ساݙی بکھ
ایٹمی بماں دی تابکاری نال ونی کرݙتی
ساݙی تس
دور مار میزائلیں کیتے مال غنیمت آلی لونڈی
ساݙی مونجھ
بوسیدہ سماجی ریتاں ہتھوں اجتماعی جبر دا نشانہ بݨی
ساݙی خشی
غیر مقامیت اتے کالونیل ازم دے گودیاں دی پرائیوٹ جیل اچ بند
ساݙی مٹی
الاٹمنٹ اتے سرکاری ٹھپے نال ولا ولا بے وس طوائف وانگوں ہر رات نیلام تھئی
ساݙے کھنب
اݙݨ توں پہلو ای پر درد طریقے نال چھک گدے گئے
ساݙیاں اکھیں
جنھاں وچ ریاستی نصاب دی سیخ مار تے اندھا کیتا گئیا
ساݙے اگواݨ
بھریے چوکاں وچ کلھے کرتے کٹھے گئے
ساݙا توں
ویہلے اتے پندھ دے فریم وچ ، ساݙے توں اتلا پریں تھی گئیں
اساں وت وی جیسوں
یہ بھی پڑھیے
”ست سہیلیاں دِی کہاݨی، حقیقت یا فسانہ“ (وسیب یاترا :19)||سعید خاور
سکھر تے بکھر دِی کتھا“(وسیب یاترا :18)||سعید خاور
”””عشق ٻاجھوں جیوݨ کوڑ کہاݨی “ (وسیب یاترا :17)||سعید خاور