بہاول پور: اینٹی کرپشن بہاولپور نے کارروائی کرتے ہوئے دو ہزار روپئے رشوت لینے والے گورنمنٹ پرائمری اسکول کے ہیڈ ماسٹر کو گرفتار کر لیا۔
پرائمری سکول امیر اباد اُچ شریف کے استاد نے اپنے اسکول ٹیچر کی چھٹی کے لیے دو ہزار روپئے لیے۔
احمد پور شرقیہ کے نواحی علاقہ اُچ شریف میں موجود گورنمنٹ پرائمری سکول امیر آباد کے استاد محمد ارشاد گڈانی نے اینٹی کرپشن کو درخواست دی کہ سکول ہیڈ ماسٹر تحسین عباس نے رخصت اتفاقیہ منظور کرنے کے لیے دو ہزار روپئے رشوت طلب کی ہے۔
سرکل آفیسر اینٹی کرپشن ہیڈ کوارٹر جمشید اکرم نے کارروائی کرتے ہوئے علاقہ مجسٹریٹ کی موجودگی میں ریڈ کرکے ہیڈ ماسٹر تحسین عباس کو پیسے لیتے ہوئے رنگے ہاتھوں گرفتار کر لیا۔
مدعی نے الزام عائد کیا ہے کہ ہیڈ ماسٹر اس سے قبل بھی میڈیکل بنیادوں پر چھٹی منظور کرنے کے سات ہزار روپئے لے چکا ہے۔
یہ بھی پڑھیے
متوازن وفاق اور وسائل پر اختیار کےلئے سرائیکی سرگرم کارکنوں اور طلبہ تنظیموں کی’ سرائیکی صوبہ ریلی کا انعقاد
ڈیرہ اسماعیل خان میں پولیس نفری لیجانےوالی گاڑی کے قریب دھماکہ،5افراد شہید،21زخمی
ڈیرہ غازی خان کی خبریں