مظفرگڑھ:سرائیکی وسیب کے ضلع مظفرگڑھ میں بھی ایک اور معصوم کلی کو مسل دیا گیا۔
مظفر گڑھ میں نوابزادہ نصراللہ خان مرحوم کے آبائی علاقے خانگڑھ میں چار ماہ کی بچی کو گھر سے اٹھا کر قتل کردیا گیا۔
مقامی پولیس کے مطابق نامعلوم سفاک قاتلوں نے چار ماہ کی مہوش کو قتل کرکے گھر کے قریب کھیتوں میں پھینک دیا۔
پوسٹ مارٹم رپورٹ کے مطابق معصوم بچی کے جسم کے مختلف حصوں پر نشانات بھی پائے گئے۔
پانچ روز قبل پیش آنیوالے افسوسناک واقعہ کے بعد تاحال خانگڑھ پولیس ملزمان کا سراغ نہ لگاسکی کئی روز گزرنے کے باوجود تاحال ملزمان کا سراغ نہ لگائے جانے کی وجہ سے علاقے میں خوف و ہراس ہے۔
مقامی پولیس کے ترجمان کا کہنا ہے کہ قتل کی دفعات کے تحت نامعلوم ملزمان کے خلاف مقدمہ درج کرلیا گیا ہے۔ پولیس ٹیمیں تحقیقات میں مصروف ہیں اور واقعہ کے تمام شواہد کو بھی اکٹھا کرلیا گیا ہے۔
یہ بھی پڑھیے
متوازن وفاق اور وسائل پر اختیار کےلئے سرائیکی سرگرم کارکنوں اور طلبہ تنظیموں کی’ سرائیکی صوبہ ریلی کا انعقاد
ڈیرہ اسماعیل خان میں پولیس نفری لیجانےوالی گاڑی کے قریب دھماکہ،5افراد شہید،21زخمی
ڈیرہ غازی خان کی خبریں