہوں سارے بال مختلف قسم دے کم کریندے ساکوں ڈسدن انہیں دی عمر کھیڈنڑ یا پڑھنڑ دی ہوندی ہے لیکن او کم کریندن ہوٹل تیں ورکشاپ اچ پیٹرول پمپ دکانیں تیں مختلف جہیں تیں اے مصوم بالیں نال بہوں وڈا ظلم اے
ایں شے دے خلاف ساکوں معاشرےدی سطح کجھ کرنڑا پوسی اساں سارے ایں شے اچ قصوروار ہیں ساکوں ساریں کے پہلے بالیں کو انہیں دے بنیادی حق ڈیونڑے پوسن بال کھیڈنڑ دی عمر اچ رج کے کھیڈن تیں اوندے بعد انہیں کو ہر صورت سکول داخل کرایا ونجے
میڈے مطابق ساڈے سرائیکی وسیب اچ ایجھی کوئی این جی او یا فلاحی تنظیم کم کائینی کریندی پئی جہری بالیں کو مفت پڑھاوے تیں نال کوئی ہنر وی سکھاوے
جیندے نال او اگوں تیں ونج کے اپنڑے آپ کو معاشی طور تیں وی مضبوط کرسگین پڑھائی دے نال نال کیوں جو غریب پیو ماں دا پہلا گلہ ایہوں ہوندے جو اساں اپنڑے بال پڑھاوں کیویں ساڈے کنے پیسے کائینی
ڈوجھی گالھ اے جو آہدین اساں بال پڑھاؤں تیں نال گھر کیویں چلاؤں بال پڑھسین تاں کمیسی کون آمدنی کتھوں آسی گھر کیویں چلسی لہذا غریب بالیں واسطے تمام سرائیکی تنظیماں دے لوک کٹھے رل کوئی ایں قسم دی مخصوص تنظیم بنڑاوین وسیب دی سطح جہرے بالیں کو تعلیم دے نال نال ہنر وی سکھاوے جیندے نال او اپنڑے غریب تیں بڈھڑے پیوں ماں دے نال نال اپنڑی گزران چلا سکین۔
تمام دوستوں ایں معاملے تیں سچیسو ضرور جیوو شالا۔
یہ بھی پڑھیے
[سرائیکی تحریک سانگے سئیں عامر حسینی دی ہک پوسٹ دا ولدا|| مشتاق گاڈی
”””خیر پور وِچ خیر اِی خیر اے“ (وسیب یاترا :15)||سعید خاور
نہویں ٖتے ݙہویں صدی دے ملتان دا ہندو مسلمان گَدرپ|| مشتاق گاڈی