برطانوی شہزادہ ولیم اور ان کی اہلیہ کیٹ میڈلٹن کو خوش آمدید کہنے کے لئےپاکستانی فنکار بھی نہ منتظر ہیں بلکہ پرُجوش بھی ہیں۔ پاکستانی مصورہ رابعہ ذاکر اور آرٹسٹ وقاص احمد شائق نے شاہی جوڑے کی تصاویر بنالیں۔
برطانوی شہزادہ ولیم اورشہزادی کیٹ میڈلٹن کے استقبال کےلیے جہاں حکومتی سطح پرتیاریاں کی گئیں وہیں مصور اور آرٹسٹ بھی پیش پیش ہیں۔
معزز غیرملکی مہمانوں کی پیٹنگز بنانے میں مہارت رکھنے والی مصورہ رابعہ ذاکر نے شاہی جوڑے کا پورٹریٹ بھی تیار کیا۔
مصورہ رابعہ ذاکر کا کہنا ہے کہ شاہی جوڑے کا پورٹریٹ بنانے میں دو ہفتے لگے۔ منفرد پورٹریٹ مہمانوں کو پاکستانی قوم سے محبت کا احساس دلائے گی۔
نامور پاکستانی آرٹسٹ وقاص احمد شائق نے بھی شاہی جوڑے کے پورٹریٹ کی ایک ویڈیو اپلوڈ کی اور انہیں خوش آمدید کہا۔
وقاص احمد شائق نے رنگین پینسلوں کا استعمال کرتے ہوئے برطانوی شاہی جوڑے کا پورٹریٹ ترتیب دیا جس میں کیٹ میڈلٹن کا لباس پاکستانی جھنڈے جیسا سبز رنگ ہے۔
وقاص احمد شائق کی خواہش ہے کہ وہ خود اپنے پورٹریٹ کو پرنس ولیم اور کیٹ مڈلٹن کے سامنے پیش کریں ، جس کے لیے وہ کسی سرکاری عہدیدار یا برٹش ہائی کمیشن سے رابطے کی کوشش کر رہے ہیں۔
یہ بھی پڑھیے
سپریم کورٹ نے توشہ خانہ ٹرائل روکنے کی عمران خان کی استدعا مسترد کر دی
زرعی زمین فوج کو دینے کے نوٹیفکیشن کو کالعدم قرار دینے کا سنگل بینچ کا فیصلہ معطل
عمران خان کے خلاف توشہ خانہ کیس قابل سماعت قرار