مولانا ٹائم پاس کر رہے ہیں تو ہم بھی ٹائم پاس کررہے ہیں، پرویز خٹک

اسلام آباد: وزیر دفاع اور حکومتی مذاکراتی کمیٹی کے سربراہ پرویز خٹک نے کہاہے کہ مولانا فضل الرحمان اگر ٹائم پاس کررہے ہیں تو پھر ہم بھی ٹائم پاس کررہے ہیں۔

آج قومی اسمبلی کے اجلاس میں پرویز خٹک نےجب تقریر کا آغاز کیا تو اپوزیشن اراکین نے شور شرابا کیا جس پر پرویز خٹک نے کہا کہ آج دل سے بولنا چاہتا ہوں، کیا آپ لوگ سنیں گے، سن لیں یہ تماشہ نہیں چلے گا۔

وزیردفاع پرویز خٹک  نے کہا کہ مارچ والے صبر کریں، ابھی بہت دیکھنا اور برداشت کرنا پڑے گا، جتنا بیٹھنا ہے بیٹھو لیکن ملک کو نقصان نہیں پہنچانا، اگر مولانا کہتے ہیں جرگہ ٹائم پاس کے لیے ہے تو ہم بھی آپ سے ٹائم پاس کررہے ہیں۔

پرویز خٹک کا کہنا تھا کہ اگر جمہوریت کی بات کرتے ہیں تو آئیں ٹیبل پر بیٹھیں مذاکرات کریں  کیونکہ مسائل کا حل مذاکرات سے ہی ممکن ہے ۔

نمائندہ

See author's posts