پاکستان تحریک انصاف نےغیر ملکی فنڈنگ کیس سے متعلق الیکشن کمیشن کے 10 اکتوبر کے فیصلے کو اسلام آباد ہائی کورٹ میں چیلنج کر دیا ہے۔
درخواست میں الیکشن کمیشن، اکبر ایس بابر اور پی ٹی آئی کی فارن فنڈنگ کی سکروٹنی کمیٹی کو فریق بنایا گیاہے ۔
پی ٹی آئی نے درخواست میں مؤقف اختیار کیاہے کہ الیکشن کمیشن کی تشکیل مکمل نہ ہونے کے باعث 10 اکتوبر کے حکم کا کوئی قانونی جواز نہیں۔
الیکشن کمیشن کے 10 اکتوبر کے حکم کے نتیجے میں پی ٹی آئی کی فارن فنڈنگ کی سکروٹنی کے لیے اسپیشل کمیٹی کا قیام عمل میں آیا۔
الیکشن کمیشن نے اپنے فیصلے میں لکھا کہ ڈپٹی اٹارنی جنرل کسی سیاسی جماعت کی طرف سے ریاست کے مفاد کے خلاف پیش نہیں ہو سکتے۔ ریاست اس کیس میں فریق نہیں ، الیکشن کمیشن نے لاء افسران کے آرڈی نینس کی غلط تشریح کی۔
درخواست میں استدعا کی گئی ہے کہ الیکشن کمیشن کا 10 اکتوبر کا آرڈر کاالعدم قرار دیا جائے، درخواست پر فیصلے تک پی ٹی آئی کے خلاف فارن فنڈنگ کیس کی سکروٹنی کے لیے قائم اسپیشل کمیٹی کو بھی کام سے روکا جائے۔
واضح رہے کہ پی ٹی آئی کی سکروٹنی کمیٹی کی کارروائی لیک کرنے سے روکنے کی درخواست مسترد ہوئی تھی۔ پی ٹی آئی فارن فنڈنگ کی تحقیقات کے لیے الیکشن کمیشن نے 2018 میں سکروٹنی کمیٹی بنائی تھی۔
یہ بھی پڑھیے
نیشنل پریس کلب کے انتخابات، جرنلسٹ پینل نے میدان مارلیا، اظہر جتوئی صدر منتخب
ملتان یونین آف جرنلسٹس کے سالانہ انتخابات میں "پروفیشنل جرنلسٹس گروپ” نے میدان مار لیا،
متوازن وفاق اور وسائل پر اختیار کےلئے سرائیکی سرگرم کارکنوں اور طلبہ تنظیموں کی’ سرائیکی صوبہ ریلی کا انعقاد