سماجی رابطے دی ویب سائٹ فیس بُک دے گروپ اچ سرائیکی وسوں دے سوجھواناں دا ہک مکالمہ
بلال بزدار
اساڈے پاسے جیرھا بتھا منہ بنائی ودا ہووے اوکوں اہدن جو گبولیں آلا منہ بنائی ودیں….
قصور تاں بزداریں دا وی کائنی ڈاکٹر صاحب کھادا تاں گڑ ہانیں تونسے آلیں ایویں دول چا بدھے…
احسن واگھا
بزدارں آلی گالھ ہاں كوں چا لائی وے۔ میں تاں ناہی آكھی۔ راہ رستے ہئین كے نا۔ گڑ تونسے كنوں فاضلے یا بارتھی توڑیں پٔجدا ای ناہ۔ بزدا چرك توڑیں ایں نعمت دے سدھرائے ریہہ گین۔ گالھ گالھ تیں دنبہ كوہندے ہٸین چا۔ پرسندے بنیندے ہئین۔ پر گڑ آلی پاسو وانجیے ہئین۔ تونسے مشہور اے: ہك بزدار آكھیے خواجے ایتلی موٹی كیوں ان؟ ڈوجھے جواب ڈتے; خواجہ گڑ كھاندی ان۔ پیلھا حیران تھئے; خواجے كنوں ایتلا گڑ ہے ! اوں آكھیے ‘ہلییےے, خواجہ گڑ دی روضہ وی بنوا سگدن
………۔۔
فضل رب لُنڈ
ماما بزدار۔۔۔۔ ۔۔۔۔۔۔۔؟۔۔۔ھے
بلال بزدار
ہا آ ڈیکھ بزدار ـــــ یا …….. …..
احسن واگھا
اے وی تاں عرض كیتے جو دنبے بكرے آنند۔ سنگھڑ دے
بزداریں كنوں آپ جوگا اناج وی بہوں تھیندا ہا, مَٹھ چاكرانی دی جوار ساری تصیل تونسہ وچ اوتم ہائی۔ بس ایھو سر مویا گڑ !
ہك بزدار چھوائر پیو دیاں چھی بھیڈاں وگل كیں تونسے آن وڑیا۔ ہك ہك كر وچیندا گیا تیں ڈیوائے دے گڑ آلے چاول پِڑیندا ریہا۔ ڈوجھا شوق ریڈیو دا ہس۔ تڈاں تونسے دے كجھ بزاری لوك بزداریں كیتے لہوری نوسرباز بن وئیندے ہئین۔
اوكوں ترائے بھیݙیں وٹك ہك بینڈ آلا ریڈیو پكڑا ڈتونھیں۔
او دوكاندار دو ول گیا; اكھیں;
ایندے وچو آپنا لتا منگیشتر تیں مہدی حسن كڈھ گھن۔ بس عنایت بھٹی تیں نورجہاں هووے۔
اٹھویں ڈینہہ كپڑے چھنڈك, ہك بینڈ آلا ریڈو كچھ وچ پا تیں پہاڑ ول گیا۔
سیر گاجرئیں دا تیں پا گڑدا وی چادر وچ ولھیٹی ویندا ہا۔
طارق اسماعیل احمدانی
ہک جٹ پالے دی مد آکھیا ہا ۔اج ڈھیر پالا ہے ۔جمال لغاری گڑ کھندا پیا ہوسی
احسن واگھا
درست آئے ائو۔
چوٹی دے آسیو پاسو كئی جٹ ہِن ؟ اوئیں تاریخی تیں جغرافیائی سیٹنگ كجھ ایویں ہے جو گڑ جٹ ( كِراڑ) كنوں لنگھ كیں لغارئیں تائیں پجدا ہا۔ ڳناں تھل تیں پنجاب آلے پاسے تھیندا ہا۔
یا گَناں پھٔگلے تھیندا ہا؟
جی ہا, تساں پہاڑی ماكھی دی گالھ كرو ۔ ۔ ۔ تیں آجڑی ماݨھو, پتھر دے چٔگھ وچ بكری ڈوہ كیں, وچ ہِك داناں پنیر دا سٹ گھَتدے ہئین۔ وت او جیرھی ڈِش بنڑدی ہائی, اوكوں پنیر آہدے ہئین۔ اے اوتم ہنر ہا۔
احمدانی سائیں اے, لفظ پنیر دا پتہ كریجے۔
بلال بزدار
سائیں گالھ اے ھ جو ہک گالھ تیں کھڑیجے
چوٹی آلے پاسے بزداراں تیں لیبل اے جو انہاں سویں اچ لسی سٹی
ڈوجھا الزام ٹیٹک کھانونی قوم دا اے ،حالانکہ تونسے آلے پاسے ٹیٹک آلی ڳالھ قیصرانیاں نال منسوب اے
وت اے گڑ آلا معاملہ وی بزداریں دے سر
ہک گالھ تیں کھڑو
سارے بھنڈڑ بزداراں دے پچھو نی چھکدے،
تونسے اچ ساکوں اے وی آکھیا ویندے جو برف نال روٹی کھاونی قوم.
بیا اے وی آہدن جو” بندہ ہویں یا بزدار ہیں۔
اساڈے نال ان اے گالھیں
کوئی چنگی شئے ھ تاں بزدار ای موجد ہوسن
شہریں وچ بہوں زیادہ مقبول ان۔
تساں شیر نال ائو یا دنبے نال ائو۔ مطلب اے, ہنڑ سیویں وچ لسی !
اوئیں میں آپنڑے چھوٹے لا دے بزدار سنگتی,منظور (بعد وچ ایم۔ٹی۔ بلوچ) كنوں پچھیا : تساں مَٹی مدھانڑی كوں كیا آہدے ائو؟ اوں آكھیا: ساڈو ہوندی ای كے نی۔ اساں كوندھی (مشق) وچ ڈہی جمیندے ہئیں۔ وت ڈو مایاں مشق وچ ای, ڈہی وچ پانڑی سٹ كیں اوكوں زور دا ہلیندیئن۔ ایں طرانح مكھنڑ انج تھی ویندے۔ چھا وی بنڑ ویندی اے۔ آكھیوس اساں اے چھا رات كوں بنڑیندے ہئیں۔
كوڑ سچ ایم ٹی بلوچ دے سِر۔
یار قبائیلی تیں زرعی سماجیں دا فرق اے۔
ایندے وچ وڈائی, نِوائی آلی گالھ ای كے نی۔
ڈھیر ڈیہاڑے چپ تھی ونجے تاں بزدار خود ای گال چُلا چھوڑیندن😁
یہ بھی پڑھیے
”شیر دل رانی، مائی چھاگلی (وسیب یاترا :8)||سعید خاور
”چِڑیاں اُٹھو کوئی دھاں کرو“ (وسیب یاترا :7)||سعید خاور
” "دل تاں آہدے یار دی وَستی ڄُلوں”(وسیب یاترا :6)||سعید خاور