اسلام آباد: جمعیت علمائے اسلام (جے یو آئی) ف کے سربراہ مولانا فضل الرحمان نے کہا ہے کہ ایجنسیاں ہماری پارٹی کے ضلعی اور صوبائی عہدیداروں سے رابطہ کر کے دباؤ ڈال رہی ہیں وہ اس حد تک نہ جائیں۔
جمیعت علمائے اسلام کے سربراہ مولانا فضل الرحمان سے میر حاصل بزنجو نے ملاقات کی۔ جس کے بعد میڈیا سے بات کرتے ہوئے مولانا فضل الرحمان نے کہا کہ حزب اختلاف ایک پیج پر ہی ہے۔
انہوں نے کہا انتخابات میں دھاندلی ہوئی اور جعلی وزیر اعظم اس ملک پر حکومت کر رہا ہے۔
پوری قوم پر عزم ہے اور ہر شعبہ زندگی سے وابستہ افرادآزادی مارچ کیلئے مکمل تیار ہیں
ایک بات کی وضاحت ضروری ہے کہ اوچھے ہتھکنڈوں سے باز رہا جائے اور ہمارے ذمہ داران اور کارکنان کو دباؤ میں مت لایا جائے
ہم اپنی جماعت میں کسی دباؤ کو قبول نہیں کریں گے۔ pic.twitter.com/J5Y1rtTvvH— Maulana Fazl-ur-Rehman (@MoulanaOfficial) October 15, 2019
مولانا فضل الرحمان نے کہا کہ دنیا بھی پاکستان کے وزیر اعظم کو جعلی سمجھ رہی ہے جبکہ آرمی چیف جنرل قمر جاوید باجوہ ان کی انگلی پکڑ کر بیرون ملک ملاقاتیں کرا رہے ہیں اور آئے روز کوئی نہ کوئی ایسی بات سامنے آ جاتی ہے جس پر مشاورت ضروری ہوتی ہے۔
انہوں نے کہا کہ میری جماعت کے لوگوں سے ایجنسیاں رابطہ کر رہی ہیں وہ اس حد تک نہ جائیں۔ فیصلے مرکزی سطح پر ہوتے ہیں یہ رابطے بند کر دیے جائیں۔
نیشل پارٹی کے مرکزی نائب صدر میر حاصل بزنجو نے کہا کہ نیشنل پارٹی کا وفد مولانا فضل الرحمان کے پاس آیا، کہا جا رہا ہے مولانا فضل الرحمان کے ساتھ کوئی جماعت نہیں ہے اور وہ مذہبی کارڈ استعمال کریں گے لیکن وقت نے ثابت کیا کہ موجودہ حکومت جعلی ہے۔
میرحاصل بزنجو نے کہا کہ اپوزیشن اس حکومت کے خلاف متحد ہے اور اس حکومت کو ہر حال میں جانا ہوگا۔
یہ بھی پڑھیے
نام ور سرائیکی شاعر مشتاق سبقت انتقال کر گئے
نیشنل پریس کلب کے انتخابات، جرنلسٹ پینل نے میدان مارلیا، اظہر جتوئی صدر منتخب
ملتان یونین آف جرنلسٹس کے سالانہ انتخابات میں "پروفیشنل جرنلسٹس گروپ” نے میدان مار لیا،