داعش کے سربراہ ابوبکر البغدادی کے مبینہ طور پر مارے جانے کی اطلاع سامنے آئی ہے۔
امریکی میڈیا نے پینٹاگان کے اعلی حکام کے حوالے سے دعوی کیا ہے کہ ابوبکر البغدادی کو ایک خفیہ اور خصوصی آپریشن میں ہلاک کردیا گیا ہے ۔
یہ خفیہ اور مشترکہ آپریشن شام کے شمال مغربی صوبے ادلب میں ہفتے کے روز اس وقت کیا گیا جب ایکشن ایبل اطلاعات موصول ہوئیں۔
ابوبکر البغدادی کے خلاف آپریشن امریکی صدر ڈونلڈ ٹرمپ کی اجازت کے بعد کیا گیا ۔
آپریشن کے حوالے سے پینٹاگان کے آفیشل نے تفصیلات بتاتے ہوئے کہا کہ جب فورسز اس کمپاؤنڈ میں داخل ہوئیں جہاں ابوبکر البغدادی چھپا ہوا تھا تو اس نے اپنے آپ کو خود کش جیکٹ سے اڑا دیا۔
امریکی فورسز کو اس پر گولی چلانے کی نوبت ہی نہیں آئی۔آپریشن میں بغدادی کی دو بیویوں کے مارے جانے کی اطلاع بھی ہے تاہم اس کے بچوں کو کوئی نقصان نہیں پہنچا۔
پینٹاگان حکام کا دعوی ہے کہ مبینہ آپریشن میں مارا جانے والا ابوبکر البغدادی ہی تھا جس کے خلاف آپریشن کا حکم امریکی صدر کی طرف سے ایک ہفتہ قبل دیا گیا تھا۔
امریکی صدر ڈونلڈ ٹرمپ نے بھی اس ضمن میں سماجی رابطوں کی ویب سائٹ پر بیان جاری کیاہے ۔
ڈونلڈ ٹرمپ نے ٹویٹ کیا کہ ”کچھ بہت بڑا ہوا ہے ابھی ابھی “
Something very big has just happened!
— Donald J. Trump (@realDonaldTrump) October 27, 2019
یہ بھی پڑھیے
نام ور سرائیکی شاعر مشتاق سبقت انتقال کر گئے
نیشنل پریس کلب کے انتخابات، جرنلسٹ پینل نے میدان مارلیا، اظہر جتوئی صدر منتخب
ملتان یونین آف جرنلسٹس کے سالانہ انتخابات میں "پروفیشنل جرنلسٹس گروپ” نے میدان مار لیا،