اسلام آباد: مشیر خزانہ و محصولات ڈاکٹر عبد الحفیظ شیخ سے ٹیکسٹائل ایکسپورٹرز کے وفد کی ملاقات ہوئی ہے۔
ملاقات میں مشیر کامرس و ٹیکسٹائل و انڈسٹری عبد الرزاق۔چیئر مین ایف بی آر شبر زیدی، ٹیکسٹائل ٹاسک فورس کے سربراہ احسن بشیر، فنانس سیکرٹری نوید کامران بلوچ اور سپیشل سیکرٹری فنانس عمر حمید خان بھی موجود تھے۔
مشیر خزانہ عبد الحفیظ شیخ نے ٹیکسٹائل ایکسپورٹ سیکٹر کے جولائی اور اگست کے سیلز ٹیکس ریفنڈز کے کلیمز فارم ایچ کی بجائے پرانے ای آر ایس نظام کے تحت بھرنے اور ادا کرنے کا وفد کا مطالبہ تسلیم کر لیا۔
ملاقات کے دوران سیلز ٹیکس ریفنڈز کی بروقت ادائیگی یقینی بنانے کے لیے دو ہفتوں کے اندر فارم ایچ کو بہتر بنانے یا نیا متبادل نظام لانے پر اتفاق رائے کیا گیا۔
سرکاری اعلامیے میں کہا گیاہے کہ وفد کے مطالبہ پر مشیر خزانہ عبد الحفیظ شیخ کی ایف بی آر کو ٹیکسٹائل ایکسپورٹرز کے دو ارب روپے واجب الادا سیلز ٹیکس ریفنڈز جن کے آر پی اوز جاری ہو چکے ہیں، فوری ادا کرنے کی ہدایت کردی گئی ہے۔
حکومت سیلز ٹیکس ریفنڈز روکنے کی بجائے برآمدات کے فروغ پر یقین رکھتی ہے جس کے لیے برآمدکندگان کو وافر مالی وسائل کی فراہمی اور ٹیکس ریفنڈز کے حوالے سے درپیش مشکلات کا یقینی ازالہ کیا جائے گا، مشیر خزانہ عبد الحفیظ شیخ کا بیان
یہ بھی پڑھیے
نیشنل پریس کلب کے انتخابات، جرنلسٹ پینل نے میدان مارلیا، اظہر جتوئی صدر منتخب
ملتان یونین آف جرنلسٹس کے سالانہ انتخابات میں "پروفیشنل جرنلسٹس گروپ” نے میدان مار لیا،
متوازن وفاق اور وسائل پر اختیار کےلئے سرائیکی سرگرم کارکنوں اور طلبہ تنظیموں کی’ سرائیکی صوبہ ریلی کا انعقاد