اسلام آباد:اسلام آباد یونائیٹڈ گروپ کے وائس چیرمین سرفراز حسین مغل کی سربراہی میں نمائندہ وفد نے اتوار بازار کا دورہ کیا نقصانات کا جائزہ لینے کے ساتھ ساتھ متاثرہ دوکانداروں کے ساتھ یکجہتی اور ہمدردی کا اظہار کیا ۔
سرفراز مغل نے متاثرہ دوکانداروں سے گفتگو کرتے ہوئے کہا کہ ایک سال کے عرصہ میں تیسری مرتبہ اتوار بازار میں آتشزدگی کا وقوعہ سرزد ہونا انتہائی تشویش کا باعث ہے اور سی ڈی اے و متعلقہ اداروں کی غفلت اور لاپرواہی کا منہ بولتا ثبوت ہے۔
انہوں نے مزید کہا ہے کہ ارباب اختیار اتوار بازار میں بارہا ہونیوالے آتشزدگی کے سانحات کا سنجیدگی سے نوٹس لے تاکہ آئے روز غریب دوکانداروں کے ہونیوالے نقصانات سے ان کو بچایا جا سکے۔
وائس چیرمین اسلام آباد یونائیٹڈ گروپ نے حکومت وقت سے پرزور مطالبہ کیا ہے کہ فوری طور پر ایک کمیٹی بنائے جو دیانتداری کے ساتھ دوکانداروں کے ہونیوالے نقصانات کا تخمینہ لگائے اور معاوضہ کی ادائیگی کو یقینی بنانے۔
وفد میں راجہ فیاض گل، چوہدری وسیم، میاں بشارت اللہ کاکاخیل، چوہدری جمیل، زاہد محمود قریشی، اقبال بنگش، محمد سلیم، حسنین فانی مغل، علی حسنین اور ہارون کیانی شامل تھے ۔
یہ بھی پڑھیے
نیشنل پریس کلب کے انتخابات، جرنلسٹ پینل نے میدان مارلیا، اظہر جتوئی صدر منتخب
ملتان یونین آف جرنلسٹس کے سالانہ انتخابات میں "پروفیشنل جرنلسٹس گروپ” نے میدان مار لیا،
متوازن وفاق اور وسائل پر اختیار کےلئے سرائیکی سرگرم کارکنوں اور طلبہ تنظیموں کی’ سرائیکی صوبہ ریلی کا انعقاد