علامہ اقبال اوپن یو نیورسٹی کے سمسٹر خزاں 2019 کے بی ایڈ سمیت مختلف پوسٹ گریجویٹ پروگرامز کے داخلے جاری ہیں۔داخلہ فارم جمع کرانے کی آخری تاریخ 15اکتوبر 2019ہے۔
یہ بات ڈیرہ غازی خان کیمپس کے ڈائریکٹر قیصر عباس کاظمی نے گزشتہ روز مختلف تحصیلوں میں قائم اوپن یونیورسٹی کے تعلیمی مراکز کے دورے کے دوران مقامی عمائدین، اساتذہ اور طلباءو طالبات سے تبادلہ خیال کے دوران بتائی۔
انہوں نے مزید بتایا کے رواں سمسٹر خزاں2019 میں ٹیچرز ٹریننگ پروگرامز جن میں ایک سال دورانیہ پر مشتمل ایم ایڈ پروگرام اور بی ایڈ (ڈیڑھ، اڑھائی اور چار سال دورانیہ پر مشتمل) پروگرامز کے داخلے بھی ہو رہے ہیں ۔
قیصر عباس کاظمی نے بتایا کہ رواں سمسٹر خزاں 2019میں ایم ایس سی سطح پر اکنامکس، پبلک نیوٹریشن، پاکستان سٹڈیز ، ایڈمنسٹریٹو سائنس اور جنڈر اینڈ ویمن سٹڈیز میں جبکہ ایم اے اردو، عربی، اسلامک سٹڈیز اور ایم کام(اکاونٹنگ اینڈ فنانس ) کے داخلے ہو رہے ہیں ۔
اسی طرح ایسوسی ایٹ ڈگری سطح پر ایجوکیشن (ADE)کامرس (ADC) اور ایسوسی ایٹ ڈگری بزنس)ہیومن ریسورس مینجمنٹ اور مارکیٹنگ) کے داخلے بھی جاری ہیں۔
انہوں نے مزید بتایا کہ سمسٹر خزاں 2019 میں علامہ اقبال اوپن یونیورسٹی مختلف ڈسپلنسز میں چار سال دورانیہ پر مشتمل بی ایس پروگرام، چار سالہ ڈگری پروگرام بزنس ایڈ منسٹریشن ، مختلف پوسٹ گریجوایٹ ڈپلومہ پروگرامز اور فرنچ آن لائن پروگرام میں داخلے کر رہی ہے۔
ریجنل ڈائریکٹر نے کہا کہ پہلے سے داخل (جاری) طلباءو طالبات کو چاہیئے کہ وہ 14اکتوبر 2019 سے پہلے یونیورسٹی کی ویب سائٹhttp://online.aiou.edu.pkپر خود کو رجسٹرکرالیں۔15اکتوبر2019 کو رواں سمسٹرکے داخلوں کا سلسلہ مکمل ہو جائے گا۔
یہ بھی پڑھیے
نیشنل پریس کلب کے انتخابات، جرنلسٹ پینل نے میدان مارلیا، اظہر جتوئی صدر منتخب
ملتان یونین آف جرنلسٹس کے سالانہ انتخابات میں "پروفیشنل جرنلسٹس گروپ” نے میدان مار لیا،
متوازن وفاق اور وسائل پر اختیار کےلئے سرائیکی سرگرم کارکنوں اور طلبہ تنظیموں کی’ سرائیکی صوبہ ریلی کا انعقاد