کوئٹہ : گورنربلوچستان امان اللہ خان یاسین زئی نے کہا ہے کہ یونیورسٹی آف بلوچستان میں ہونے والے واقعات کی مکمل تحقیقات کی جارہی ہے ۔
انہوں نے کہا کہ اگر کسی بھی شخص کو پیش آنے والے واقعات میں ذمہ دار پایاگیا تو بلاامتیاز اسکے خلاف کارروائی کی جائیگی۔
گورنر بلوچستان یاسین زئی نے کہا کہ یونیورسٹی آف بلوچستان میں وقوع پذیر ہونے والے واقعات سے متعلق حکومتی ادارے بھی تحقیقات کررہے ہیں اور عدالت کے بھی زیر غور ہے۔
انہوں نے طلباءو طالبات اور تمام شہریوں سے کہا کہ آپ بھروسہ اور اطمینان رکھیں، ہماری تمام باتوں پر نظر ہے اور قانون و انصاف کے تقاضوں کے مطابق تمام ضروری کارروائی کی جارہی ہے۔
گورنر نے تمام طلباءتنظیموں اور اساتذہ ایسوسی ایشنز پر زور دیا کہ مسئلہ وفاقی اداروں اور عدالت کے زیر غور ہے، تحقیقات کی تکمیل اور فیصلہ آنے تک ہرقسم کی بیان بازی سے گریز کریں ۔
یہ بھی دیکھیں: بلوچستان یونیورسٹی میں طلبہ کو ہراساں کرنے کے معاملے پر پارلیمانی کمیٹی قائم
گورنر بلوچستان نے یقین دلایا کہ فیصلہ آنے پر تمام ذمہ داروں کے خلاف سخت کارروائی کی جائیگی ۔
یہ بھی پڑھیے
نیشنل پریس کلب کے انتخابات، جرنلسٹ پینل نے میدان مارلیا، اظہر جتوئی صدر منتخب
ملتان یونین آف جرنلسٹس کے سالانہ انتخابات میں "پروفیشنل جرنلسٹس گروپ” نے میدان مار لیا،
متوازن وفاق اور وسائل پر اختیار کےلئے سرائیکی سرگرم کارکنوں اور طلبہ تنظیموں کی’ سرائیکی صوبہ ریلی کا انعقاد